കോട്ടയം : നിയമസഭ കൈയാങ്കളി കേസിൽ സർക്കാർ ഖജനാവിന് വരുത്തിയ നഷ്ടം പ്രതികളിൽ നിന്ന് ഈടാക്കണമെന്ന് കേരളകോൺഗ്രസ് വർക്കിംഗ് ചെയർമാൻ പി.സി.തോമസ് പ്രസ്താവനയിൽ ആവശ്യപ്പെട്ടു. പൊതു മുതൽ നശിപ്പിച്ച തുകയുടെ പത്ത് ഇരട്ടിയിൽ കൂടുതൽ ഹൈക്കോടതിയിലും സുപ്രീംകോടതിയിലും മറ്റും കേസ് നടത്തി സർക്കാർ ചെലവാക്കി. ആ തുക ജനങ്ങൾക്ക് വരുത്തിയ നഷ്ടം എന്ന നിലയിൽ പൊതുഖജനാവിലേക്ക് മുഖ്യമന്ത്രി അടയ്ക്കണം. താമസിച്ചാൽ മന്ത്രി ശിവൻകുട്ടിയുടെ രാജി ആവശ്യപ്പെടുന്ന എല്ലാവരും മുഖ്യമന്ത്രിയുടെ രാജി ആവശ്യപ്പെടാൻ നി൪ബന്ധിതരാകുമെന്നും അദ്ദേഹം പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |