ശബരിമലയിൽ ഭക്തർക്കിടയിലേക്ക് ട്രാക്ടർ പാഞ്ഞുകയറി അപകടം,​ 9പേർക്ക് പരിക്ക്,​ രണ്ടുപേരുടെ നില ഗുരുതരം

പത്തനംതിട്ട: ശബരിമലയിൽ ഭക്തർക്ക് ഇടയിലേക്ക് ട്രാക്ടർ പാഞ്ഞുകയറി ഉണ്ടായ അപകടത്തിൽ രണ്ട് കുട്ടികൾ ഉൾപ്പെടെ 9 പേർക്ക് പരിക്ക്. സ്വാമി അയ്യപ്പൻ റോഡിലാണ് അപകടമുണ്ടായത്. പരിക്കേറ്റവരെ ആശുപത്രിയിൽ പ്രവേശിപ്പിച്ചു. ഇവരിൽ രണ്ടുപേരുടെ നില ഗുരുതരമാണ്. പരിക്കേറ്റവരിൽ രണ്ടു മലയാളികളുണ്ട്. നാല് ആന്ധ്ര സ്വദേശികളും രണ്ട് തമിഴ്നാട്ടുകാരും പരിക്കേറ്റവരിൽ പെടുന്നു. വീരറെഡ്ഡി (30)​,​ നിതീഷ് റെഡ്ഡി (26)​,​ ദ്രുവാൻശ് റെഡ്ഡി (10)​ ,​ സുനിത (65)​. തുളസി അമ്മ (60)​ എന്നിവർക്കാണ് പരിക്കേറ്റത്. മാലിന്യവുമായി പോയ ട്രാക്ടറാണ് അപകടത്തിൽപ്പെട്ടത്.