എൽ.ഡി.എഫ് മികച്ച വിജയം നേടും

ആലപ്പുഴ: തദ്ദേശ തെരഞ്ഞെടുപ്പിൽ എൽ.ഡി.എഫ് ജി​ല്ലയി​ൽ മികച്ച വിജയം നേടുമെന്ന് സി.പി.ഐ ജില്ലാ സെക്രട്ടറി എസ് സോളമൻ പറഞ്ഞു. കഴിഞ്ഞ തദ്ദേശ സ്വയംഭരണ തി​രഞ്ഞെടുപ്പിൽ മുന്നണിക്ക് നഷ്ടമായ സീറ്റുകൾ ഇത്തവണ തിരിച്ചുപിടിക്കും. ത്രിതല പഞ്ചായത്ത് സംവിധാനങ്ങളുടെയും സംസ്ഥാന സർക്കാരിന്റെയും നേതൃത്വത്തിൽ ഒട്ടേറെ വികസന പ്രവർത്തനങ്ങളും ക്ഷേമപദ്ധതികളും ജില്ലയിൽ നടപ്പാക്കി. കേരളത്തിൽ അധികാരത്തിലി​രിക്കുന്ന എൽ.ഡി.എഫ് സർക്കാരി​ന്റെ കരുതലും കൈത്താങ്ങും ലഭിക്കാത്ത ഒരു വിഭാഗം ജനങ്ങളും ജില്ലയിൽ ഇല്ലെന്നും അദ്ദേഹം കൂട്ടിച്ചേർത്തു