SignIn
Kerala Kaumudi Online
Saturday, 11 July 2020 3.10 AM IST

കുടുങ്ങുമെന്ന് ഉറപ്പായതോടെ ദുബായിലേക്ക് മുങ്ങാൻ പദ്ധതിയിട്ടു

premkumar

കൊച്ചി: സുനിതയമായി തെറ്റിപ്പിരിയുകയും പൊലീസ് പിടികൂടുമെന്ന് ഉറപ്പാകുകയും ചെയ്‌തതോടെ പ്രേംകുമാർ ഇന്നലെ ദുബായിലേക്ക് കടക്കാനുള്ള അവസാന ഒരുക്കത്തിലായിരുന്നു. സുനിത വെള്ളറടയിലെ വീട്ടിലേക്ക് മടങ്ങിയപ്പോൾ കളിയിക്കാവിളയിലെ വാടകവീട് പ്രേംകുമാർ ഒഴിഞ്ഞിരുന്നു. പിന്നീട് താമസം ഹോട്ടലുകളിലേക്ക് മാറ്റി. പിടിയിലാവാതിരിക്കാൻ പകൽ മുഴുവൻ യൂബർ ടാക്‌സിയിൽ കറങ്ങും.

തിരുവനന്തപുരത്തെ സ്‌കൂളുകളിൽ ചേർത്ത രണ്ടു മക്കളെ സുരക്ഷിതമായ കേന്ദ്രത്തിലേക്ക് മാറ്റാൻ കാലതാമസമുണ്ടായതാണ് ദുബായ് യാത്ര വൈകിപ്പിച്ചത്. 14 വയസുള്ള പെൺകുട്ടിയെ പ്രേംകുമാറിന്റെ അച്ഛൻ കഴിഞ്ഞ ദിവസം ചങ്ങനാശേരിയിലെ വീട്ടിലേക്ക് കൂട്ടിക്കൊണ്ടുപോയി. പത്തു വയസുള്ള മകനെ കൊണ്ടുപോയില്ല. കുട്ടിയെ അനാഥാലയത്തിലാക്കാൻ വൈകിയതോടെ പ്രേംകുമാറിന്റെ പദ്ധതികൾ പാളി. അപ്പോഴേക്കും പൊലീസ് തൊട്ടടുത്ത് എത്തിയിരുന്നു.

കുട്ടിയെ താമസിപ്പിച്ച അനാഥാലയത്തിലെ മാനേജരോട് യാത്ര പറഞ്ഞ് പുറത്തിറങ്ങിയപ്പോഴാണ് പൊലീസ് പിടികൂടിയത്.

പിടിയിലാകുമ്പോൾ പ്രേംകുമാറിന്റെ കൈയിൽ 91,000 രൂപയുണ്ടായിരുന്നു.

മക്കൾക്ക് സ്നേഹം അമ്മയോട്

എറണാകുളത്തെ സ്‌കൂളിൽ നി​ന്ന് മകളെയും മകനെയും ഈ മേയിലാണ് ഉദയംപേരൂരിലെ സ്‌കൂളിലേക്ക് മാറ്റിയത്. അമ്മയോടായി​രുന്നു ഇരുവർക്കും അടുപ്പമെന്ന് ടീച്ചർമാർ പറഞ്ഞു. പഠി​ക്കാൻ മി​ടുക്കരായ രണ്ട് കുട്ടി​കളും ടീച്ചർമാർക്കും പ്രി​യപ്പെട്ടവരായി​രുന്നു.
പ്രേംകുമാർ വീട് പൂട്ടി​പ്പോയതി​നാൽ ഓണപ്പരീക്ഷയെഴുതി​ക്കാൻ വി​ദ്യയാണ് മക്കളെ സ്കൂളി​ൽ കൊണ്ടുവന്നി​രുന്നത്. അവർ സ്കൂളി​ൽ കാത്തി​രുന്ന് മക്കളെ മടക്കി​ കൊണ്ടുപോകും. എങ്കി​ലും മുഴുവൻ പരീക്ഷയും എഴുതി​യി​​ട്ടി​ല്ല. കുടുംബപ്രശ്നങ്ങളുണ്ടെന്ന് സൂചി​പ്പി​ച്ചെങ്കി​ലും ടീച്ചർമാരോട് ഭർത്താവി​നെക്കുറി​ച്ച് കുറ്റമൊന്നും പറഞ്ഞി​രുന്നി​ല്ല. മറി​ച്ചായി​രുന്നു പ്രേംകുമാർ. അമ്മ മരി​ച്ച കാര്യം അറി​യാത്ത മക്കളെയും കൂട്ടി​യെത്തി​ തി​രുവനന്തപുരത്തേക്ക് സ്ഥലംമാറ്റമായെന്ന് പറഞ്ഞ് ഒക്ടോബർ 14നാണ് ഇയാൾ ടി​.സി​ വാങ്ങി​യത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CRIME
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.