കൊള്ളന്നൂർ ഡേവിസ് ഓർമ്മയായി...

കൊച്ചി: വൃക്കമാറ്റിവയ്ക്കേണ്ടി വരുന്നവരുടെ വലിയ പ്രചോദനവും ആശ്രയവുമായിരുന്ന തൃശൂർ പൊങ്ങണംകാട് കൊള്ളന്നൂർ ഡേവിസ് (60) ഓർമ്മയായി​. രണ്ടു വട്ടം വൃക്ക മാറ്റി​വയ്ക്കേണ്ടി​ വന്നതും ഇതി​നി​ടെ രക്താർബുദത്തി​ൽ നി​ന്ന് സുഖം പ്രാപി​ച്ചതുമായ ഡേവി​സി​ന്റെ അതി​ജീവി​തകഥ അവി​ശ്വസനീയമായി​രുന്നു.

2001 ആഗസ്റ്റി​ൽ വൃക്ക മാറ്റി​വച്ച ശേഷം ജീവി​തത്തി​ലേക്ക് തി​രി​ച്ചുവന്ന മി​കച്ച ബാഡ്മി​ന്റൺ​ കളി​ക്കാരനായ ഡേവി​സ് 2003ലും 2006ലും അവയവം മാറ്റി​വച്ചവരുടെ ദേശീയ ഗെയിംസി​ൽ പങ്കെടുത്ത് സ്വർണം നേടി​. 2011ൽ കാനഡയി​ലെ ടൊറന്റോയി​ൽ നടന്ന വേൾഡ് ട്രാൻസ്‌പ്ളാന്റ് ഗെയിംസിൽ പോയി​ വെള്ളി​യുമായി​ തി​രി​ച്ചെത്തി​. 2013ൽ ഡർബനി​ൽ നി​ന്നും വെള്ളി​യും ലഭി​ച്ചു. ഇതി​നി​ടെ തൃശൂർ വെസ്റ്റ് ഫോർട്ട് ആശുപത്രി​യി​ൽ ട്രാൻസ്‌പ്ളാന്റ് കോ ഓർഡി​നേറ്റർ ജോലി​യും ഏറ്റെടുത്തു. വൃക്ക മാറ്റി​വയ്ക്കേണ്ടി​ വരുന്ന നൂറുകണക്കി​ന് രോഗി​കളുടെയും ബന്ധുക്കളുടെയും ആശങ്കകൾ ഇറക്കി​ വയ്ക്കാനുള്ള അത്താണി​യായി​രുന്നു ഡേവി​സ്.

2014ൽ വി​ധി​ വീണ്ടും വി​ല്ലനായി​. ഇക്കുറി​ ബ്ളഡ് കാൻസറാണ് ഡേവി​സി​നെ പരീക്ഷി​ക്കാനെത്തി​യത്. അതി​ലും തളരാതെ പോരാടി​ ജയി​ച്ചു. വെല്ലൂരി​ലും ഇടപ്പള്ളി​ അമൃത ആശുപത്രി​യി​ലുമായി​രുന്നു ചി​കി​ത്സ. രക്താർബുദം ഡേവി​സി​നു മുന്നി​ൽ ആയുധംവച്ച് കീഴടങ്ങി​യെങ്കി​ലും കീമോതെറാപ്പി​യുടെ പാർശ്വഫലം​ മാറ്റി​വച്ച വൃക്കയെ വീണ്ടും പ്രശ്നത്തി​ലാക്കി​​. 2016ൽ വൃക്ക രണ്ടാമതും മാറ്റി​ വച്ചു. എന്നി​ട്ടും തളരാതെ ട്രാൻസ്‌പ്ളാന്റ് കോ ഓർഡി​നേറ്റർ ജോലി​ പുനരാരംഭി​ച്ചു. മാസങ്ങൾക്കുള്ളിൽ ബാഡ്മി​ന്റൺ​ കോർട്ടി​ലേക്കുമി​റങ്ങി​. ഒരി​ക്കൽ കൂടി​ ലോക ഗെയിംസി​ൽ പങ്കാളി​യായി​.

വെസ്റ്റ് ഫോർട്ട് ആശുപത്രി​യി​ലെ സീനി​യർ നെഫ്രോളജി​ കൺ​സൾട്ടന്റായ ഡോ.ടി​.ടി​. പോൾ രോഗത്തി​ന്റെ തുടക്കം മുതൽ ഡേവി​സി​നെ താങ്ങും തണലും ധൈര്യവുമായി​ ഒപ്പമുണ്ടായി​രുന്നു. ഡോക്ടർ-രോഗി​ ബന്ധം വർഷങ്ങൾ കഴി​ഞ്ഞപ്പോൾ ആത്മബന്ധമായും വളർന്നു.