SignIn
Kerala Kaumudi Online
Friday, 27 November 2020 3.12 AM IST

'എന്തെങ്കിലും കുറവുണ്ടെന്ന തോന്നൽ ദയവായി അവസാനിപ്പിക്കണം... ആരെങ്കിലും അപമാനിക്കാൻ ശ്രമിച്ചാൽ നടുവിരൽ ഉയർത്തി കാണിക്കുക': സന്ദേശം പങ്കുവച്ച് കനിഹ

kaniha

തന്റെ പഴയ ചിത്രം പങ്കുവച്ചുകൊണ്ട് ബോഡി പോസിറ്റിവിറ്റിയെ കുറിച്ചുള്ള സന്ദേശവുമായി നടി കനിഹ. തന്റെ പഴയ ചിത്രം ഇൻസ്റ്റാഗ്രാമിൽ പോസ്റ്റ് ചെയ്തുകൊണ്ടാണ് താരം തന്റെ ആരാധകരോട് ഇതേക്കുറിച്ച് സംസാരിക്കുന്നത്. താൻ തന്റെ പഴയ ചിത്രങ്ങളിലൂടെ കണ്ണോടിക്കുമ്പോൾ താൻ എത്ര മെലിഞ്ഞിട്ടായിരുന്നു എന്നും തന്റെ വയർ എത്ര ഒട്ടിയിട്ടായിരുന്നു എന്നും ചിന്തിച്ചുവെന്നും താരം പറയുന്നു. എന്നാൽ അൽപ്പം കഴിഞ്ഞ്, താൻ അങ്ങനെ ചിന്തിക്കേണ്ട ആവശ്യമുണ്ടോ എന്നും താൻ മുമ്പത്തേക്കാളുമേറെ തന്നെ സ്നേഹിക്കുന്നുണ്ട് ഇപ്പോഴെന്നും തന്റെ ശരീരത്തിലുള്ള എല്ലാ പാടുകൾക്കും അടയാളങ്ങൾക്കും മനോഹരമായ കഥകൾ പറയാനുണ്ടെന്നും കനിഹ പറയുന്നു. സ്വന്തം ശരീരത്തെ അംഗീകരിക്കാനും സ്നേഹിക്കാനും നാം പഠിക്കണം എന്ന് പറഞ്ഞുകൊണ്ടാണ് കനിഹ തന്റെ പോസ്റ്റ് അവസാനിപ്പിക്കുന്നത്.

നടിയുടെ കുറിപ്പിന്റെ പൂർണരൂപം ചുവടെ:

'സൈ! ഇതെന്റെ ഒരു പഴയ ചിത്രമാണെന്ന് വ്യക്തമാണല്ലോ.

നിങ്ങൾ എല്ലാവരും ചെയ്യാറുള്ളത് പോലെ, എന്റെ പഴയ ചില ചിത്രങ്ങളിലൂടെ കണ്ണോടിച്ചുകൊണ്ട് പണ്ട് എത്ര മെലിഞ്ഞിട്ടായിരുന്നുവെന്നും, എന്റെ വയർ എത്ര ഒട്ടിയിട്ടായിരുന്നു എന്നും എന്റെ തലമുടി എത്ര നല്ലതായിരുന്നു എന്നും പറയുകയായിരുന്നു ഞാൻ... ബ്ളാ ബ്ളാ ബ്ളാ...

പെട്ടെന്നാണ് അങ്ങനെ ചെയ്യേണ്ട ആവശ്യമില്ലല്ലോ എന്ന് ഞാൻ തിരിച്ചറിഞ്ഞത്. ഞാൻ എന്തിനാണ് അങ്ങനെ ചെയ്യുന്നത്? ഇപ്പോൾ ഞാൻ എങ്ങനെയിരിക്കുന്നു എന്നതിൽ ഞാൻ സന്തുഷ്ടയല്ല എന്നാണോ അതിന്റെ അർത്ഥം?

ഒരിക്കലുമല്ല. വാസ്തവത്തിൽ മുമ്പെങ്ങും ഞാൻ എന്നെ ഇത്രയധികം സ്നേഹിച്ചിട്ടില്ല. എന്റെ ശരീരത്തിലെ പാടുകൾക്കും അടയാളങ്ങൾക്കും അതിനുള്ള കുറവുകൾക്കുമെല്ലാം മനോഹരമായ കഥകൾ പറയാനുണ്ട്. എല്ലാം പൂർണമായിരുന്നുവെങ്കിൽ പറയാൻ കഥകളുണ്ടാകില്ലല്ലോ. അല്ലേ?

നമ്മുടെ ശരീരത്തെ അംഗീകരിക്കാനും അതിനെ സ്നേഹിക്കാനും പഠിക്കുന്നത് വളരെയേറെ പ്രധാനപ്പെട്ട ഒരു കാര്യമാണ്. മറ്റുള്ളവരോട് സ്വയം താരതമ്യം ചെയ്യുന്നത് ദയവുചെയ്ത് അവസാനിപ്പിക്കുക.

നമ്മുക്കെല്ലാവർക്കും വ്യത്യസ്തമായ കഥകൾ പറയാനായി ഉണ്ട്...
എന്തെങ്കിലും കുറവുണ്ടെന്ന തോന്നൽ ദയവായി അവസാനിപ്പിക്കണം...
നിങ്ങളുടെ ആ ശരീരത്തെ സ്നേഹിക്കാൻ തുടങ്ങുക...
നിങ്ങളെ ശരീരത്തെ ആരെങ്കിലും മോശമാക്കി കാണിക്കാൻ ശ്രമിച്ചാൽ, അവർക്ക് നേരെ നടുവിരൽ ഉയർത്തിക്കാണിച്ച ശേഷം നടന്നങ്ങ് പോകുക!'

Sigh!! Obviously an old pic of mine.. Like many of you I was also going through few of my old pics and saying how thin I looked, how flat my tummy was,how nice my hair looked bla bla bla.. And suddenly I realized why I was doing that,does that mean I'm unhappy the way I look now?? No way..infact I love myself more than I have ever done..I believe those scars,the marks,the flaws all have a beautiful story to tell.. If everything looked perfect where's the story? Right?! Learning to accept and love our bodies is so so important.. Please stop comparing yourself to others, We all have different stories.. Please stop feeling lesser.. Please start loving that body of yours.. If anyone body shames you,show that middle finger and walk away! #loveyourself #kaniha #stopbodyshaming

A post shared by Kaniha (@kaniha_official) on


JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KANIHA, CINEMA, INSTAGRAM POST, INDIA, BODY SHAMING, SHE, LIFESTYLE
KERALA KAUMUDI EPAPER
TRENDING IN CINEMA
VIDEOS
PHOTO GALLERY
TRENDING IN CINEMA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.