അടുത്ത അഞ്ച് ദിവസം വേനൽമഴയ്ക്ക് സാദ്ധ്യത

തിരുവനന്തപുരം: വേനൽചൂടിന് ആശ്വാസമായി സംസ്ഥാനത്ത് അടുത്ത അഞ്ച് ദിവസം ഇടിയോടും കാറ്റോടും കൂടിയ വേനൽ മഴ ലഭിച്ചേക്കുമെന്ന് കാലാവസ്ഥാ നിരീക്ഷണകേന്ദ്രത്തിന്റെ റിപ്പോർട്ട്. ലക്ഷദ്വീപിലും ഈ ദിവസങ്ങളിൽ മഴയ്ക്ക് സാദ്ധ്യതയുണ്ട്. ഇന്ന് എല്ലാ ജില്ലകളിലും മഴ ലഭിച്ചേക്കും. നാളെ തൃശൂർ,​ പാലക്കാട്,​ കണ്ണൂർ,​ കാസർകോട് ജില്ലകളിലൊഴികെ മഴ ലഭിക്കും. 10ന് ആലപ്പുഴ,​ എറണാകുളം,​ തൃശൂർ,​ പാലക്കാട്,​ കണ്ണൂർ,​ കാസർകോട് ജില്ലകളിൽ മഴ ലഭിച്ചേക്കില്ല. അതേസമയം കേരള - ലക്ഷദ്വീപ് തീരങ്ങളിൽ കാലാവസ്ഥ പ്രക്ഷുബ്ദ്ധമാകാൻ സാധ്യതയുള്ളതിനാൽ സംസ്ഥാന ദുരന്ത നിവാരണ അതോറിറ്റി മത്സ്യത്തൊഴിലാളികൾക്ക് ജാഗ്രതാ നിർദേശം നൽകിയിട്ടുണ്ട്.