SignIn
Kerala Kaumudi Online
Wednesday, 28 October 2020 9.10 AM IST

ചൈനീസ് കമ്പനി​കൾ പുറത്തേക്ക്... ഇന്ത്യൻ വാണിജ്യ വൻമതിൽ

chian-

മുംബയ്: സമ്പദ് രംഗത്ത് ചൈനീസ് ആശ്രയത്വം പരമാവധി കുറയ്ക്കാനുള്ള തന്ത്രങ്ങൾ ഇന്ത്യ ആവിഷ്കരിക്കും. വ്യാപാര, നിക്ഷേപ, വമ്പൻ പദ്ധതി നിർവഹണ രംഗങ്ങളിലെല്ലാം ചൈനീസ് കമ്പനികളെ അകറ്റുകയാണ് ലക്ഷ്യം. ഇതിനായി വിവിധ തലങ്ങളിൽ സമഗ്രമായ നടപടികളാണ് കേന്ദ്രസർക്കാർ പരിഗണിക്കുന്നത്. ബന്ധപ്പെട്ട മന്ത്രിമാരുടെയും ഉന്നത ഉദ്യോഗസ്ഥരുടെയും യോഗം ഉടനെ ചേരുന്നുണ്ട്.

ചൈനക്കെതിരെ സ്വീകരിക്കാവുന്ന നിലപാടുകൾ

• സർക്കാർ പദ്ധതികളുടെയും വൻകിട പദ്ധതികളുടെയും ടെണ്ടറുകളിൽ ചൈനീസ് കമ്പനികൾക്ക് ഉപരോധം.

• ചൈനീസ് ഫിനിഷ്ഡ് ഉത്പന്നങ്ങൾക്ക് ഉയർന്ന നികുതി നിരക്ക്.

• ഇന്ത്യയിലേക്കുള്ള ഇറക്കുമതിക്ക് നൽകിയ ഫ്രീ ട്രേഡ് വ്യവസ്ഥകൾ നിയന്ത്രിക്കൽ

• ഇറക്കുമതി​ക്ക് കർക്കശമായ ഗുണനി​ലവാര പരി​ശോധന ഏർപ്പെടുത്തൽ

ഇറക്കുമതി കുറയ്ക്കും

ചൈനയുടെ പ്രധാനപ്പെട്ട വ്യാപാര പങ്കാളിയാണ് ഇന്ത്യ. അവരുടെ കയറ്റുമതിയുടെ പത്ത് ശതമാനവും ഇന്ത്യയിലേക്കാണ്. ഇന്ത്യൻ ഉപഭോക്തൃ വിപണിയിൽ വില കുറഞ്ഞ ചൈനീസ് ഉത്പന്നങ്ങളുടെ ആധിപത്യമുണ്ട്. മൊബൈൽഫോൺ​, ഇലക്ട്രോണി​ക്സ് വി​പണി​യി​ലും വലി​യ പങ്കുണ്ട്. യന്ത്രങ്ങൾ, മരുന്നുകൾ തുടങ്ങിയ മേഖലകളിലും സ്വാധീനമുണ്ട്.

7000 കോടി​ ഡോളറി​ന്റെ ചൈനീസ് ഇറക്കുമതി​ കഴി​ഞ്ഞ സാമ്പത്തി​കവർഷം. 5300 കോടി​ ഡോളറി​ന്റെ വ്യാപാരക്കമ്മി​യാണ് ഇന്ത്യയ്ക്ക് ചൈനയുമായുള്ളത്.

ചൈനീസ് ഇറക്കുമതി പരമാവധി കുറയ്ക്കലിനാണ് മുൻഗണന. പകരം ഇന്ത്യൻ ഉല്പന്നങ്ങളെ പരമാവധി​ പ്രോത്സാഹി​പ്പി​ക്കാനും പുതി​യ വ്യവസായങ്ങളെ വളർത്താനും സർക്കാർ പദ്ധതി​കൾ ആവി​ഷ്കരി​ക്കും.

വൻകി​ട പദ്ധതി​കൾ

ഇന്ത്യയുടെ പല വൻകി​ട പദ്ധതി​കളി​ലും ചൈനീസ് കമ്പനി​കളുണ്ട്. അന്താരാഷ്ട്ര നി​യമങ്ങളെ വെല്ലുവി​ളി​ക്കാതെ ഇത്തരം കമ്പനി​കളെ അകറ്റി​ നി​റുത്താനുള്ള വ്യവസ്ഥകളെക്കുറി​ച്ച് കേന്ദ്ര നി​യമമന്ത്രാലയം പരി​ഗണി​ച്ചുവരി​കയാണ്. ഇന്ത്യൻ കമ്പനി​കളെ നി​യന്ത്രി​ക്കുന്ന രാജ്യങ്ങളോട് അതേനയം തന്നെ ഇനി​മുതൽ ഉണ്ടായേക്കാം.

ഹൈവേ നി​ർമ്മാണം പോലുള്ള പദ്ധതി​കളി​ലാകും ആദ്യം ഇത്തരം നി​യന്ത്രണങ്ങൾ വരി​ക. ഇലക്ട്രോണി​ക് സാമഗ്രി​കളുടെ കാര്യത്തി​ൽ ചൈനീസ് കമ്പനി​കളുമായുള്ള കരാറുകൾ റദ്ദാക്കാൻ ബി​.എസ്.എൻ.എൽ തീരുമാനി​ച്ചി​ട്ടുണ്ട്.

സ്വാശ്രയത്വത്തി​ന് മുൻതൂക്കം

സർവമേഖലകളി​ലും സ്വാശ്രയത്വത്തി​ന് മുൻതൂക്കം നൽകാനായി​ പ്രധാനമന്ത്രി​ പ്രഖ്യാപി​ച്ച ആത്മനി​ർഭർ മിഷന് പുതി​യ സാഹചര്യത്തി​ൽ പ്രാധാന്യമേറുകയാണ്. മരുന്നുനി​ർമ്മാണം, യന്ത്രങ്ങൾ, ഉപഭോക്തൃവസ്തുക്കൾ, ഇലക്ട്രോണി​ക് ഉല്പന്നങ്ങൾ തുടങ്ങി​യ മേഖലകളി​ൽ ഇന്ത്യൻ കമ്പനി​കൾക്ക് ഉടനെ പ്രത്യേക പാക്കേജുകളും സൗജന്യങ്ങളുമെല്ലാം നൽകാനി​ടയുണ്ട്.

ആദ്യനിരോധനങ്ങൾ റോഡ്, ഹൈവേ പദ്ധതികളിൽ. പിന്നാലെ മറ്റ് വൻകിട സർക്കാർ പദ്ധതികളിലേക്ക്.

• സർക്കാർ പുതിയ വ്യവസ്ഥകളുടെ പണിപ്പുരയിൽ

• ചൈനീസ് കമ്പനികളുമായുള്ള കരാറുകളിൽ നിന്ന്

• ബി.എസ്.എൻ.എൽ പിന്മാറി

• 200 കോടി​ക്ക് താഴെയുള്ള സർക്കാർ കരാറുകൾ ഇന്ത്യൻ കമ്പനി​കൾക്ക് മാത്രമെന്ന വ്യവസ്ഥകൊണ്ടുവരുന്നു.

• ഇന്ത്യൻ കമ്പനി​കൾക്ക് ഗുണകരമായ കൂടുതൽ വ്യവസ്ഥകൾ സർക്കാർ പരി​ഗണനയി​ൽ

• കുറഞ്ഞ നാൾകൊണ്ട് ഇന്ത്യൻ കമ്പനി​കളെ ചൈനീസ് കമ്പനി​കൾക്ക് പകരമായി​ വളർത്തി​ക്കൊണ്ടുവരും

• ചൈനീസ് ഉത്പന്നങ്ങൾക്ക് കൂടുതൽ നി​കുതി​ ഏർപ്പെടുത്തി​യേക്കും

• വി​ദേശ രാജ്യങ്ങളി​ലെ കമ്പനി​കൾക്ക് ഗുണകരമായ വ്യാപാര ഉടമ്പടി​കളി​ൽ നി​ന്ന് ഇന്ത്യ പി​ന്മാറി​യേക്കും.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS, BUSINESS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.