കുതിപ്പ് തുടർന്ന് സ്വർണം

കൊച്ചി: ഒരുലക്ഷം കടന്നും ബ്രേക്കിടാതെ സ്വർണവില. സംസ്ഥാനത്ത് ഇന്നലെയും സ്വർണത്തിന് വില വർദ്ധിച്ചു. 22 കാരറ്റ് ഒരു പവൻ സ്വർണത്തിന് 1,​01,​880 രൂപയായി. ഗ്രാമിന് 12,​735 രൂപയാണ് വില. സ്വർണവില കുതിച്ചുയർന്ന സാഹചര്യത്തിൽ വിപണിയിൽ ലാഭമെടുപ്പ് നടക്കുമെന്നും വില ചെറുതായെങ്കിലും ഇടിയുമെന്ന പ്രതീക്ഷയിലായിരുന്നു ഉപഭോക്താക്കൾ. ഈ പ്രതീക്ഷ അസ്ഥാനത്താക്കിയാണ് ഇന്നലെയും വില വർദ്ധിച്ചത്. ആഗോളവിപണിയിൽ സ്വർണവില കുതിച്ചുയരുന്നതിന്റെ ചുവട് പിടിച്ചാണ് ആഭ്യന്തരവിപണിയിലും സ്വർണവില വർദ്ധിക്കുന്നത്.