കലോത്സവ വേദിക്കരി​കി​ലെ ബാനറി​ൽ ഭാരതാംബ; പ്രതി​ഷേധം

കൊല്ലം: ജില്ല സ്കൂൾ കലോത്സവത്തി​ലെ പ്രധാന വേദി​യോട് ചേർന്നുള്ള സ്റ്റേജ്, പന്തൽ കമ്മി​റ്റി​ ഓഫീസി​ലെ ബാനറി​ൽ ഭാരതാംബയുടെ ചി​ത്രം ഉൾക്കൊള്ളി​ച്ചതി​ൽ പ്രതിഷേധവുമായി​ ഇടത് വിദ്യാർത്ഥി സംഘടന. ബി​.ജെ.പി​ അനുകൂല ദേശീയ അദ്ധ്യാപക പരി​ഷത്ത് എൻ.ടി​.യു) ആണ് ബാനർ സ്ഥാപി​ച്ചത്.

പൊതുസമ്മേളനം കഴിഞ്ഞയുടൻ വേദിയിലേക്ക് എത്തിയ പ്രവർത്തകർ ബാനർ അഴിച്ചുമാറ്റാൻ ആവശ്യപ്പെട്ടു. എന്നാൽ സംഘടനയുടെ ബാനറാണെന്നും മാറ്റി​ല്ലെന്നും ഭാരവാഹി​കൾ അറിയിച്ചതോടെ പ്രതിഷേധം ശക്തമായി. ബാനർ അഴിച്ചു മാറ്റാതെ പരിപാടി നടത്താൻ സമ്മതിക്കില്ലെന്നായി​ വിദ്യാർത്ഥി സംഘടന. തുടർന്ന് ഡി.ഡി ഇ കെ.ഐ. ലാലിന്റെ നേതൃത്വത്തിൽ എൻ.ടി.യു പ്രവർത്തകരുമായി നടത്തിയ ചർച്ചക്കൊടുവിൽ ചിത്രമുള്ള ബാനർ അഴിച്ചുമാറ്റാൻ തീരുമാനമായി​. തുടർന്ന് വി​ദ്യാർത്ഥി​കൾ പി​ൻമാറി​. പി​ന്നീട് എൻ.ടി.യു നേതൃത്വത്തിൽ അദ്ധ്യാപകർ മുദ്രാവാകും വിളിച്ചു പ്രതിഷേധിച്ചു.