SignIn
Kerala Kaumudi Online
Tuesday, 02 March 2021 7.33 AM IST

കേന്ദ്ര ഫണ്ട് ചിലവാക്കിയത് തോന്നുംപടി; ഉന്നത വിദ്യാഭ്യാസ മേഖലയിൽ കാശ് വെട്ടിക്കലും വകമാ‌റ്റലും തകൃതി

higher-education

തി​രു​വ​ന​ന്ത​പു​രം​:​ ​ഉ​ന്ന​ത​ ​വി​ദ്യാ​ഭ്യാ​സ​ ​രം​ഗ​ത്തെ​ ​നി​ല​വാ​രം​ ​ഉ​യ​ർ​ത്താ​ൻ കേ​ന്ദ്ര​സ​ർ​ക്കാ​ർ​ അനുവദിക്കുന്ന ഫണ്ട് സം​സ്ഥാ​നം​ ​വ​ക​മാ​റ്റി​ ​ചെ​ല​വ​ഴി​ക്കു​ന്നു.​ ​വീഴ്‌ചകൾ ചൂണ്ടിക്കാട്ടി കേന്ദ്രം കത്തയച്ചിട്ടും സംസ്ഥാന സർക്കാരിന് അനക്കമില്ല. ഇ​തോ​ടെ​ ​സം​സ്ഥാ​നത്തിന് ​അ​ടു​ത്ത​ ​ഗ​ഡു​വാ​യ​ 156.93​ ​കോ​ടി​ ​രൂ​പ​ ​ന​ഷ്ട​മാ​കും.​ ​ഉ​ന്ന​ത​ ​വി​ദ്യാ​ഭ്യാ​സ​ ​രം​ഗ​ത്ത് ​ഗു​ണ​മേ​ന്മ​ ​ഉ​റ​പ്പി​ക്കാ​നും​ ​പ​ശ്ചാ​ത്ത​ല​ ​സൗ​ക​ര്യ​മൊ​രു​ക്കാ​നു​മു​ള്ള​ ​രാ​ഷ്ട്രീ​യ​

​ഉ​ച്ച​ത​ർ​ ​ശി​ക്ഷാ​ ​അ​ഭി​യാ​ൻ​ ​(​റൂ​സ​)​ ​പ​ദ്ധ​തി​ക്കാ​യാ​ണ് ​കേ​ന്ദ്രം​ ​കോ​ടി​ക​ൾ​ ​വിഹിതമായി ന​ൽ​കി​യ​ത്.​ ​ഈ തുക ഉ​ന്ന​ത​ ​ഉ​ദ്യോ​ഗ​സ്ഥ​രു​ടെ​ ​

നേ​തൃ​ത്വ​ത്തി​ൽ ​ഫ​ണ്ട് ​വെ​ട്ടി​ക്ക​ലും​ ​വ​ക​മാ​റ്റി​ ​ചെ​ല​വ​ഴി​ക്ക​ലും​ ​ന​ട​ക്കു​ന്ന​ത്.

ഉ​ന്ന​ത​വി​ദ്യാ​ഭ്യാ​സ​ ​വ​കു​പ്പ് ​മ​റു​പ​ടി​ ​ന​ൽ​കി​യി​ല്ല


വീ​ഴ്ച​ക​ൾ​ ​ചൂ​ണ്ടി​ക്കാ​ട്ടി​ ​കേ​ന്ദ്ര​വി​ദ്യാ​ഭ്യാ​സ​ ​വ​കു​പ്പ് ​സം​സ്ഥാ​ന​ ​ഉ​ന്ന​ത​ ​വി​ദ്യാ​ഭ്യാ​സ​ ​വ​കു​പ്പി​ന് ​ക​ത്തു​ക​ള​യ​ച്ചി​ട്ടും​ ​ന​ട​പ​ടി​ ​ഇ​ല്ലാ​ത്ത​തി​നെ​ ​തു​ട​ർ​ന്ന് ​കേ​ന്ദ്രം​ ​കൃത്യമായ മറുപടിയ്‌ക്ക് ചീ​ഫ് ​സെ​ക്ര​ട്ട​റി​ ​വി​ശ്വാ​സ് ​മേ​ത്ത​യെ​ ​ചു​മ​ത​ല​പ്പെ​ടു​ത്തി​യി​രി​ക്കു​ക​യാ​ണ്.
2013​ൽ​ ​ആ​രം​ഭി​ച്ച​ ​പ​ദ്ധ​തി​ ​ഈ​ ​വ​ർ​ഷം​ ​മാ​ർ​ച്ച് 31​ന് ​അ​വ​സാ​നി​ക്കു​ക​യാ​ണ്.​ ​അ​തി​നു​ ​മു​മ്പ് ​പ​ദ്ധ​തി​ക​ൾ​ ​പൂ​ർ​ത്തി​യാ​ക്കാ​നാ​ണ് ​കേ​ന്ദ്രം​ ​നി​ർ​ദ്ദേ​ശി​ച്ചി​രി​ക്കു​ന്ന​ത്.​ 70.17​ ​കോ​ടി​ ​രൂ​പ​യു​ടെ​ ​ധ​ന​വി​നി​യോ​ഗ​ ​സ​ർ​ട്ടി​ഫി​ക്ക​റ്റ് ​ന​ൽ​ക​ണ​മെ​ന്നാ​ണ് ​കേ​ന്ദ്രം​ ​നി​ർ​ദ്ദേ​ശി​ച്ചി​രി​ക്കു​ന്ന​ത്.​ ​അ​ത് ​കി​ട്ടി​യി​ല്ലെ​ങ്കി​ൽ​ ​ബാ​ക്കി​ ​വ​രു​ന്ന​ 156.93​ ​കോ​ടി​ ​അ​നു​വ​ദി​ക്കാ​നാ​വി​ല്ലെ​ന്ന് ​കേ​ന്ദ്രം​ ​മു​ന്ന​റി​യി​പ്പ് ​ന​ൽ​കി​യി​ട്ടു​ണ്ട്.

മോ​ഡ​ൽ​ ​കോ​ളേ​ജ് ​ആ​രം​ഭി​ച്ചി​ല്ല,​സ്ഥലംലഭ്യമല്ലെന്ന് കാരണം


സ്ഥ​ലം​ ​ല​ഭ്യ​മാ​ക്കാ​ത്ത​തി​നാ​ൽ​ ​കേ​ര​ള​ത്തി​ന​നു​വ​ദി​ച്ച​ ​വ​യ​നാ​ട്ടി​ലെ​ ​പു​തി​യ​ ​മോ​‌​ഡ​ൽ​ ​കോ​ളേ​ജ് ​പ്ര​വ​ർ​ത്ത​ന​മാ​രം​ഭി​ച്ചി​ട്ടി​ല്ല.​ ​ഇ​തി​നു​ള​ള​ ​ഡി.​പി.​ആ​റി​ൽ​ ​മാ​റ്റം​ ​വ​രു​ത്തി​ ​ന​ൽ​ക​ണ​മെ​ന്നും​ ​കേ​ന്ദ്രം​ ​ആ​വ​ശ്യ​പ്പെ​ട്ടു.​ ​ഈ​ ​പ​ദ്ധ​തി​ക്കാ​യു​ള്ള​ 11.43​ ​കോ​ടി​ ​രൂ​പ​ ​ല​ഭി​ക്ക​ണ​മെ​ങ്കി​ൽ​ ​സം​സ്ഥാ​ന​ത്തെ​ 9​ ​സ്ഥാ​പ​ന​ങ്ങ​ളി​ലെ​ ​ഭൗ​തി​ക​ ​സാ​ഹ​ച​ര്യ​പ​രി​ശോ​ധ​നാ​ ​റി​പ്പോ​ർ​ട്ട് ​ന​ൽ​ക​ണം.​ 2013​-14​ൽ​ ​അം​ഗീ​ക​രി​ച്ചു​ ​ന​ൽ​കി​യ​ 162​ ​പ​ദ്ധ​തി​ക​ളി​ൽ​ ​ഒ​ന്നി​ന്റെ​യും​ ​പ്ര​വൃ​ത്തി​ ​പൂ​ർ​ത്തീ​ക​രി​ച്ച​ ​റി​പ്പോ​ർ​ട്ട് ​ഇ​തു​വ​രെ​ ​കി​ട്ടി​യി​ല്ല.

2015​ലു​ 2018​ലും​ ​റൂ​സ​ ​പ​ദ്ധ​തി​ക്കാ​യി​ 340.8​ ​കോ​ടി​ ​രൂ​പ​യാ​ണ് ​കേ​ര​ള​ത്തി​ന് ​അ​നു​വ​ദി​ച്ച​ത്.​ ​ഇ​തി​ൽ​ 183.86​ ​കോ​ടി​ ​മാ​ത്ര​മാ​ണ് ​നേ​ടി​യെ​ടു​ക്കാ​നാ​യ​ത്.​ ​റൂ​സ​ ​ഒ​ന്നാം​ ​പ​ദ്ധ​തി​ ​പ്ര​കാ​രം​ 116.4​ ​കോ​ടി​ ​രൂ​പ​ ​അ​നു​വ​ദി​ച്ചു.​ ​ഇ​തി​ൽ​ 99.56​ ​കോ​ടി​ ​മാ​ത്ര​മേ​ ​നേ​ടി​യെ​ടു​ക്കാ​ൻ​ ​ക​ഴി​‌​ഞ്ഞു​ള്ളൂ.​ ​ര​ണ്ടാം​ ​പ​ദ്ധ​തി​യി​ൽ​ 224.4​ ​കോ​ടി​യി​ൽ​ 84.36​ ​കോ​ടി​ ​മാ​ത്ര​മേ​ ​ല​ഭി​ച്ചു​ള്ളൂ.​ 2015​ലും​ 2018​ലും​ ​അ​നു​വ​ദി​ച്ച​ ​തു​ക​ ​കോ​ളേ​ജു​ക​ൾ​ക്കും​ ​സ​ർ​വ​ക​ലാ​ശാ​ല​ക​ൾ​ക്കും​ ​ന​ൽ​കാ​തെ​ ​അ​ധി​കൃ​ത​ർ​ ​ത​ന്നെ​ ​സൂ​ക്ഷി​ച്ചി​രി​ക്കു​ക​യാ​ണ്.

ഫണ്ട് വകമാ‌റ്റി ചിലവഴിക്കൽ തകൃതി

റൂ​സ​യു​ടെ​ ​പ്രി​പ്പ​റേ​റ്റ​റി​ ​ഗ്രാ​ന്റി​ൽ​ ​നി​ന്ന് ​സം​സ്ഥാ​ന​ ​സ​ർ​ക്കാ​ർ​ ​പ​രി​പാ​ടി​ക​ൾ​ക്ക് ​റൂ​സ​ ​ഫ​ണ്ട് ​വ​ക​മാ​റ്റി​ ​ചെ​ല​വ​ഴി​ച്ചു.​ ​അ​നു​വ​ദി​ച്ച​ ​എ​ട്ടു​കോ​ടി​യി​ൽ​ ​ഇ​തി​ന്റെ​ ​മാ​ന​ദ​ണ്ഡ​ങ്ങ​ൾ​ക്ക് ​വി​രു​ദ്ധ​മാ​യാ​ണ് ​തു​ക​ ​ചെ​ല​വ​ഴി​ച്ച​ത്.​ ​തി​രു​വ​ന​ന്ത​പു​ര​ത്തും​ ​ഫാ​റൂ​ഖ് ​കോ​ളേ​ജി​ലും​ ​ന​ട​ത്തി​യ​ ​സ്റ്റു​‌​ഡ​ന്റ്സ് ​കോ​ൺ​ക്ലേ​വി​ന് 20​ല​ക്ഷം​ ​രൂ​പ​യും​ ​ഉ​ന്ന​ത​ ​വി​ദ്യാ​ഭ്യാ​സ​ ​വ​കു​പ്പി​ന്റെ​ ​ഡ​യ​റി​ ​അ​ച്ച​ടി​ക്കാ​നാ​യി​ 30​ ​ല​ക്ഷം​ ​രൂ​പ​യും​ ​ഇ​തി​ൽ​ ​നി​ന്നെ​ടു​ത്ത് ​ചെ​ല​വ​ഴി​ച്ച​താ​യി​ ​ക​ണ്ടെ​ത്തി​യി​ട്ടു​ണ്ട്.

123​ ​കോ​ളേ​ജു​ക​ൾ​ക്ക് ​പ​ശ്ചാ​ത്ത​ല​ ​സൗ​ക​ര്യ​മൊ​രു​ക്കാ​നാ​യി​ 2018​ൽ​ ​ന​ൽ​കി​യ​ ​ഗ്രാ​ന്റി​ന്റെ​ ​വി​നി​യോ​ഗ​ ​സ​ർ​ട്ടി​ഫി​ക്ക​റ്റ് ​ന​ൽ​കി​യി​ല്ല.​ ​ഗ​വേ​ഷ​ണ​ത്തി​നും​ ​നൂ​ത​ന​ ​സം​ര​ഭ​ങ്ങ​ൾ​ക്കും​ ​ഗു​ണ​മേ​ന്മ​ ​വ​ർ​ദ്ധി​പ്പി​ക്കാ​നു​മാ​യി​ ​അ​ഞ്ച് ​ഓ​ട്ടോ​ണോ​മ​സ് ​കോ​ളേ​ജു​ക​ൾ​ക്ക് ​ന​ൽ​കി​യ​ ​ഗ്രാ​ന്റി​നും​ ​വി​നി​യോ​ഗ​ ​സ​ർ​ട്ടി​ഫി​ക്ക​റ്റ് ​കി​ട്ടി​യി​ട്ടി​ല്ല.​ ​സ​ർ​ക്കാ​ർ,​ ​സ്വ​കാ​ര്യ​ ​കോ​ളേ​ജു​ക​ളോ​ടൊ​പ്പം​ ​ഓ​ട്ടോ​ണ​മ​സ് ​കോ​ളേ​ജു​ക​ൾ​ക്കും​ ​ഫ​ണ്ട് ​അ​നു​വ​ദി​ച്ചി​രു​ന്നു.​ ​ഇ​തി​ൽ​ ​ഓ​ട്ടോ​ണ​മ​സ് ​കോ​ളേ​ജു​ക​ൾ​ ​കൃ​ത്യ​മാ​യി​ ​ഫ​ണ്ട് ​നേ​ടി​യെ​ടു​ത്ത​പ്പോ​ൾ​ ​മ​റ്റു​ള്ള​വ​യ്ക്ക് ​കൃ​ത്യ​സ​മ​യ​ത്ത് ​കി​ട്ടി​യി​ല്ലെ​ന്ന​ ​ആ​രോ​പ​ണ​മു​ണ്ട്.

വി​വാ​ദ​മാ​യ​ ​ല​ണ്ട​ൻ​ ​യാ​ത്ര

എ​സ്.​എ​ഫ് .​ഐ​ ​നേ​താ​ക്ക​ളാ​യ​ ​കോ​ളേ​ജ് ​യൂ​ണി​യ​ൻ​ ​ഭാ​ര​വാ​ഹി​ക​ളെ​ ​ല​ണ്ട​നി​ൽ​ ​കൊ​ണ്ടു​പോ​കാ​നു​ള്ള​ ​വി​വാ​ദ​മാ​യ​ ​യാ​ത്ര​ ​ആ​ദ്യം​ ​റൂ​സ​ ​ഫ​ണ്ടി​ൽ​ ​നി​ന്നെ​ടു​ക്കാ​നാ​ണ് ​ആ​ലോ​ചി​ച്ച​ത്.​ ​ഇ​ത് ​വി​വാ​ദ​മാ​യ​തോ​ടെ​ ​തീ​രു​മാ​നം​ ​മാ​റ്റു​ക​യാ​യി​രു​ന്നു.

ഓ​ഫീ​സ് ​മാ​റ്റു​ന്ന​തി​ലും​ ​വെ​ട്ടി​പ്പ്

പി.​എം.​ജി​യി​ലെ​ ​യൂ​ണി​വേ​ഴ്സി​റ്റി​ ​സ്‌​റ്റേ​ഡി​യ​ത്ത് ​നി​ന്ന് ​സം​സ്കൃ​ത​ ​കോ​ളേ​ജി​ലേ​ക്ക് ​റൂ​സ​യു​ടെ​ ​ഓ​ഫീ​സ് ​മാ​റ്റു​ന്ന​തി​ലും​ ​വെ​ട്ടി​പ്പ് ​ന​ട​ന്ന​താ​യി​ ​ആ​രോ​പ​ണ​മു​ണ്ട്.​ ​ചു​മ​ട്ട് ​തൊ​ഴി​ലാ​ളി​ ​ക്ഷേ​മ​നി​ധി​യി​ൽ​ ​ചു​മ​ട്ട് ​കൂ​ലി​ ​മാ​ത്ര​മ​ട​ച്ച് ​സാ​ധ​നം​ ​മാ​റ്റാ​ൻ​ ​ക്വ​ട്ടേ​ഷ​ൻ​ ​ല​ഭി​ച്ചി​ട്ടും​ ​ഇ​ര​ട്ടി​ത്തു​ക​ ​ചെ​ല​വാ​യ​താ​യി​ ​കാ​ണി​ച്ച് ​വെ​ട്ടി​പ്പ് ​ന​ട​ത്തി​യ​താ​യാ​ണ് ​ആ​രോ​പ​ണം.
റൂ​സ​ ​പ​ദ്ധ​തി​യു​ടെ​ ​മേ​ൽ​നോ​ട്ട​ത്തി​നും​ ​മ​റ്റു​മാ​യി​ ​സ്‌​റ്റേ​റ്റ് ​ലെ​വ​ൽ​ ​ക്വാ​ളി​റ്റി​ ​അ​ഷ്വ​റ​ൻ​സ് ​സെ​ൽ​ ​രൂ​പീ​ക​രി​ച്ചെ​ങ്കി​ലും​ ​ഉ​ന്ന​ത​ ​ഉ​ദ്യോ​ഗ​സ്ഥ​രു​ടെ​ ​ത​ണ​ലി​ൽ​ ​ക​ഴി​യു​ന്ന​ ​ചി​ല​ർ​ ​ഈ​ ​സെ​ല്ലി​നെ​ ​പ്ര​വ​ർ​ത്തി​ക്കാ​ന​നു​വ​ദി​ക്കു​ന്നി​ല്ലെ​ന്നും​ ​ആ​രോ​പ​ണ​മു​ണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KERALA, HIGHER EDUCATION, MONEY
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.