73 പേർക്ക് കൂടി കൊവിഡ്

• ആശുപത്രികളിൽ 603 പേർ

തൃശൂർ: ജില്ലയിൽ 73 പേർക്ക് കൂടി കൊവിഡ് സ്ഥിരീകരിച്ചു. 48 പേർ രോഗമുക്തരായി. കൊവിഡ് ബാധിച്ച് ആശുപത്രിയിൽ കഴിയുന്നവരുടെ എണ്ണം 603 ആയി. ആകെ കൊവിഡ് പൊസിറ്റീവായവർ 1,​907 ആണ്. 65 പേർക്ക് സമ്പർക്കത്തിലൂടെയാണ് കൊവിഡ് ബാധിച്ചത്. ഇതിൽ 9 പേരുടെ ഉറവിടം വ്യക്തമല്ല. ക്ലസ്റ്ററുകളിലെ രോഗപകർച്ച ഇപ്രകാരമാണ്.

വിദേശത്തുനിന്ന് വന്ന രണ്ട് പേർക്കും മറ്റ് സംസ്ഥാനങ്ങളിൽ നിന്ന് വന്ന ആറ് പേർക്കും കൊവിഡ് സ്ഥിരീകരിച്ചു. നിരീക്ഷണത്തിൽ കഴിയുന്നത് 11,​662 പേരാണ്. 133 പേരെയാണ് ഇന്നലെ ആശുപത്രിയിൽ പ്രവേശിപ്പിച്ചത്. 415 ഫോൺ വിളികളാണ് ജില്ലാ കൺട്രോൾ സെല്ലില്ലേക്ക് വന്നത്. 99 പേർക്ക് കൗൺസിലിംഗ് നൽകി.

ഇരിങ്ങാലക്കുട ക്ലസ്റ്റർ 17

ശക്തൻ ക്ലസ്റ്റർ 8

കാട്ടിക്കരക്കുന്ന് ക്ലസ്റ്റർ 6

കുന്നംകുളം ക്ലസ്റ്റർ 4

കെ.എസ്.ഇ ക്ലസ്റ്റർ 3

പട്ടാമ്പി ക്ലസ്റ്റർ 3

ചാലക്കുടി ക്ലസ്റ്റർ 1

മറ്റ് സമ്പർക്ക കേസുകൾ - 14.