അശ്വതി: ആത്മീയകാര്യങ്ങളിലും മറ്റും കൂടുതൽ താത്പര്യം കാണിക്കും. ഉന്നതരായ വ്യക്തികളിൽ നിന്നും പലവിധ സഹായവും ലഭിക്കും. ഉദ്ദേശിച്ച വായ്പ ലഭിക്കും.
ഭരണി: നഷ്ടപ്പെട്ടുവെന്ന് കരുതിയിരുന്ന വസ്തുക്കളോ ധനമോ തിരികെ ലഭിക്കും. പുതിയ വ്യാപാര ശ്രമങ്ങളിൽ ഏർപ്പെടും. ഉന്നതതല വിദ്യാഭ്യാസാവശ്യങ്ങൾ നേടിയെടുക്കും.
കാർത്തിക: ഉദ്യോഗാർത്ഥികൾക്ക് പുതിയ ജോലി ലഭിക്കും. കുടുംബത്തിൽ നിശ്ചയിച്ച വിവാഹം നീട്ടിവയ്ക്കേണ്ടിവരും. വിദ്വൽ സദസുകളിലും പുണ്യദേവാലയങ്ങളിലും സാന്നിദ്ധ്യം വഹിക്കും.
രോഹിണി: രോഗപ്രതിരോധത്തിനുള്ള മാർഗങ്ങൾ പരിശീലിക്കും. അന്യരുടെ വാക്ക് കേട്ട് അബദ്ധത്തിൽ ചെന്നുചാടാതിരിക്കാൻ പ്രത്യേകം ശ്രദ്ധിക്കണം. ദൂരയാത്രകൾ നീട്ടിവയ്ക്കും.
മകയിരം: മാനസികോല്ലാസം ലഭിക്കും. വിദേശ നിർമ്മിത വസ്തുക്കൾ പാരിതോഷികമായി ലഭിക്കും. രഹസ്യമായി സൂക്ഷിച്ചിരുന്ന കുടുംബകാര്യങ്ങൾ പരസ്യമായതിൽ ദോഷം അനുഭവപ്പെടുകയില്ല.
തിരുവാതിര: തൊഴിൽ സ്ഥിരീകരണം ലഭിക്കും. പലവിധ സുഖസൗകര്യങ്ങൾ ലഭിക്കും. ഇഷ്ടപ്പെട്ട സ്ഥലത്തേക്ക് മാറ്റം ലഭിക്കും. ഗുരുജനപ്രീതി.
പുണർതം: പഠിത്തത്തിൽ മുടക്കം സംഭവിക്കും. കച്ചവട സ്ഥാപനങ്ങൾ ഉയർച്ചയിലേക്ക് കൊണ്ടുവരാനുള്ള ശ്രമം തുടങ്ങിവയ്ക്കും. പുതിയ ഗൃഹോപകരണങ്ങൾക്കായി നല്ല തുക ചെലവഴിക്കും.
പൂയം: പുണ്യസ്ഥലങ്ങൾ സന്ദർശിക്കും. വിദ്യാഭ്യാസ കാര്യങ്ങളിൽ സന്താനങ്ങൾക്ക് ഉയർച്ച, ഗുരുജനങ്ങൾക്ക് രോഗം വരാൻ സാദ്ധ്യത. സന്താനങ്ങൾ ഉന്നതപദവിയിലെത്തും.
ആയില്യം: ആധുനികയന്ത്രസാമഗ്രികൾ വാങ്ങും. പ്രമാണങ്ങളിലൊപ്പിടും. കൃഷിയിൽ നിന്ന് നഷ്ടം സംഭവിക്കും. സർക്കാരിൽ നിന്നും നിയമനടപടികൾ വരുമെന്ന ആശങ്കയുണ്ടാകുമെങ്കിലും ധൈര്യത്തോടെ നേരിടും.
മകം: മതപരമായ ചടങ്ങുകളിൽ പങ്കെടുക്കും. വായ്പ കൊടുത്ത തുക തിരിച്ചുകിട്ടും. വാഹനം, വൈദ്യുതി, വാതകം, രാസപദാർത്ഥങ്ങൾ, അഗ്നിയന്ത്രങ്ങൾ എന്നിവ കൈകാര്യം ചെയ്യുമ്പോൾ കൂടുതൽ ശ്രദ്ധിക്കണം.
പൂരം: ആദ്ധ്യാത്മിക പരിപാടികളിൽ പങ്കെടുക്കും. പൊതുവേ സ്വസ്ഥത അനുഭവപ്പെടും. കർമ്മരംഗത്ത് കൂടുതൽ ഉത്തരവാദിത്തങ്ങൾ വരും.
ഉത്രം: ഉത്തരവാദിത്തം വർദ്ധിക്കും. വിദേശയാത്ര നീട്ടിവയ്ക്കും. ഊഹക്കച്ചവടത്തിൽ നിന്നും ലാഭം പ്രതീക്ഷിക്കാം. സൗന്ദര്യവർദ്ധക സാമഗ്രികൾക്കായി നല്ല തുക ചെലവഴിക്കും.
അത്തം: കുടുംബജീവിതം സന്തോഷപ്രദമായിരിക്കും. ഭാഗ്യക്കുറി, ചിട്ടി ലഭിക്കും. ജീവിതത്തിൽ അവിചാരിതമായ ഉയർച്ചയുണ്ടാകും. സന്താനങ്ങളുടെ ഉയർച്ചയ്ക്കു വേണ്ടി ശ്രമിക്കും. അസൂയക്കാരിൽ നിന്നും ഉപദ്രവമുണ്ടാകും.
ചിത്തിര : ചില പ്രത്യേക സംഭവവികാസങ്ങൾ ചിന്തിച്ച് മനസ് വിഷമിക്കുമെങ്കിലും പ്രശസ്തിയും സമ്പാദ്യവും കൂടും. സന്താനങ്ങളുടെ ഉയർച്ചയ്ക്കു വേണ്ടി ശ്രമിക്കും. ദാമ്പത്യസൗഖ്യമുണ്ടാകും.
ചോതി : വിവാഹകാര്യങ്ങളിൽ സ്വന്തമായ തീരുമാനമെടുക്കുകയും തീരുമാനം പ്രാവർത്തികമാക്കുവാൻ മാതാപിതാക്കളിൽ സമ്മർദ്ദം ചെലുത്തുകയും ചെയ്യും. അന്യരുടെ കാര്യങ്ങൾക്ക് അമിതപ്രാധാന്യം കൊടുക്കും.
വിശാഖം: വിരുന്നുസൽക്കാരങ്ങളിൽ പങ്കെടുക്കും. വ്യവഹാരവിജയം. സത്സംഗം, തീർത്ഥാടനം തുടങ്ങിയവയിൽ പങ്കെടുക്കും. ഉദ്യോഗക്കയറ്റം ലഭിക്കും.
അനിഴം: അനാവശ്യക്കാര്യങ്ങളെച്ചൊല്ലി വഴക്കുണ്ടാക്കാൻ സാദ്ധ്യത. അന്യർക്കുവേണ്ടി സമയവും ആരോഗ്യവും നോക്കാതെ പ്രവർത്തിക്കും. അന്യഗൃഹവാസത്തിന് സാദ്ധ്യത.
തൃക്കേട്ട: തൃപ്തികരവും സന്തുഷ്ടവുമായ തൊഴിലിൽ പ്രവേശിക്കും. സാഹിത്യരചന നടത്തുകയും ഭാവിയിൽ വലിയ നേട്ടമുണ്ടാകുകയും ചെയ്യും. രാഷ്ട്രീയപരമായി ഉന്നതിക്ക് സാദ്ധ്യത.
മൂലം: കുടുംബക്കാരുമായി സൗഹൃദം പുനരാരംഭിക്കും. കുടുംബസമേതയം പുണ്യദേവാലയങ്ങൾ സന്ദർശിക്കും. കലാകാരൻമാരുടെ പ്രകടനങ്ങൾ നേരിൽ കണ്ടാസ്വദിക്കും.
പൂരാടം: പുണ്യദേവാലയങ്ങൾ സന്ദർശിക്കും. പുരസ്കാര ലബ്ധിയുണ്ടാകും. അപ്രതീക്ഷിതമായി ധനം വന്നു ചേരും. സഹപ്രവർത്തകരിൽ നിന്നും സഹായം ലഭിക്കും.
ഉത്രാടം: വാക്ക് പാലിക്കാൻ പരമാവധി ശ്രമിക്കുകയും അതിൽ വിജയിക്കുകയും ചെയ്യും. മേലധികാരികളിൽ നിന്ന് അംഗീകാരവും പ്രോത്സാഹനവും ആനുകൂല്യങ്ങളും ലഭിക്കും.
തിരുവോണം: തികഞ്ഞ ഈശ്വരവിശ്വാസിയായി മാറും. ആധുനിക ഗൃഹോപകരണങ്ങൾ വാങ്ങിക്കും. വിശ്വാസവഞ്ചനയ്ക്ക് പാത്രമായി മാറാൻ സാദ്ധ്യതയുള്ളതിനാൽ ശ്രദ്ധിക്കണം.
അവിട്ടം: അന്ധവിശ്വാസങ്ങൾക്കടിമപ്പെടും. വ്യാപാര, വ്യവസായമാന്ദ്യം അനുഭവപ്പെടും. യാത്രാവേളകളിൽ വിലപ്പെട്ട സാമഗ്രികൾ നഷ്ടപ്പെടാതെ സൂക്ഷിക്കണം.
ചതയം: ചങ്ങാതികളുമായി വിനോദ പരിപാടികളിൽ പങ്കെടുക്കും. കുടുംബത്തിൽ വിവാഹകാര്യത്തെപ്പറ്റി അനുകൂലമായ തീരുമാനമെടുക്കും. അനാവശ്യയാത്ര ചെയ്യും.
പൂരുരുട്ടാതി: ചിട്ടയോടു കൂടി പ്രവർത്തനങ്ങൾ നടത്തും. പുതിയ കൂട്ടുകെട്ടുമൂലം ഗുണാനുഭവമുണ്ടാകും. വിദേശത്തുനിന്നും സഹായം ലഭിക്കും.
ഉത്രട്ടാതി: ഉന്നതവ്യക്തികളെ പരിചയപ്പെടും. കഫജ്വരം, നേത്ര, ഉദരരോഗം എന്നിവ പിടിപെടാൻ സാദ്ധ്യതയുള്ളതിനാൽ ആരോഗ്യം ശ്രദ്ധിക്കണം.
രേവതി: വിലപ്പെട്ട കരാറുകളിൽ ഒപ്പുവയ്ക്കും. സർക്കാരിൽ നിന്നും ആനുകൂല്യങ്ങൾ ലഭിക്കും. ദിനചര്യയിൽ കാര്യമായ വ്യതിയാനങ്ങളുണ്ടാകും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |