ആശാ സംഗമം സർഗോത്സവം

അമ്പലപ്പുഴ : ആലപ്പുഴ ജില്ലാ ആശ സംഗമം സർഗോത്സവം 2026 ഗവ. റ്റി.ഡി മെഡിക്കൽ കോളേജ് ആഡിറ്റോറിയത്തിൽ സംഘടിപ്പിച്ചു. ജില്ലയിലെ പന്ത്രണ്ട് ഹെൽത്ത് ബ്ലോക്കിൽ നിന്നും തി​രഞ്ഞെടുത്ത ആശാ പ്രവർത്തകർ ഭദ്രദീപം തെളിച്ച് ഉദ്ഘാടനം ചെയ്തു. ജില്ലാ പ്രോഗ്രാം മാനേജർ ഡോ. കോശി സി പണിക്കർ അദ്ധ്യക്ഷനായി ഡി.എച്ച്.എസ് ഡപ്യൂട്ടി ഡയറക്ടർ ഡോ. വിവേക് കുമാർ രവി മുഖ്യപ്രഭാഷണം നടത്തി. ഡോ. ലിപ്സി പോൾ,ഡോ. പാർവ്വതി പ്രസാദ് , പി പ്രജിത് കുമാർ , പ്രോഗ്രാം ഓഫീസർമാർ , പി.ആർ.ഒ മാർ , തുടങ്ങിയവർ പ്രസംഗിച്ചു. 1700 ഓളം ആശാ പ്രവർത്തകർ പങ്കെടുത്തു. ആശാ വർക്കർമാർ അവതരിപ്പിച്ച വിവിധ കലാപരിപാടികളും നടന്നു.