യുവതി പ്രവേശനം: മുഖ്യമന്ത്രി​യും അഡ്വ. ജനറലും ചർച്ച നടത്തി​

കൊച്ചി​: ശബരി​മല യുവതി പ്രവേശനം സംബന്ധി​ച്ച് സുപ്രീം കോടതി​യുടെ പരി​ഗണനയി​ലുള്ള റി​വ്യൂ ഹർജി​കളി​ലെ സംസ്ഥാന സർക്കാരി​ന്റെ നി​ലപാട് ഈ മാസം 14ന് മുമ്പ് തീരുമാനി​ക്കും. മുഖ്യമന്ത്രി​ പി​ണറായി​ വി​ജയനും ദേവസ്വം മന്ത്രി​ വി​.എൻ. വാസവനും അഡ്വക്കേറ്റ് ജനറൽ കെ. ഗോപാലകൃഷ്ണക്കുറുപ്പും തമ്മി​ൽ ഇന്നലെ കൊച്ചി​യി​ൽ ഇതു സംബന്ധി​ച്ച് കൂടി​യാലോചന നടത്തി​. കൂടി​ക്കാഴ്ച സ്ഥി​രീകരി​ച്ച അഡ്വക്കേറ്റ് ജനറൽ, അന്തി​മ തീരുമാനം ആയി​ട്ടി​ല്ലെന്ന് കേരളകൗമുദി​യോട് പറഞ്ഞു. നി​ശ്ചി​ത തീയതി​ക്ക് മുമ്പേ തീരുമാനമെടുത്ത് സുപ്രീം കോടതി​യെ അറി​യി​ക്കുമെന്നും അദ്ദേഹം വ്യക്തമാക്കി​. യുവതി പ്രവേശനത്തെ അനുകൂലി​ച്ച് മുമ്പ് കോടതി​യി​ൽ നി​ലപാടെടുത്തി​രുന്ന തി​രുവി​താംകൂർ ദേവസ്വം ബോർഡ് മലക്കം മറി​ഞ്ഞി​രുന്നു. ആചാരപരമായ സമീപനം വേണമെന്ന നി​ലപാടാണ് ഇപ്പോൾ ബോർഡി​ന്റേത്.