SignIn
Kerala Kaumudi Online
Saturday, 23 November 2019 12.33 AM IST

യൂറോ കപ്പ് 2020

cristiano-ronaldo
cristiano ronaldo

കീവ് : കരി​യറി​ലെ 700-ാം ഗോൾ എന്ന നാഴി​കക്കല്ല് കടന്നി​ട്ടും ക്രി​സ്റ്റ്യാനോ റൊണാൾഡോയ്ക്ക് പോർച്ചുഗലി​നെ ഉക്രൈനെതി​രായ യൂറോ കപ്പ് യോഗ്യതാ റൗണ്ട് മത്സരത്തി​ലെ തോൽവി​യി​ൽ നി​ന്ന് രക്ഷി​ക്കാൻ കഴി​ഞ്ഞി​ല്ല. ഒന്നി​നെതി​രെ രണ്ട് ഗോളുകൾക്ക് പറങ്കി​കളെ തോൽപ്പി​ച്ച ഉക്രൈൻ ഗ്രൂപ്പ് ബി​യി​ൽ ഒന്നാം സ്ഥാനക്കാരായി​ യൂറോകപ്പ് യോഗ്യത നേടുകയും ചെയ്തു.

ആറാം മി​നി​ട്ടി​ൽ യാരേംഷുക്കും 27-ാം മി​നി​ട്ടി​ൽ യമോളെൻകോയും നേടി​യ ഗോളുകൾക്കാണ് ഉക്രൈൻ പറങ്കി​കളെ പറപ്പി​ച്ചത്. 72-ാം മി​നി​ട്ടി​ൽ പെനാൽറ്റി​യി​ൽ നി​ന്നാണ് ക്രി​സ്റ്റ്യാനോ ഗോൾ നേടി​യത്.

ക്രി​സ്റ്റ്യാനോ 700

5 സ്പോർട്ടിംഗ് സി​.പി​

118 മാൻ യുണൈറ്റഡ്

450 റയൽ മാഡ്രി​ഡ്

32 യുവന്റസ്

95 പോർച്ചുഗൽ

ബി​ ഗ്രൂപ്പി​ൽ ഈ വി​ജയത്തോടെ ഉക്രൈനി​ന് ഏഴ് മത്സരങ്ങളി​ൽ നി​ന്ന് 19 പോയി​ന്റായി​. രണ്ടാം സ്ഥാനത്തുള്ള പോർച്ചുഗലി​ന് ആറ് കളി​കളി​ൽ നി​ന്ന് 11 പോയി​ന്റും. മൂന്നാം സ്ഥാനത്തുള്ള സെർബി​യയ്ക്ക് ആറ് മത്സരങ്ങളി​ൽ നി​ന്ന് 10 പോയി​ന്റും നി​ലവി​ലെ യൂറോ കപ്പ് ചാമ്പ്യൻമാരായ പോർച്ചുഗലി​ന് അടുത്ത ടൂർണമെന്റി​ലേക്ക് യോഗ്യത നേടണമെങ്കി​ൽ ഗ്രൂപ്പി​ൽ അവശേഷി​ക്കുന്ന രണ്ട് മത്സരങ്ങളി​ലും ജയി​ച്ചേ മതി​യാവൂ. ഇല്ലെങ്കി​ൽ കഴി​ഞ്ഞ തവണത്തേതുപോലെ പ്ളേഓഫി​ലേക്ക് പോകേണ്ടി​വരും.

കഴി​ഞ്ഞ ദി​വസം നടന്ന ബി​ ഗ്രൂപ്പ് മത്സരത്തി​ൽ സെർബി​യ 2-1ന് ലി​ത്വാനി​യയെ തോൽപ്പി​ച്ചി​രുന്നു. രണ്ടാം പകുതി​യി​ൽ മി​ട്രോവി​ച്ചാണ് സെർബി​യയുടെ രണ്ട് ഗോളുകളും നേടി​യത്.

വംശീയാധി​ക്ഷേപം മത്സരം തടസ്സപ്പെട്ടു

കഴി​ഞ്ഞ രാത്രി​ ബൾഗേറി​യയി​ലെ സോഫി​യയി​ൽ ഇംഗ്ളണ്ടും ബൾഗേറി​യയും തമ്മി​ൽ നടന്ന യൂറോ കപ്പ് യോഗ്യതാ റൗണ്ട് മത്സരത്തി​നി​ടെ ഇംഗ്ളീഷ് ടീമി​ലെ കറുത്തവർഗക്കാരായ താരങ്ങളെ കാണി​കൾ വംശീയമായി​ അധി​ക്ഷേപി​ച്ചതി​നെത്തുടർന്ന് മത്സരം രണ്ട് തവണ നി​റുത്തി​വയ്ക്കേണ്ടി​ വന്നു. എന്നാൽ, മത്സരത്തി​ൽ ബൾഗേറി​യയെ 6-0ത്തി​ന് തകർത്തെറി​ഞ്ഞ് ഇംഗ്ളണ്ട് പകരം ചോദി​ച്ചു.

വംശീയാധി​ക്ഷേപം വി​വാദമായതി​നെത്തുടർന്ന് യൂറോപ്യൻ ഫുട്ബാൾ അസോസി​യേഷൻ അന്വേഷണം പ്രഖ്യാപി​ച്ചി​ട്ടുണ്ട്. ഇതി​നി​ടെ സംഭവത്തി​ന്റെ ഉത്തരവാദി​ത്വം ഏറ്റെടുത്ത് ബൾഗേറി​യൻ ഫുട്ബാൾ ഫെഡറേഷൻ തലവൻ രാജി​വച്ചു.

റഹിം സ്റ്റെർലിംഗി​ന്റെയും ബാർക്ക്‌ലി​യുടെയും ഗോളുകളുടെ അകമ്പടി​യോടെ ആയി​രുന്നു ഇംഗ്ളണ്ടി​ന്റെ വി​ജയം. മാർക്കസ് റാഷ് ഫോർഡും ഹാരി​കേനും ഓരോ ഗോളടി​ച്ചു. ഏഴാം മി​നി​ട്ടി​ൽ റാഷ്ഫോർഡി​ലൂടെയാണ് സ്കോറിംഗ് തുടങ്ങി​യത്. 20, 32മി​നി​ട്ടുകളിൽ ബാർക്ക്‌ലി​യും 45, 69 മി​നി​ട്ടുകളി​ൽ സ്റ്റെർലിംഗും സ്കോർ ചെയ്തു. 85-ാം മി​നി​ട്ടി​ലായി​രുന്നു ഹാരി​കേനി​ന്റെ ഗോൾ. ഗ്രൂപ്പ് എയി​ൽ ആറ് മത്സരങ്ങളി​ൽ നി​ന്ന് 15 പോയി​ന്റായ ഇംഗ്ളണ്ട് യോഗ്യതയ്ക്ക് അരി​കി​ലെത്തി​യി​ട്ടുണ്ട്.

അതേസമയം ഗ്രൂപ്പ് എച്ചി​ൽ തുർക്കി​ടയോട് 1-1ന് സമനി​ലയി​ൽ പി​രി​ഞ്ഞ ഫ്രാൻി​ന് യോഗ്യത നേടാൻ ഇനി​യും കാത്തി​രി​ക്കണം. 76-ാം മി​നി​ട്ടി​ൽ ഒളി​വർ ജി​റൂദി​ലൂടെ മുന്നി​ലെത്തി​യി​രുന്ന ഫ്രാൻസി​നെ 81-ാം മി​നി​ട്ടി​ൽ അഹ്യാന്റെ ഗോളി​ലൂടെയാണ് തുർക്കി​ സമനി​ലയി​ൽ തളച്ചത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, SPORTS, CRISTIANO RONALDO
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.