SignIn
Kerala Kaumudi Online
Friday, 05 March 2021 12.14 AM IST

ആത്മഹത്യയിൽ മുന്നിൽ ആണുങ്ങൾ

suicide

കൊച്ചി: രാജ്യത്ത് ആത്മഹത്യചെയ്യുന്നവരിൽ ഏറെയും പുരുഷന്മാരാണെന്ന് ദേശീയ ക്രൈം റെക്കാഡ്സ് ബ്യൂറോയുടെ റിപ്പോർട്ട്. കേരളത്തിലെ സ്ഥിതിയും മറിച്ചല്ല. 2019ൽ രാജ്യത്ത് ആത്മഹത്യചെയ്ത 1,39,123 പേരിൽ 97,613 പേരും ആണുങ്ങളാണ് (70.2%). മുൻവർഷത്തെതേക്കാൾ 1.7 % വർദ്ധന. സ്ത്രീകളുടെ ആത്മഹത്യ 1.7 % കുറഞ്ഞു.

തൊഴിലില്ലായ്മ,​ സാമ്പത്തിക പ്രതിസന്ധി, ഒറ്റപ്പെടൽ, പരീക്ഷാതോൽവി തുടങ്ങി കാരണങ്ങൾ പലതുണ്ടെങ്കിലും കുടുംബപ്രശ്നങ്ങൾ തന്നെയാണ് പ്രധാന കാരണം. 32. 4% ആത്മഹത്യയും ദാമ്പത്യ പ്രശ്നങ്ങൾ കാരണമാണ്. രണ്ടാംസ്ഥാനത്ത് രോഗങ്ങളാണ് - 17.11%. ഉറ്റവരുടെ വേർപാട് - 0.09 %, ദാരിദ്ര്യം- 0.08%, സ്ത്രീധനം,​ മറ്റ് വൈവാഹികപ്രശ്നങ്ങൾ- 5.5 %, പ്രേമനൈരാശ്യം- 4.5% തുടങ്ങിയവയാണ് മറ്റു കാരണങ്ങൾ.

കർഷക ആത്മഹത്യയിലും പുരുഷന്മാരാണ് മുന്നിൽ. 2019 ൽ ജീവനൊടുക്കിയ 10,281 കർഷക,​ കർഷകത്തൊഴിലാളികളിൽ 9,312 പേരും പുരുഷന്മാരാണ്.

41,493 സ്ത്രീകളാണ് ഈ കാലത്ത് രാജ്യത്ത് ജീവനൊടുക്കിയത്. 17 ട്രാൻസ്ജെൻഡറുകളും ആത്മഹത്യ ചെയ്‌തു. ലക്ഷദ്വീപിൽ ഒരാൾപോലും ആത്മഹത്യ ചെയ്തിട്ടില്ല.

കേരളം ആറാമത്

മഹാരാഷ്ട്രയാണ് ആത്മഹത്യയിൽ മുന്നിൽ - 13.6%. തൊട്ടുപിന്നിൽ തമിഴ്നാട് -9.7, പശ്ചിമബംഗാൾ -9.1, മദ്ധ്യപ്രദേശ്- 9.0, കർണാടക - 8.1. കേരളം ആറാം സ്ഥാനത്ത് - 6.1%.

രാജ്യത്തെ ആത്മഹത്യാപ്പട്ടിക (പുരുഷൻ- സ്ത്രീ)

വിവാഹിതർ (66,815 - 25,941)

അവിവാഹിതർ (21,638 - 11,202)

ഭർത്താവ് / ഭാര്യ മരിച്ചവർ (1,378 - 1,094)

വിവാഹ മോചിതർ (595 - 402)

പിരിഞ്ഞുകഴിയുന്ന ദമ്പതികൾ (672 - 290)

മറ്റുകാരണങ്ങൾ (1,918 - 700)

അജ്ഞാത കാരണങ്ങൾ (4597 - 1864 )

കേരളത്തിൽ

2019 ൽ ആകെ ആത്മഹത്യ- 8556

പുരുഷൻ -6668

സ്ത്രീ -1888

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: SUICIDE CASES
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.