ഇതാ എത്തി, വെസ്‌പ റേസിംഗ് സിക്‌സ്‌റ്റീസ്

കൊച്ചി: നല്ല തൂവെള്ള നിറം. അതിൽ ചുവന്ന ഗ്രാഫിക്‌സ്,​ സ്വർണം പൂശിയ 5-സ്‌പോക്ക് പെറ്റൽ അലോയ് വീലുകൾ,​ ആകർഷകമായ ഗ്രാഫിക് ലൈനുകൾ,​ റിയർവ്യൂ മിറർ,​ ഹെഡ്‌ലൈറ്റിന്റെ അതിർവരമ്പ്,​ മഫ്‌ളർ കവർ,​ ഫുട്‌റെസ്‌റ്റ്,​ സീറ്റ് എന്നിവയിൽ കറുപ്പഴക്. മൊത്തത്തിൽ പഴമയുടെ പെരുമയും ആധുനിക ചേരുവകളും ചേർത്ത മനോഹരമായ രൂപക്‌പന.

പിയാജിയോ അവതരിപ്പിക്കുന്ന പുതിയ വെസ്‌പ റേസിംഗ് സിക്‌സ്‌റ്റീസിന്റെ വിശേഷങ്ങളാണിത്. ബി.എസ്-6 എൻജിൻ ഉൾക്കൊള്ളിച്ച റേസിംഗ് സിക്‌സ്‌റ്റീസ് എസ്‌.എക്‌സ്.എൽ 150,​ എസ്.എക്‌സ്.എൽ 125 എന്നിവയാണ് വെസ്‌പ വിപണിയിലെത്തിച്ചത്. ഡീലർഷിപ്പുകളിലും വെസ്‌പ വെബ്സൈറ്റിലും ബുക്കിംഗ് ആരംഭിച്ചു.

റേസിംഗ് സിക്‌സ്‌റ്റീസ് എസ്.എക്‌സ്.എൽ 125ന് എക്‌സ്‌ഷോറൂം വില 1.2 ലക്ഷം രൂപ. എസ്.എക്‌സ്.എൽ 150ന് 1.32 ലക്ഷം രൂപ.