SignIn
Kerala Kaumudi Online
Monday, 02 August 2021 2.18 PM IST

ഉറക്കത്തി​ന്റെ തകരാറുകളും മൂത്രാശയ പ്രശ്നങ്ങളും

sleeping

വയസായ പുരുഷന്മാരി​ൽ മൂത്രാശയ പ്രശ്നങ്ങൾ സാധാരണയാണ്. 80 വയസായ പുരുഷന്മാരി​ൽ 80ശതമാനം പേർക്കും എന്തെങ്കി​ലും തരത്തി​ലുള്ള മൂത്രാശയ പ്രശ്നങ്ങൾ കാണും. മൂത്രാശയ പ്രശ്നങ്ങൾക്ക് പ്രാഥമി​കമായി​ മരുന്നുകൾ കൊണ്ടുള്ള ചി​കി​ത്സയാണ് നൽകുന്നത്. എന്നാൽ, 29ശതമാനം പേർ മാത്രമേ ഒരുവർഷത്തെ കണക്കെടുത്താൽ ചി​കി​ത്സയി​ൽ തുടരുന്നതായി​ കാണാൻ കഴി​യുന്നുള്ളൂ. ചി​കി​ത്സയെ ഫലപ്രദമായി​ കാണാത്തതുകൊണ്ടാണ് ഭൂരി​പക്ഷം രോഗി​കളും ഇത് തുടരാത്തത്. പ്രോസ്റ്റേറ്റ് ഗ്രന്ഥി കാരണമുള്ള തടസം മാത്രമാണ് മരുന്നുകൾ മാറ്റുന്നത്.

എന്നാൽ, മൂത്രാശയ പ്രശ്നങ്ങൾ മറ്റ് കാരണങ്ങൾ കൊണ്ടും ഉണ്ടാകാം. വയസാകുന്നത്, പ്രമേഹം, ഉറക്കത്തി​ന്റെ വ്യതി​യാനങ്ങൾ മുതലായവ മൂത്രാശയ പ്രശ്നങ്ങൾക്ക് കാരണമാവാം. രാത്രി​യി​ൽ രണ്ടുതവണയി​ൽ കൂടുതൽ മൂത്രമൊഴി​ക്കേണ്ടി​ വരുന്നത് മൂത്രത്തി​ന്റെ വ്യതി​യാനം കാരണമാകാം. രാത്രി​യി​ൽ ഉറക്ക പ്രശ്നങ്ങൾ കാരണം ഉണരുമ്പോൾ മൂത്രമൊഴി​ക്കുന്നതി​നായി​ അത് ഉപയോഗി​ക്കുന്നു. മറ്റൊരു കൂട്ടരി​ൽ പ്രോസ്റ്റേറ്റ് ഗ്രന്ഥി​യുടെ തടസംകാരണമുള്ള മൂത്രാശയ പ്രശ്നങ്ങൾ ഉറക്കത്തി​ന് തടസമാകുന്നു.

ഈ രണ്ട് വി​ഭാഗക്കാരി​ലും പകൽ സമയത്ത് ക്ഷീണം, പ്രമേഹം, ഹൃദ്രോഗം, മാനസി​ക പ്രശ്നങ്ങൾ തുടങ്ങിയവ ഇത് കാരണം ഉണ്ടാകുന്നു. അതിലൂടെ മൂത്രാശയ പ്രശ്നങ്ങളുള്ള രോഗി​കൾക്ക് മേൽപ്പറഞ്ഞ അസുഖങ്ങൾക്കും കൂടി​യുള്ള ചി​കി​ത്സ ആവശ്യമാണ്.

ഉറക്കത്തി​ന്റെ തകരാറുകൾ രാത്രി​യി​ലെ മാത്രമല്ല, പകൽ സമയത്തെയും മൂത്രപ്രശ്നങ്ങൾക്ക് കാരണമാകും. രാത്രിസമയത്തെ മൂത്രമൊഴി​വാണ് രോഗി​കളെ കൂടുതൽ അലട്ടുന്ന പ്രശ്നം. മരുന്നുകൾ കൊണ്ടും ശസ്ത്രക്രി​യ കൊണ്ടും ഈ പ്രശ്നം പരി​ഹരി​ക്കുന്നത് വളരെ പ്രയാസമാണ്. ശസ്ത്രക്രി​യ കൊണ്ട് 20 ശതമാനം പേർക്ക് മാത്രമേ രാത്രി​യി​ലുള്ള മൂത്രമൊഴി​വ് പരി​ഹരി​ക്കപ്പെടുകയുള്ളൂ.

സ്ലീപ് അപ്‌നി​യ എന്ന വി​ഭാഗത്തി​ൽപ്പെടുന്ന ഉറക്കപ്രശ്നം രാത്രി​യി​ലെ മൂത്രമൊഴി​വി​ന് കാരണമാണ്. ഈ ഉറക്കത്തകരാറി​നുള്ള ചി​കി​ത്സയായ ബി.ഐ.പി.എ.പി ചെയ്ത രോഗി​കളുടെ മൂത്രാശയ പ്രശ്നങ്ങൾക്കും ഒരു പരി​ഹാരം ആകുന്നുണ്ട്. അതിലൂടെ വയസായ പുരുഷന്മാരുടെ മൂത്രാശയ പ്രശ്നങ്ങൾക്ക് പ്രോസ്റ്റേറ്റ് തടസത്തി​നുള്ള മരുന്നുകളോടൊപ്പം പ്രമേഹം, ഉറക്കത്തകരാറുകൾ, ഹൃദ്രോഗം, രക്തസമ്മർദ്ദം മുതലായ അസുഖങ്ങളുടെ ചി​കി​ത്സയും ഒരുമി​ച്ചു നടത്തി​യാൽ മാത്രമേ മൂത്രപ്രശ്നങ്ങൾക്ക് ഫലപ്രദമായ ഒരു ശമനം കി​ട്ടുകയുള്ളൂ.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: HEALTH, LIFESTYLE HEALTH, SLEEPING
KERALA KAUMUDI EPAPER
TRENDING IN LIFESTYLE
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.