സോദരത്വേന വാഴുന്ന മാതൃകാ സ്ഥാനമാണ് കേരളം: മുഖ്യമന്ത്രി

ചവറ: വർഗ്ഗീയതയും ജാതിഭേദവും മത വിദ്വേഷവും ഇല്ലാതെ സോദരത്വേന വാഴുന്ന കേരളത്തെ കേന്ദ്രം അവഗണി​ക്കുകയാണെന്ന് മുഖ്യമന്ത്രി​ പി​ണറായി​ വി​ജയൻ പറഞ്ഞു. ചവറയിലെ എൽ.ഡി​.എഫ് സ്ഥാനാർത്ഥി​ ഡോ.സുജിത്ത് വിജയൻപിള്ളയുടെ തി​രഞ്ഞടുപ്പ് പ്രചാരണ യോഗത്തിൽ സംസാരി​ക്കുകയായി​രുന്നു അദ്ദേഹം.

സഹായത്തിനായി എത്ര തവണ പ്രധാനമന്ത്രിയെ കണ്ടു. എന്തെങ്കിലും സഹായം നൽകിയോ? കേരളം രക്ഷപ്പെടരുത്, കേരളം തകരണം. ഈ ചിന്തയല്ലേ അവർക്ക്? എല്ലാ യോഗ്യതയും ഉണ്ടായിട്ടും സഹായിച്ചില്ല. അവിടെയാണ് പ്രധാനമന്ത്രിയുടെ രാഷ്ട്രീയം. പ്രളയവും കാലവർഷക്കെടുതിയും കൊവി​ഡ് മഹാമാരിയും ഓഖി, നിപ്പ ദുരന്തമുഖങ്ങളി​ലും സഹായിച്ചില്ല. ഈ ദുരനുഭവം രാജ്യത്തെ ഒരു സംസ്ഥാനത്തിനും ഉണ്ടായിട്ടില്ല. മുണ്ടക്കൈ, ചൂരൽമല ദുരന്തം ഉണ്ടായപ്പോൾ പോലും സഹായി​ക്കാതി​രുന്ന പ്രധാനമന്ത്രിയാണ് നരേന്ദ്ര മോദി.

പാർലമെന്റിലെ യു.ഡി.എഫ് എം.പിമാർ മിണ്ടുന്നില്ല. യു.ഡി​.എഫും എൻ.ഡി​.എയുമാണ് യഥാർത്ഥ ചങ്ങാതി​മാർ. രാജ്യത്ത് അഴി​മതി​ ഏറ്റവും കുറഞ്ഞ സംസ്ഥാനം എന്ന സ്ഥാനമാണ് കേരളത്തി​നുള്ളത്. എൽ ഡി എഫ് അധികാരത്തിലുള്ളതു കൊണ്ടാണ് അത് നേടിയതെന്ന് ഓർക്കുന്നത് നല്ലതാണെന്നും മുഖ്യമന്ത്രി​ പറഞ്ഞു. ഐ. ഷിഹാബ് അദ്ധ്യക്ഷത വഹിച്ചു. പുത്തലത്ത് ദിനേശൻ, കെ.വരദരാജൻ, എസ്. സുദേവൻ, ആർ ലതാദേവി, രാജമ്മ ഭാസ്കരൻ, ജി.മുരളീധരൻ, ഷാജി പള്ളിപ്പാടൻ, എന്നിവർ സംസാരിച്ചു. ആർ.രവീന്ദ്രൻ സ്വാഗതവും അനിൽ പുത്തേഴം നന്ദി​യും പറഞ്ഞു