SignIn
Kerala Kaumudi Online
Saturday, 24 October 2020 11.25 PM IST

ഈ യൂണിഫോം എന്റെ സ്വപ്‌നമായിരുന്നു ; ആദ്യവനിതാ ​എ​ക്സൈ​സ്​ ഇ​ൻ​സ്‌​പെ​ക്‌​ട​ർ സജിത സംസാരിക്കുന്നു

pp

'​'​നി​ങ്ങ​ളു​ടെ​ ​അ​വ​കാ​ശ​മാ​ണ് ​എ​ന്ന​ ​അ​ധി​കാ​ര​ത്തോ​ടെ​ ​സ്വ​പ്‌​ന​ങ്ങ​ളെ​ ​പി​ന്തു​ട​രു​ക,​ ​നി​ങ്ങ​ൾ​ക്ക​ത് ​നേ​ടി​യെ​ടു​ക്കാ​നു​ള്ള​ ​ക​ഴി​വു​ണ്ടെ​ന്ന് ​അ​റി​യാ​മ​ല്ലോ.​ ​നി​ങ്ങ​ൾ​ ​അ​വ​ ​അ​ർ​ഹി​ക്കു​ന്നു​മു​ണ്ട്.​ ​അ​തു​കൊ​ണ്ട് ​ജീ​വി​ത​ത്തെ​ ​പി​ടി​ച്ചു​ ​നി​റു​ത്തി​ ​മു​ഖ​ത്തു​നോ​ക്കി​ ​പ​റ​യാ​ൻ​ ​ക​ഴി​യ​ണം,​ ​ഇ​ങ്ങ് ​വി​ട്ടു​ത​ന്നേ​ക്കു...​ ​അ​തെ​ന്റെ​ ​സ്വ​പ്‌​ന​മാ​ണ്."
മോ​ട്ടി​വേ​ഷ​ണ​ൽ​ ​സ്‌​പീ​ക്ക​റും​ ​എ​ഴു​ത്തു​കാ​ര​നു​മാ​യ​ ​ലെ​സ് ​ബ്രൗ​ണി​ന്റെ​ ​ഈ​ ​വാ​ക്കു​ക​ൾ​ ​ജീ​വി​ത​ത്തി​ൽ​ ​അ​തേ​പ​ടി​ ​പ​ക​ർ​ത്തു​ക​യാ​ണ് ​സ​ജി​ത.​ ​എ​ക്കാ​ല​വും​ ​ഓ​ർ​മ്മി​ക്ക​പ്പെ​ടു​ന്ന​ ​ഒ​രു​ ​നേ​ട്ട​ത്തി​ന്റെ​ ​നെ​റു​ക​യി​ലാ​ണ് ​അ​വ​ർ,​ ​സം​സ്ഥാ​ന​ത്തെ​ ​ആ​ദ്യ​ ​വ​നി​താ​ ​എ​ക്സൈ​സ് ​ ഇ​ൻ​സ്‌​പെ​ക്‌​ട​ർ.​ ​പു​തി​യ​ ​ദൗ​ത്യ​ത്തെ​ ​ഏ​റെ​ ​പ്ര​തീ​ക്ഷ​യോ​ടെ​യും​ ​വെ​ല്ലു​വി​ളി​യോ​ടെ​യു​മാ​ണ് ​സ്വീ​ക​രി​ക്കു​ന്ന​തെ​ന്ന് 39​കാ​രി​യാ​യ​ ​സ​ജി​ത​ ​പ​റ​യു​മ്പോ​ൾ​ ​ആ​ ​വാ​ക്കു​ക​ളി​ൽ​ ​ആ​ത്മ​വി​ശ്വാ​സ​ത്തി​ന്റെ​ ​പ്ര​സ​രി​പ്പു​ണ്ട്.​ ​തി​ര​ക്കു​ക​ളി​ൽ​ ​നി​ന്ന് ​ഉ​ത്ത​ര​വാ​ദി​ത്വ​ങ്ങ​ളി​ലേ​ക്കും​ ​അ​വി​ടെ​ ​നി​ന്ന് ​വി​ജ​യ​ങ്ങ​ളി​ലേ​ക്കും​ ​സ്വ​ന്തം​ ​പേ​രെ​ഴു​തി​ ​ചേ​ർ​ത്ത​ ​മി​ക​വി​ലും​ ​ആ​ ​പ്ര​സ​ന്ന​ത​ ​പ്ര​ക​ട​മാ​ണ്.
വ​ഴി​ത്തി​രി​വ് ​ആ​ ​നി​മി​ഷം
2006​ ​ലാ​യി​രു​ന്നു​ ​സ​ജി​ത​യു​ടെ​ ​വി​വാ​ഹം.​ ​ഭ​ർ​ത്താ​വ് ​ഷൊ​ർ​ണൂ​ർ,​ ​ചു​ഡു​വാ​ല​ത്തൂ​ർ​ ​സ്വ​ദേ​ശി​യാ​യ​ ​കെ.​ ​ജി.​ ​അ​ജി​ ​തൃ​ശൂ​ർ​ ​ചൂ​ലി​ശേ​രി​ ​സ്റ്റാ​ർ​ ​പി.​വി.​സി​ ​പൈ​പ്പ് ​എ​ന്ന​ ​സ്ഥാ​പ​ന​ത്തി​ലെ​ ​മാ​നേ​ജ​റാ​ണ്.​ ​കു​ട്ടി​ക്കാ​ലം​ ​മു​ത​ൽ​ക്കേ​ ​സ്വ​പ്‌​ന​ങ്ങ​ളി​ൽ​ സ​ർ​ക്കാ​ർ​ ​ജോ​ലി​ ​മാ​ത്ര​മാ​യി​രു​ന്നു.​ ​ന​ല്ല​ ​പോ​സ്റ്റ് ​ല​ഭി​ക്കാ​ൻ​ ​അ​ടി​സ്ഥാ​ന​ ​യോ​ഗ്യ​ത​ ​ഡി​ഗ്രി​ ​വേ​ണ​മെ​ന്ന​തി​നാ​ൽ​ ​ന​ല്ല​ ​മാ​ർ​ക്കോ​ടെ​ ​ത​ന്നെ​ ​ഇ​രി​ങ്ങാ​ല​ക്കു​ട​ ​സെ​ന്റ് ​ജോ​സ​ഫ് ​കോ​ളേ​ജി​ൽ​ ​നി​ന്ന്ബി.​എ​സ്‌​സി​ ​കെ​മി​സ്ട്രി​ ​ബി​രു​ദം​ ​നേ​ടി.​ ​ഫി​സി​ക്ക​ൽ​ ​സ​യ​ൻ​സി​ൽ​ ​ബി.​എ​ഡും​ ​സ്വ​ന്ത​മാ​ക്കി.​ ​അ​ധി​കം​ ​വൈ​കാ​തെ​ ഒ​റ്റ​പ്പാ​ലത്ത് പി.​എ​സ്.​സി​ ​കോ​ച്ചിം​ഗി​ന് ​ചേ​ർ​ന്നു.​ ​ഒ​ന്ന​ര​ ​വ​ർ​ഷം​ ​റെ​ഗു​ല​ർ​ ​ക്ലാ​സു​ക​ളി​ൽ​ ​പ​ങ്കെ​ടു​ത്തു.​ ​ശേ​ഷം​ ​താ​ത്കാ​ലി​ക​ ​ഒ​ഴി​വു​ക​ളു​ള്ള​ ​ര​ണ്ടു​ ​മൂ​ന്ന് ​സ്‌​കൂ​ളു​ക​ളി​ൽ​ ​അ​ദ്ധ്യാ​പി​ക​യാ​യും​ ​ജോ​ലി​നോ​ക്കി.​ ​ഇ​തി​നി​ടെ​ ​തു​ട​ർ​ച്ച​യാ​യി​ ​പി.​എ​സ്.​സി​ ​പ​രീ​ക്ഷ​ക​ളെ​ഴു​തു​ന്നു​ണ്ടാ​യി​രു​ന്നു.​ ​ഇ​തി​ൽ​ ​എ​ക്സൈ​സ് ​ഉ​ൾ​പ്പെ​ടെ​ ​നാ​ല് ​റാ​ങ്ക് ​ലി​സ്റ്രി​ൽ​ ​ഇ​ടം​പി​ടി​ച്ചു.​ ​കെ.​എ​സ്.​ഇ.​ബി​-​കാ​ഷ്യ​ർ,​ ​ടോ​ഡി​ ​വെ​ൽ​ഫെ​യ​ർ​ ​ബോ​ർ​ഡി​ൽ​ ​-​ജൂ​നി​യ​ർ​ ​അ​സി​സ്റ്റ​ന്റ് ,​ ​റെ​യി​ൽ​വേ​യി​ൽ​ ​ഗ്രൂ​പ്പ് ​ഡി​ ​ത​സ്‌​തി​ക.​ ​ഇ​തി​ൽ​ ​എ​ക്സൈ​സ് ​തി​ര​ഞ്ഞെ​ടു​ക്കു​ക​യാ​യി​രു​ന്നു. അ​ങ്ങ​നെ​ 2014​ൽ​ ​ജി​ല്ലാ​ ​അ​ടി​സ്ഥാ​ന​ത്തി​ൽ​ ​എ​ക്സൈ​സി​ലേ​ക്ക് ​വ​നി​ത​ക​ളെ​ ​നി​യ​മി​ച്ച​പ്പോ​ൾ​ ​തൃ​ശൂ​ർ​ ​ജി​ല്ല​യി​ൽ​ ​നി​ന്നു​ള്ള​ ​വ​നി​താ​ ​സി​വി​ൽ​ ​എ​ക്സൈ​സ് ​ഓ​ഫീ​സ​റാ​യി.​ ​വീ​ട്ടി​ലെ​ല്ലാ​വ​രും​ ​സ​ർ​ക്കാ​ർ​ ​ജോ​ലി​ക്കാ​രാ​ണ്.​ ​അ​ച്‌​ഛ​ൻ​ ​ദാ​മോ​ദ​ര​ൻ​ ​റി​ട്ട.​ ​റി​സ​ർ​വ് ​ബാ​ങ്ക് ഉ​ദ്യോ​ഗ​സ്ഥ​നാ​ണ്.​ ​അ​മ്മ​ ​മീ​നാ​ക്ഷി,​ ​റി​ട്ട.​ ​ഹെ​ഡ്മി​സ്ട്ര​സ് ​ആ​യി​രു​ന്നു.​ ​ചേ​ച്ചി​ ​മും​ബ​യി​ലെ​ ​ഭാ​ഭാ​ ​അ​റ്റോ​മി​ക് ​റി​സ​ർ​ച്ച് ​സെ​ന്റ​റി​ലെ​ ​അ​ദ്ധ്യാ​പി​ക​യാ​ണ്.​ ​കു​ഞ്ഞി​ലേ​ ​സ​ർ​ക്കാ​ർ​ ​ജോ​ലി​ ​സ്വ​പ്‌​നം​ ​ക​ണ്ടി​രു​ന്നെ​ങ്കി​ലും​ ​എ​ക്സൈ​സി​ന്റെ​ ​കാ​ക്കി​ ​ഉ​ടു​പ്പ​ണി​ഞ്ഞ​ത് യാ​ദൃ​ശ്ചി​ക​മാ​ണ്.​ ​അ​നി​യ​ൻ​ ​ഇ​ന്ത്യ​ൻ​ ​ഓ​വ​ർ​സീ​സ് ​ബാ​ങ്കി​ലെ​ ​അ​സി.​ ​മാ​നേ​ജ​റാ​ണ്.
​ ​സ​ജി​ത​ ​എ​ന്ന​ ​വീ​ട്ട​മ്മ
യൂ​ണി​ഫോം​ ​ഫോ​ഴ്സി​ലാ​വു​മ്പോ​ൾ​ ​സാ​ധാ​ര​ണ​ ​ഓ​ഫീ​സ് ​സ​മ​യം​ ​പോ​ലെ​ ​ജോ​ലി​ ​തീ​ർ​ത്ത് ​ഇ​റ​ങ്ങാ​ൻ​ ​ക​ഴി​യി​ല്ല.​ 24​ ​മ​ണി​ക്കൂ​റും​ ​ഉ​ണ​ർ​ന്നി​രി​ക്കേ​ണ്ട​ ​ഡി​പ്പാ​ർ​ട്ട്മെ​ന്റാ​ണ് ​പൊ​ലീ​സും​ ​എ​ക്സൈ​സും​ ​എ​ല്ലാം.​ ​അ​തു​കൊ​ണ്ടു​ത​ന്നെ​ ​ജോ​ലി​ ​ക​ഴി​ഞ്ഞ് ​വീ​ട്ടി​ലെ​ത്തു​മ്പോ​ൾ​ ​രാ​ത്രി​ ​ഏ​റെ​ ​വൈ​കും.​ ​ചി​ല​പ്പോ​ൾ​ ​പു​ല​ർ​ച്ചെ​ ​മൂ​ന്നു​മ​ണി​യൊ​ക്കെ​ ​ആ​യി​ട്ടു​ണ്ട്.​ ​രാ​വി​ലെ​ ​എ​ട്ടി​ന് ​ഓ​ഫീ​സി​ലെ​ത്ത​ണം.​ ​തു​ട​ർ​ന്ന് ​പ​രി​ശോ​ധ​ന​ക​ൾ​ ​അ​റ​സ്റ്ര്,​ ​കോ​ട​തി​ ​എ​ന്നി​ങ്ങ​നെ​ ​ജോ​ലി​ക​ൾ​ ​നീ​ണ്ടു​ ​പോ​കും.​ ​വീ​ട്ടി​ലു​ണ്ടാ​കു​ന്ന​ ​സ​മ​യം​ ​വ​ള​രെ​ ​കു​റ​വാ​ണ്.​ ​എ​ന്നാ​ലും,​ ​വീ​ട്ടി​ലെ​ത്തി​യാ​ൽ​ ​ഭ​ർ​ത്താ​വി​ന്റെ​യും​ ​മ​ക​ളു​ടെെ​യും​ ​അ​ച്‌​ഛ​ന​മ്മ​മാ​രു​ടെ​യും​ ​കാ​ര്യ​ങ്ങ​ൾ​ ​കൃ​ത്യ​മാ​യി​ ​നോ​ക്കും.​ ​ഏ​ഴാം​ ​ക്ലാ​സി​ൽ​ ​പ​ഠി​ക്കു​ന്ന​ ​മ​ക​ളു​ണ്ട്.​ ​പേ​ര് ​ഇ​ന്ദു,​ ​ലോ​ക്ക് ​ഡൗ​ണി​ൽ​ ​ക്ലാ​സു​ക​ൾ​ ​ഓ​ൺ​ലൈ​നി​ൽ​ ​ആ​യ​തി​നാ​ൽ​ ​അ​വ​ളെ​ ​സ​ഹാ​യി​ക്കു​ന്ന​ത് ​ഭ​ർ​ത്താ​വി​ന്റെ​ ​അ​ച്‌​ഛ​നാ​ണ്.​ ​വീ​ട്ടി​ലു​ള്ള​ ​സ​മ​യം​ ​സം​ശ​യ​ങ്ങ​ൾ​ ​അ​വ​ൾ​ ​ചോ​ദി​ക്കും.​ ​വീ​ട്ടു​കാ​രു​ടെ​ ​കൂ​ടെ​യു​ള്ള​ ​സ​മ​യം​ ​കു​റ​വാ​ണെ​ങ്കി​ലും​ ​കി​ട്ടു​ന്ന​ ​സ​മ​യം​ ​ന​ന്നാ​യി​ ​ആ​സ്വ​ദി​ക്കും.​ ​കു​ടും​ബ​മാ​ണ് ​ക​രു​ത്ത്,​ ​അ​വ​ർ​ ​ന​ൽ​കു​ന്ന​ ​പ്രോ​ത്സാ​ഹ​ന​മാ​ണ് ​പു​തി​യ​ ​വെ​ല്ലു​വി​ളി​ക​ളെ​ ​നേ​രി​ടാ​ൻ​ ​എ​ന്നെ​ ​പ്രാ​പ്ത​യാ​ക്കു​ന്ന​ത്.
മ​റ​ക്കാ​നാകാത്ത​ ​ആ​ദ്യ​ ​അ​റ​സ്റ്റ്
2014​ലാ​ണ് ​സി​വി​ൽ​ ​എ​ക്സൈ​സ് ​ഓ​ഫീ​സ​റാ​യി​ ​ജോ​ലി​ൽ​ ​പ്ര​വേ​ശി​ക്കു​ന്ന​ത്.​ ​ട്രെ​യി​നിം​ഗ് ​ക​ഴി​ഞ്ഞ് ​ആ​ദ്യ​പോ​സ്റ്റിം​ഗ് ​തൃ​ശൂ​ർ​ ​റെ​യ്ഞ്ചി​ലാ​യി​രു​ന്നു.​ ​തു​ട​ർ​ന്ന് ​കോ​ലാ​ഴി,​ ​വ​ട​ക്കാ​ഞ്ചേ​രി​ ​റെ​യ്ഞ്ചു​ക​ളി​ലും​ ​പ്ര​വ​ർ​ത്തി​ച്ചി​ട്ടു​ണ്ട്.​ ​തൃ​ശൂ​ർ​ ​റെ​യ്ഞ്ചി​ലു​ണ്ടാ​യി​രു​ന്ന​ ​സ​മ​യം,​ ​കോ​ലാ​ഴി​ ​റെ​യ്ഞ്ച് ​പ​രി​ധി​യി​ൽ​ ​ഒ​രു​ ​സ്ത്രീ​ ​അ​ന​ധി​കൃ​ത​മാ​യി​ ​​ ​വി​ദേ​ശ​മ​ദ്യം​ ​വി​ൽ​പ്പ​ന​ ​ന​ട​ത്തി​യ​തി​നെ​ ​തു​ട​ർ​ന്ന് ​പി​ടി​യി​ലാ​യി.​ ​പ്ര​തി​ ​സ്ത്രീ​ ​ആ​യ​തി​നാ​ൽ​ ​അ​റ​സ്റ്റ് ​ചെ​യ്യാ​ൻ​ ​വ​നി​താ​ ​ഉ​ദ്യോ​ഗ​സ്ഥ​ ​വേ​ണ​മാ​യി​രു​ന്നു.​ ​കോ​ലാ​ഴി​യി​ൽ​ ​വ​നി​താ​ ​ഉ​ദ്യോ​ഗ​സ്ഥ​യി​ല്ലാ​ത്ത​തി​നാ​ൽ​ ​തൃ​ശൂ​ർ​ ​റെ​യ്ഞ്ചി​ലു​ണ്ടാ​യി​രു​ന്ന​ ഞാനാണ് അവരെ അറസ്റ്റ് ചെയ്തത്. ഇങ്ങനെ ​ആ​റു​വ​ർ​ഷ​ത്തെ​ ​ഔ​ദ്യോ​ഗി​ക​ ​ജീ​വി​ത​ത്തി​ൽ​ ​ചെ​റു​തും​ ​വ​ലു​തു​മാ​യ​ ​നി​ര​വ​ധി​ ​ കേ​സു​ക​ളു​ണ്ടാ​യി​ട്ടു​ണ്ട്.​ ​ക​ഞ്ചാ​വ്,​ ​ചാ​രാ​യം,​ ​വി​ദേ​ശ​ ​മ​ദ്യം​ ​തു​ട​ങ്ങി​ ​എ​ത്ര​യോ​ ​കേ​സു​ക​ൾ.​ ​ഇ​തി​ൽ​ ​വ​ലി​യ​ ​ല​ഹ​രി​ ​മാ​ഫി​യ​ക​ളു​ടെ​ ​ക​ണ്ണി​ക​ളും​ ​ഉ​ൾ​പ്പെ​ടു​ന്നു.​ ​മ​ല​യോ​ര​ ​പ്ര​ദേ​ശ​ങ്ങ​ളി​ൽ​ ​ഉ​ൾ​പ്പെ​ടെ​ ​ദു​ർ​ഘ​ട​മാ​യ​ ​പ്ര​ദേ​ശ​ങ്ങ​ളി​ലും​ ​കാ​ട്ടി​ലും​ ​പ​രി​ശോ​ധ​ന​ക​ൾ​ക്കാ​യി​ ​പോ​യി​ട്ടു​ണ്ട്.​ ​ഇ​തെ​ല്ലാം​ ​ജോ​ലി​യു​ടെ​ ​ഭാ​ഗ​മാ​യ​തു​കൊ​ണ്ട് ​പേ​ടി​ ​തോ​ന്നി​യി​ട്ടി​ല്ല.​ ​ഇ​നി​യും​ ​ഇ​ത്ത​രം​ ​വെ​ല്ലു​വി​ളി​ക​ൾ​ ​ഉ​ണ്ടാ​കു​മെ​ന്ന​ ​ബോ​ദ്ധ്യ​മു​ണ്ട്.​ ​ആ​ത്മ​വി​ശ്വാ​സ​ത്തോ​ടെ​ ​ത​ന്നെ​ ​മു​ന്നോ​ട്ടു​പോ​കും.

pp1

​ ​​തി​രൂ​രി​ൽ​ ​കൂ​ടു​ത​ൽ ഉ​ത്ത​ര​വാ​ദി​ത്തം
ഒ​രു​ ​എ​ക്സൈ​സ് ​ഇ​ൻ​സ്‌​പെ​ക്‌​ട​ർ​ ​എ​ന്ന​ ​നി​ല​യ്‌​ക്ക് ​ചെ​യ്യാ​ൻ​ ​ഏ​റെ​യു​ണ്ട്.​ ​സാ​മൂ​ഹ്യ​പ്ര​തി​ബ​ദ്ധ​ത​യോ​ടെ​ ​ ഏ​റ്റെ​ടു​ക്കു​ന്ന​ ​എ​ല്ലാ​ ​ജോ​ലി​ക​ളും​ ​പൂ​ർ​ത്തി​യാക്കേണ്ടതുണ്ട്. മ​ല​പ്പു​റം​ ​ജി​ല്ല​യു​ടെ​ ​ഭാ​ഗ​മാ​യി​ ​പ്ര​വ​ർ​ത്തി​ക്കു​ന്ന​ത് ​ഇ​താ​ദ്യ​മാ​ണ്.​ ​ജോ​ലി​യി​ൽ​ ​പ്ര​വേ​ശി​ച്ച് ​അ​ധി​കം​ ​നാ​ളു​ക​ളാ​യി​ല്ല.​ ​നി​ല​വി​ൽ​ ​തി​രൂ​രി​നെ​ ​കു​റി​ച്ചും​ ​സ്റ്റേ​ഷ​ൻ​ ​ജോ​ലി​ക​ളെ​ ​കു​റി​ച്ചും​ ​കൂ​ടു​ത​ൽ​ ​അ​റി​ഞ്ഞു​ ​തു​ട​ങ്ങു​ന്ന​തേ​ ​ഉ​ള്ളു.​ ​പ്ര​ദേ​ശ​ത്തെ​ ​ആ​ളു​ക​ളു​ടെ​ ​സ​ഹ​ക​ര​ണ​ത്തോ​ടെ​ ​ജ​നോ​പ​കാ​ര​പ്ര​ദ​മാ​യ​ ​പ​ല​കാ​ര്യ​ങ്ങ​ളും​ ​ചെ​യ്യാ​ൻ​ ​ക​ഴി​യു​മെ​ന്നാ​ണ് ​പ്ര​തീ​ക്ഷ.​ ​വി​ദ്യാ​ർ​ത്ഥി​ക​ൾ​ക്കി​ടയിൽ ​ ​ല​ഹ​രി​ ​ഉ​പ​യോ​ഗം​ ​വ​ർ​ദ്ധി​ക്കു​ന്ന​താ​യി​ ​പ​ഠ​ന​ങ്ങ​ൾ​ ​സൂ​ചി​പ്പി​ക്കു​ന്നു​ണ്ട്.​ ​പി​ടി​യി​ലാ​കു​ന്ന​ ​പ്ര​തി​ക​ളി​ൽ​ഭൂ​രി​ഭാ​ഗ​വും​ ​ഇ​പ്പോ​ൾ​ ​സ്‌​കൂ​ൾ​ ​-​ ​കോ​ളേ​ജു​ക​ൾ​ ​കേ​ന്ദ്രീ​ക​രി​ച്ചാ​ണ് ​ല​ഹ​രി​ ​വ​സ്‌​തു​ക്ക​ൾ​ ​വി​ൽ‌​ക്കു​ന്ന​ത്.​ ​ര​ക്ഷി​താ​ക്ക​ൾ,​ ​അ​ദ്ധ്യാ​പ​ക​ർ​ ​എ​ന്നി​വ​ർ​ ​കൂ​ടി​ ​വി​ചാ​രി​ച്ചാ​ലേ​ ​ഈ​ ​സാ​മൂ​ഹ്യ​ ​വി​പ​ത്തി​നെ​ ​പ്ര​തി​രോ​ധി​ക്കാ​ൻ​ ​സാ​ധി​ക്കു​ക​യു​ള്ളു.​ ​ഇ​തു​സം​ബ​ന്ധി​ച്ച് ​വി​വി​ധ​ ​പ​രി​പാ​ടി​ക​ൾ​ ​ആ​സൂ​ത്ര​ണം​ ​ചെ​യ്‌​ത് ​ന​ട​പ്പാ​ക്കാ​നും​ ​പ​ദ്ധ​തി​ക​ളു​ണ്ട്.
കൂ​ടു​ത​ൽ​ ​സ്ത്രീ​ക​ൾ​ ​മു​ന്നോ​ട്ട് ​വ​ര​ട്ടെ
പെ​ണ്ണി​നെ​ന്താ​ണ് ​കു​ഴ​പ്പം​ ​എ​ന്ന് ​മ​ന്ത്രി​ ​ശൈ​ലജടീ​ച്ച​ർ​ ​നി​യ​മ​സ​ഭ​യി​ൽ​ ​ഉ​റ​ക്കെ​ ​ചോ​ദി​ച്ചി​ട്ട് ​അ​ധി​കം​ ​നാ​ളാ​യി​ല്ല.​ ​പു​തി​യ​ലോ​ക​ത്ത് ​സ്ത്രീ​ക​ളും​ ​പു​രു​ഷ​ൻ​മാ​രു​മാ​യു​ള്ള​ ​വേ​ർ​തി​രി​വ് ​കു​റ​ഞ്ഞു​വ​രി​ക​യാ​ണ്.​ ​മ​നു​ഷ്യ​രെ​ ​എ​ല്ലാ​വ​രെ​യും​ ​തു​ല്യ​രാ​യി​ ​കാ​ണ​ണം.​ ​ഞാ​ൻ​ ​ഒ​രു​ ​സ്ത്രീ​ ​എ​ന്ന​ ​നി​ല​യ്‌​ക്ക​പ്പു​റം​ ​വി​ല​യി​രു​ത്ത​പ്പെ​ട​ണ​മെ​ന്നാ​ണ് ​ആ​ഗ്ര​ഹി​ക്കു​ന്ന​ത്. പൊ​ലീ​സി​ൽ​ ​ഇ​പ്പോ​ൾ​ ​കൂ​ടു​ത​ൽ​ ​വ​നി​ത​ക​ളു​ണ്ട്.​ ​എ​ക്സൈ​സി​ലേ​ക്കും​ ​ഇ​തു​പോ​ലെ​ ​കൂ​ടു​ത​ൽ​ ​സ്ത്രീ​ക​ൾ​ ​വ​രും​കാ​ല​ങ്ങ​ളി​ൽ​ ​വ​രു​മെ​ന്നാ​ണ് ​പ്ര​തീ​ക്ഷ.​ ​പൊ​ലീ​സി​നെ​പോ​ലെ​ ​കൂ​ടു​ത​ൽ​ ​ഒ​ഴി​വ് ​എ​ക്സൈ​സി​ൽ​ ​ഇ​ല്ലെ​ന്ന​താ​ണ് ​അ​തി​ന് ​പ്ര​തി​കൂ​ല​ ​ഘ​ട​കം.​ ​ഇ​തും​ ​ഭാ​വി​യി​ൽ​ ​മാ​റു​മെ​ന്ന് ​പ്ര​തീ​ക്ഷി​ക്കാം.​ ​പഠിക്കുമ്പോൾ ​ഇ​ഷ്‌​ട​മു​ള്ള​ ​വി​ഷ​യം​ ​ഞാ​ൻ​ ​ത​ന്നെ​ ​തി​ര​ഞ്ഞെ​ടു​ക്കു​ക​യാ​യി​രു​ന്നു.​ ​ആ​രും​ ​അ​തി​നെ​ ​ചോ​ദ്യം​ ​ചെ​യ്‌​തി​ല്ല.​ ​അ​ച്‌​ഛ​നും​ ​അ​മ്മ​യും​ ​എ​നി​ക്ക് ​ത​ന്ന​ ​സ്വാ​ത​ന്ത്ര്യം​ ​ഞാ​ൻ​ ​ഇ​പ്പോ​ൾ​ ​എ​ന്റെ​ ​മ​ക​ൾ​ക്കും​ ​ന​ൽ​കു​ന്നു​ണ്ട്.​ ​അ​വ​ൾ​ക്ക് ​എ​ന്താ​വ​ണം​ ​എ​ന്ന​ത് ​അ​വ​ളാ​ണ് ​തീ​രു​മാ​നി​ക്കേ​ണ്ട​ത്.​ ​

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: WEEKEND, WOMEN, EXCISE INSPECTOR
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.