മെഡി​ ആശുപത്രിയിൽ നായ്ക്കളുടെ വി​ളയാട്ടം

അമ്പലപ്പുഴ: ആശുപത്രിയിലെത്തുന്ന രോഗികൾക്കും ഡോക്ടർമാർക്കും ഭീഷണിയായി തെരുവുനായ്ക്കൾ.ആലപ്പുഴ മെഡിക്കൽ കോളേജ് ആശുപത്രിയിലെ എ ബ്ലോക്കിനു സമീപമാണ് നായ്ക്കൾ തമ്പടിച്ചിരിക്കുന്നത്. .ആശുപത്രിയുടെ തെക്കേ അറ്റത്തെ പി.ജി .കോർട്ടേഴ്സിന് ചുറ്റുമതിൽ ഇല്ലാത്തതി​നാലാണ് നായ്ക്കൾക്ക് അകത്തു കയറി വിഹരിക്കാൻ സഹായകമാകുന്നത്. ആശുപത്രിക്കു പുറകിൽ ജൈവ മാലിന്യങ്ങളും ഭക്ഷണാവശിഷ്ടങ്ങളും തള്ളുന്നതും നായ്ക്കളുടെ വിളയാട്ടത്തിന് കാരണമാകുന്നു. പണി തീരാത്ത കെട്ടിടങ്ങളിലും നിരവധി നായ്ക്കളാണ് പെറ്റുപെരുകുന്നത്.