കടയ്ക്കാവൂർ പോക്സോ കേസ്: അമ്മ ജാമ്യം കിട്ടി പുറത്തിറങ്ങി

തിരുവനന്തപുരം: കടയ്ക്കാവൂരിൽ മകനെ പീഡിപ്പിച്ചെന്ന പരാതിയിൽ അറസ്റ്റിലായ അമ്മ ജയിലിൽ നിന്നു പുറത്തിറങ്ങി. കഴിഞ്ഞ ദിവസം ഇവർക്ക് ഹൈക്കോടതി ജാമ്യം അനുവദിച്ചിരുന്നു. മൂന്നാഴ്ചയായി അട്ടക്കുളങ്ങര വനിതാജയിലിലായിരുന്നു .
കേസ് ഡയറിയിൽ പൊരുത്തക്കേടുകളുണ്ടെന്ന് ചൂണ്ടിക്കാട്ടിയ കോടതി വിശദമായ അന്വേഷണത്തിന് ഐ.പി.എസ് ഓഫീസറുടെ നേതൃത്വത്തിലുള്ള പ്രത്യേക സംഘത്തെ നിയോഗിക്കാനും നിർദ്ദേശിച്ചിരുന്നു.കോടതിയുടെ നേതൃത്വത്തിൽ നടക്കുന്ന അന്വേഷണത്തിൽ വിശ്വാസമുണ്ടെന്നും സത്യം പുറത്തുവരുമെന്നും കുട്ടിയുടെ അച്ഛനും പ്രതികരിച്ചിരുന്നു.