കെ.പി കുമാരൻ അനുസ്മരണം

ബാലുശ്ശേരി: ബാലുശ്ശേരി ഏരിയയിലും പനങ്ങാട് കോട്ടൂർ പഞ്ചായത്തുകളിലും കമ്മ്യൂണിസ്റ്റ് ,​ കർഷക പ്രസ്ഥാനം കെട്ടിപ്പടുക്കുന്നതിൽ ത്യാഗ പൂർണമായ പങ്കുവഹിച്ച കെ. പി കുമാരന്റെ പതിമൂന്നാം ചരമദിനം ആചരിച്ചു. കണ്ണാടിപ്പൊയിൽ അങ്ങാടിയിൽ സി.പി.എം ബാലുശ്ശേരി ഏരിയ കമ്മിറ്റി അംഗം വി.എം കുട്ടികൃഷ്ണൻ പതാക ഉയർത്തി. കിനാലൂർ ലോക്കൽ സെക്രട്ടറി എ. സി ബൈജു സ്വാഗതം പറഞ്ഞു.

വീട്ടിൽ നടന്ന അനുസ്മരണ യോഗം സി.പി.എം മുൻ ബാലുശ്ശേരി ഏരിയ കമ്മിറ്റി അംഗം വി.വി ബാലൻ നായർ ഉദ്ഘാടനം ചെയ്തു. ജില്ലാ കമ്മിറ്റി അംഗം ഇസ്മയിൽ കുറുമ്പൊയിൽ, പനങ്ങാട് ലോക്കൽ സെക്രട്ടറി ആർ.കെ. മനോജ്, കിനാലൂർ ലോക്കൽ സെക്രട്ടറി ഏ.സി. ബൈജു, അവിടനെല്ലൂർ ലോക്കൽ സെക്രട്ടറി ടി. ഷാജു, കെ.പി ദിലീപ് കുമാർ, പ്രീത.സി.ഡി, ബി.പി. അബു എന്നിവർ പങ്കെടുത്തു. കെ.ആർ ജിതേഷ് അദ്ധ്യക്ഷത വഹിച്ചു. പി.എൻ ഭരതൻ സ്വാഗതം പറഞ്ഞു.