SignIn
Kerala Kaumudi Online
Sunday, 28 February 2021 12.47 PM IST

'ഉത്തർപ്രദേശിലെ സ്ഥലത്തെ മോശമാക്കി കാണിച്ചു, അവിഹിത ബന്ധത്തെ പ്രോത്സാഹിപ്പിക്കുന്നു, മതവികാരം വ്രണപ്പെട്ടു'; 'താണ്ഡവി'ന് പിന്നാലെ മിർസാപ്പുറും വിവാദത്തിൽ

mirzapur

ന്യൂഡൽഹി: ബോളിവുഡ് താരം പങ്കജ് തൃപാഠി പ്രധാന കഥാപാത്രത്തെ അവതരിപ്പിക്കുന്ന ആമസോൺ പ്രൈം വെബ് സീരിസായ 'മിർസാപ്പുറി'നെതിരെ എഫ്ഐആർ. ഉത്തർപ്രദേശിലെ മിർസാപ്പുർ ജില്ലയിലെ മിർസാപ്പുർ പട്ടണത്തെ അപകീർത്തിപ്പെടുത്തുന്നുവെന്നാരോപിച്ചാണ് അരവിന്ദ് ചതുർവേദി എന്നയാളുടെ പരാതിയിന്മേൽ മിർസാപ്പുറിലെ കോട്ട്വാലി ദെഹത് പൊലീസ് സ്റ്റേഷനിൽ സീരിസിനെതിരെ എഫ്ഐആർ ഫയൽ ചെയ്യപ്പെട്ടത്.

ആമസോൺ സീരീസിന്റെ നിർമ്മാതാക്കളായ റിതേഷ് സിദ്ധ്വാനി, ഫർഹാൻ അഖ്ത്തർ, ഭൗമിക് ഗോണ്ടലിയ എന്നിവർക്കെതിരെയാണ് കേസ്. സീരീസ് സാമൂഹിക മൈത്രി തകർക്കുന്നതാണെന്നും അവിഹിത ബന്ധങ്ങൾക്ക് പ്രോത്സാഹനം നൽകുന്നുവെന്നും മോശമായ ഉള്ളടക്കമാണ് അതിനുള്ളതെന്നും ഇയാൾ തന്റെ പരാതിയിൽ പറയുന്നുണ്ട്.

tandav

സീരീസ് തന്റെ മതവികാരത്തെ വ്രണപ്പെടുത്തിയെന്നും ചതുർവേദി പറയുന്നുണ്ട്. എന്നാൽ ചതുർവേദി തന്റെ പരാതിയുമായി ബന്ധപ്പെട്ട വിശദവിവരങ്ങൾ നൽകിയിട്ടില്ല എന്നാണു മിർസാപ്പുർ ദെഹത് എസ്എച്ച്ഒ വിജയ് കുമാർ പറഞ്ഞു.

ഇന്ത്യൻ ശിക്ഷാ നിയമത്തിലെ സെക്ഷൻ 295എ(ഒരു വിഭാഗത്തിന് മതവികാരം വ്രണപ്പെടുത്താൻ ഉദ്ദേശിച്ചുകൊണ്ട് മനഃപ്പൂർവ്വമുള്ള വിദ്വേഷ പ്രവൃത്തി), 504(സമാധാനം നശിപ്പിക്കാൻ ഉദ്ദേശിച്ചുകൊണ്ട് അപമാനം വരുത്തിവയ്ക്കൽ, 505(പൊതുശല്യമാകുന്ന പ്രസ്താവനകൾ നടത്തുക), ഐടി ആക്ട് പ്രകാരമുള്ള കുറ്റം എന്നിവ ഉൾപ്പെടുത്തിയാണ് പൊലീസ് എഫ്ഐആർ തയ്യാറാക്കിയിരിക്കുന്നത്. മുൻപ് ആമസോൺ പ്രൈമിലെ തന്നെ 'താണ്ഡവ്' എന്ന സീരീസിനെതിരെ സമാന രീതിയിലുള്ള പരാതി ഉയരുകയും കേന്ദ്രം വിഷയത്തിൽ ഇടപെടുകയും ചെയ്തിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: MIRZAPUR, AMAZON PRIME, AMAZON PRIME VIDEO, INDIA, UTTAR PRADESH, WEB SERIES, OTT, TANDAV
KERALA KAUMUDI EPAPER
TRENDING IN CINEMA
VIDEOS
PHOTO GALLERY
TRENDING IN CINEMA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.