SignIn
Kerala Kaumudi Online
Sunday, 28 February 2021 9.36 PM IST

ഒരിയ്‌ക്കൽ ബി ജെ പിയുടെ മുഖമായിരുന്ന അദ്വാനിക്ക് പോലും പാർട്ടി നൽകാതിരുന്ന ആനുകൂല്യമാണ് ഇ ശ്രീധരന് ലഭിച്ചത്‌

e-sreedharan

മെട്രോമാൻ ഇ ശ്രീധരന്റെ ബി ജെ പി രാഷ്ട്രീയ പ്രവേശനത്തിൽ പ്രതികരണവുമായി മുൻ ബി ജെ പി നേതാവും കേന്ദ്രമന്ത്രിയുമായ യശ്വന്ത് സിൻഹ. ശ്രീധരന്റെ നടപടി ധീരവും അഭിനന്ദനാർഹവുമാണെന്നാണ് യശ്വന്ത് സിൻഹ പറയുന്നത്. ബി ജെ പിക്ക് കേരളത്തിൽ ഒരു എം‌ എൽ‌ എ മാത്രമേയുളളൂ, അതിനാൽ ആ സംസ്ഥാനത്ത് അധികാരം പിടിച്ചെടുക്കുന്നതിൽ നിന്ന് പാർട്ടി വളരെ അകലെയാണ്. എന്നാൽ പ്രധാനമന്ത്രി മോദി ആരംഭിച്ച അശ്വമേധ യജ്ഞത്തിൽ, തന്റെ എല്ലാ ജേതാക്കളെയും നേരിടാൻ രാജ്യത്തെ അവസാനത്തെ കോട്ടകളിലൊന്നായ കേരളത്തിൽ അധികാരം പിടിച്ചെടുക്കേണ്ടത് പ്രധാനമാണെന്ന് യശ്വന്ത് സിൻഹ പറയുന്നു.

യശ്വന്ത് സിൻഹയുടെ വാക്കുകൾ

കേരളം കീഴടക്കേണ്ടതുണ്ട്. എന്നാൽ 2014ൽ മോദി പ്രധാനമന്ത്രിയാകുന്നതിന് മുമ്പ്, 75 വയസിന് മുകളിലുളള ബി ജെ പി അംഗങ്ങളെ തിരഞ്ഞെടുപ്പിന് ശേഷം രൂപീകരിക്കുമെന്ന് ഉറപ്പുളള പുതിയ സർക്കാരിൽ മന്ത്രിസ്ഥാനത്ത് പരിഗണിക്കില്ലെന്ന് ഒരു അഭ്യൂഹം പ്രചരിച്ചിരുന്നു. എന്നിരുന്നാലും, ലോക്‌സഭാ തിരഞ്ഞെടുപ്പിൽ മത്സരിക്കുന്നതിന് പ്രായപരിധി ഉണ്ടായിരുന്നില്ല, അതിനാൽ മന്ത്രിസ്ഥാനങ്ങളൊന്നും തരില്ലെന്ന വ്യക്തമായ ധാരണയോടെ എൽ കെ അദ്വാനി, മുരളി മനോഹർ ജോഷി എന്നിവരെ മത്സരിപ്പിക്കാൻ അനുവദിച്ചു. അവർ തങ്ങളുടെ നിയോജകമണ്ഡലങ്ങളിൽ വിജയിക്കുകയും അഞ്ചുവർഷം പാർലമെന്റിൽ ചെലവഴിക്കുകയും ചെയ്തു.

രാഷ്ട്രീയത്തിലെ അവരുടെ വിശിഷ്ട ജീവിതം അവരുടെ ഏറ്റവും പ്രശസ്തനായ ശിഷ്യൻ അവസാനിപ്പിച്ചത് അങ്ങനെയാണ്. ശ്രീധരൻ ഒരു മികച്ച പ്രൊഫഷണലാണെന്നതിൽ സംശയമില്ല. അദ്ദേഹം തന്റെ രാഷ്ട്രീയ ജീവിതം ആരംഭിക്കുന്നത് അൽപ്പം വൈകിയാണ്. 75ന് ശേഷം ഭരണം ബി ജെ പിയിൽ അനുവദിക്കില്ലെന്ന് അദ്ദേഹം അറിഞ്ഞിരിക്കില്ല. എന്നാൽ ചിലയിടത്ത് നിയമങ്ങൾ മാറിമറിയാം. യെദ്യൂരപ്പയെ കർണാടക മുഖ്യമന്ത്രിയാക്കിയപ്പോൾ ഈ നിയമം ബാധകമായില്ല. അദ്ദേഹത്തിന് 75 വയസിന് മുകളിലായിരുന്നു പ്രായമെങ്കിലും അദ്ദേഹത്തിന്റെ നിയമനം ഒഴിവാക്കാനായില്ല. മറ്റാർക്കും ആ പദവിയിലേക്ക് വരാൻ യോഗ്യതയില്ലെന്നത് തന്നെയാണ് പ്രധാന കാര്യം. അതേസമയം, നിയമം കേന്ദ്രത്തിൽ മാത്രമേ ബാധകമായിട്ടുളളൂവെന്നും സംസ്ഥാനങ്ങളിൽ ബാധകമല്ലെന്നുമാണ് ചില ബി ജെ പി നേതാക്കൾ പറയുന്നത്.

മോദി പാർട്ടിയുടെ തലപ്പത്ത് വരുന്നതിന് മുമ്പ് ഇടതുപാർട്ടികളെപ്പോലെ രാജ്യസഭയിലെ അംഗങ്ങളുടെ കാലാവധി രണ്ടായി പരിമിതപ്പെടുത്തുമെന്ന് ബി ജെ പി തീരുമാനിച്ചിരുന്നു. അരുൺ ഷൂറി, ശത്രുഘനൻ സിൻഹ എന്നിവർക്ക് മൂന്നാം തവണ സീറ്റ് നൽകുന്നത് നിഷേധിക്കാൻ ഈ നിയമം ഉപയോഗിച്ചു. എന്നാൽ സാഹചര്യങ്ങൾ മാറുകയും നിയമനിർമ്മാതാക്കളുടെ തന്നെ സമയമാവുകയും ചെയ്‌തപ്പോൾ എല്ലാം മാറി മറിഞ്ഞു. ചിലർക്ക് നാലാമത്തെ ടേം പോലും നൽകി.

പ്രായപരിധി ഉണ്ടായിരുന്നിട്ടും ശ്രീധരന് ഇപ്പോഴും ഒരു അവസരമുണ്ട്. ഇതിനു വിപരീതമായി ഇടതുപാർട്ടികൾ ഈ നിയമം കർശനമായി പാലിച്ചിട്ടുണ്ടെന്ന കാര്യം ശ്രദ്ധിക്കേണ്ടതാണ്. ഉപരിസഭയിൽ ശ്രദ്ധേയമായ സംഭാവന നൽകിയ നിരവധി ഇടതുപക്ഷ നേതാക്കളെ എനിക്കറിയാം. അവരുടെ രണ്ട് ടേം കാലാവധി അവസാനിക്കുമ്പോൾ നിശബ്ദമായി തലകുനിച്ച് പോകുന്നത് കണ്ടിട്ടുണ്ട്. ആ നീണ്ട നിരയിലെ ഏറ്റവും ഒടുവിലത്തെ ആളാണ് സീതാറാം യെച്ചൂരി.

അമേരിക്കയിൽ ഒരു പ്രസിഡന്റിന് മൂന്നാം തവണ മത്സരിക്കാനാകില്ല. ഇന്ത്യയിൽ പക്ഷേ നിബന്ധനകളുടെ പരിമിതികളില്ല. ശ്രീധരനെ സംബന്ധിച്ചിടത്തോളം, കേരളത്തിലെ ജനങ്ങൾ ആഗ്രഹിക്കുന്നുവെങ്കിൽ അദ്ദേഹത്തിന് അവരുടെ മുഖ്യമന്ത്രിയാകാം. പക്ഷേ വരുന്ന തിരഞ്ഞെടുപ്പിൽ അവർ ബി ജെ പിയെ അധികാരത്തിൽ എത്തിക്കണം. ബി ജെ പിയുടെ ചൂതാട്ടത്തിന് ഫലം ലഭിക്കുമോയെന്ന് കണ്ടറിയണം.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: SREEDHARAN, YASWANTH SINHA, BJP
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.