SignIn
Kerala Kaumudi Online
Friday, 02 October 2020 5.13 AM IST

ദുബായിൽ 167,000  ദിർഹം വിലവരുന്ന മാസ്കുകളും അണ്ടിപ്പരിപ്പുകളും മോഷണം, നാല് പേർ പിടിയിൽ

pic

ദുബായ്: കൊവിഡ് പ്രതിരോധ മാസ്കുകളും അണ്ടിപ്പരിപ്പുകളും മോഷ്ടിച്ച നാല് പേർക്കെതിരെ ദുബായ് കോടതി കേസെടുത്തു. ഏഷ്യൻ സ്വദേശികളായ യുവാക്കളാണ് ദുബായ് പൊലീസിന്റെ പിടിയിലായത്. വ്യാപാര സ്ഥാപനത്തിന്റെ പൂട്ട് കട്ടർ ഉപയോഗിച്ച് തകർത്താണ് ഇവർ അകത്ത് കടന്നത്. 167,000 ദിർഹം വിലവരുന്ന വലിയ നൂറ് പെട്ടിയോളം മാസ്കുകളും 32 പെട്ടിയോളം അണ്ടിപ്പരിപ്പുമാണ് ഇവർ ഇവിടെ നിന്ന് മോഷ്ടിച്ചത്. മോഷണത്തിന് മുമ്പായി കമ്പനിക്ക് മുന്നിൽ നിറുത്തിയിട്ടിരുന്ന ഒരു വാഹനത്തിന്റെ ചില്ല് ഇവർ എറിഞ്ഞ് തകർത്തതായും പൊലീസ് പറയുന്നു. കമ്പനി ഉടമ നൽകിയ പരാതിയുടെ അടിസ്ഥാനത്തിലാണ് ഇവർക്കെതിരെ കേസെടുത്തത്.

സംഭവത്തെ തുടർന്ന് നാല് പേരും പൊലീസ് കസ്റ്റഡിയിലാണ്.അൽ ഖുസൈസിന്റെ വ്യാവസായിക മേഖലയ്ക്ക് സമീപം കഴിഞ്ഞ ജൂൺ ഏഴിനാണ് സംഭവം നടക്കുന്നത്. യുവാക്കൾ വാഹനത്തിൽ വരുന്നതും പൂട്ട് തകർക്കുന്നതുമുൾപ്പെടെയുളള ദൃശ്യങ്ങൾ സമീപത്തെ സി.സി.ടി.വിയിൽ പതിഞ്ഞിരുന്നു. ഇതാണ് ഇവരെ കണ്ടെത്താനും പിടികൂടാനും പൊലീസിന് സഹായകരമായത്. രണ്ട് പേരെ ഷാർജയിൽ നിന്നും രണ്ട് പേരെ കമ്പനിയുടെ പരിസരത്തു നിന്നുമാണ് പൊലീസ് പിടികൂടിയത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, GULF NEWS
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.