വീണാ ജോർജ് നഷ്ടപരിഹാരം നൽകണം;ടി.ഒ.മോഹനൻ

കണ്ണൂർ: കണ്ണൂർ റെയിൽവേ സ്റ്റേഷനിൽ നടന്ന കരിങ്കൊടി പ്രതിഷേധത്തിനിടെ തനിക്ക് പരിക്കേറ്റത് ഉന്തിലും തള്ളിലുമാണെന്ന് വീണാ ജോർജ് മൊഴി നൽകിയ സാഹചര്യത്തിൽ റിമാൻഡിലായ 5 കെ.എസ്.യു പ്രവർത്തകർക്ക് 25 ലക്ഷം രൂപ നഷ്ടപരിഹാരം നൽകണമെന്ന് കോൺഗ്രസ് നേതാവ് അഡ്വ.ടി.ഒ.മോഹനൻ. മന്ത്രിയും സ്പീക്കറും നടത്തിയ നാടകമായിരുന്നു ഇതെന്നും ഇരയായ കെ.എസ്.യു പ്രവർത്തകർക്കെതിരെ വധശ്രമകുറ്റമാണ് ചുമത്തിയതെന്നും മോഹനൻ വാർത്താ സമ്മേളനത്തിൽ പറഞ്ഞു. കെ.എസ്.യു പ്രവർത്തകരായ വിദ്യാർത്ഥികളോട് മന്ത്രി മാപ്പ് പറയണമെന്നും ആവശ്യപ്പെട്ടു.