താലിബാൻ സർക്കാർ രൂപീകരണം അവസാന ഘട്ടത്തിൽ

ഹൈബത്തുള്ള ഭരണത്തലവൻ ആയേക്കും

ഘനി ബരാദർ സർക്കാരിന്റെ ജനകീയമുഖം

കാബൂൾ: അമേരിക്കൻ പിന്മാറ്റത്തോടെ അഫ്ഗാനിസ്ഥാനിൽ താലിബാൻ സർക്കാർ രൂപീകരണം അവസാനഘട്ടത്തിലേക്ക് നീങ്ങവെ,​ ചെറുത്തു നിൽപ്പിന്റെ ആസ്ഥാനമായ പഞ്ച്ശിർ,​ ആന്ദ്‌രാബ് മേഖലകളിൽ വടക്കൻ സഖ്യം 75 താലിബാൻകാരെ വധിച്ചത് തിരിച്ചടിയായി.

അതേസമയം,​ പരമോന്നത നേതാവ് ഹൈബത്തുള്ള അഖുന്ദ്സാദ ഗവേണിംഗ് കൗൺസിലിന്റെ മേധാവിയാകുമെന്നും സർക്കാരിന്റെ ദൈനംദിന കാര്യങ്ങളുടെ ചുമതല മുല്ല അബ്ദുൾ ഘനി ബരാദറിനായിരിക്കുമെന്നും റിപ്പോർട്ടുണ്ട്.

വടക്കൻ സഖ്യം 20 താലിബാൻകാരെ തടവിലാക്കുകയും ചെയ്‌തു. ഖവാക് ചുരം വഴി പഞ്ച്ശിർ താഴ്‌വരയിലേക്ക് നുഴഞ്ഞു കയറാൻ ശ്രമിച്ച 41ഉം ആന്ദ്‌രാബ് താഴ്‌വരയിൽ 34ഉം താലിബാൻകാരെയാണ് വധിച്ചത്.

അമേരിക്കൻ പിന്മാറ്റത്തിന് ശേഷം പഞ്ച്ശിർ പിടിച്ചെടുക്കാൻ താലിബാൻ നടത്തിയ ആദ്യ ശ്രമമാണ് പരാജയപ്പെട്ടത്. താലിബാന്റെ നൂറുകണക്കിന് പോരാളികൾ ഓപ്പറേഷനിൽ പങ്കെടുത്തു. താലിബാൻ വിരുദ്ധ ഗോത്രവർഗ പോരാളികളും മുൻ അഫ്ഗാൻ സുരക്ഷാ സേനയും ഉൾപ്പെടുന്ന ദേശീയ പ്രതിരോധ സേന ( നാഷണൽ റെസിസ്റ്റൻസ് ഫോഴ്സ് - വടക്കൻ സഖ്യം)​ കടുത്ത പോരാട്ടത്തിലൂടെ താലിബാനെ തുരത്തിയെന്നാണ് റിപ്പോർട്ട്. സഖ്യത്തെ ദുർബലമാക്കാൻ ഇവിടത്തെ ഭക്ഷ്യ സപ്ലൈയും വൈദ്യുതി,​ ടെലഫോൺ,​ ഇന്റർനെറ്റ് ബന്ധവും താലിബാൻ വിഛേദിച്ചിരിക്കയാണ്. മുൻ അഫ്ഗാൻ വൈസ് പ്രസിഡന്റ് അമറുള്ള സാലേയും പ്രമുഖ താലിബാൻ വിരുദ്ധ നേതാവായിരുന്ന അഹമ്മദ് ഷാ മസൂദിന്റെ പുത്രൻ അഹമ്മദ് മസൂദുമാണ് വടക്കൻ സഖ്യത്തെ നയിക്കുന്നത്. താഴ്വര പിടിച്ചെടുക്കാൻ താലിബാൻ വളഞ്ഞു നിൽക്കുകയാണെന്ന് റിപ്പോർട്ടുണ്ട്. പഞ്ച്ശിറിലെ നേതാക്കളുമായുള്ള ചർച്ച പരാജയപ്പെട്ടതായി താലിബാൻ വക്താവ് പറഞ്ഞു.

അതിനിടെ,​ അഫ്ഗാൻ പൗരന്മാർ റോഡ് മാർഗം രക്ഷപ്പെടാൻ അതിർത്തികളിലേക്ക് പലായനം ചെയ്യുകയാണ്. കഴിഞ്ഞ ദിവസം താലിബാൻ പറത്തിയ ​യു.​എ​സ് ​ഹെ​ലി​കോ​പ്ട​റി​ൽ​ ​തൂങ്ങിക്കിടന്നത് മൃതദേഹമല്ലെന്നും താലിബാന്റെ കൊടി കോപ്ടറിൽ സ്ഥാപിക്കാൻ ശ്രമിച്ച സംഘാംഗമാണെന്നും അഫ്ഗാൻ മാദ്ധ്യമങ്ങൾ റിപ്പോർട്ട് ചെയ്തു.

''മന്ത്രിസഭയുടെ മുഴുവൻ മേൽനോട്ടവും മുഖ്യ കമാൻഡറായ അഖുന്ദ്സാദയ്‌ക്കായിരിക്കും. അദ്ദേഹത്തിന്റെ മൂന്നു ഡെപ്യൂട്ടിമാരിലൊരാളായ അബ്ദുൾ ഘനി ബരാദറായിരിക്കും താലിബാന്റെ പ്രധാന ജനകീയ മുഖം. അടുത്ത ദിവസം തന്നെ സർക്കാർ രൂപീകരണവുമായി ബന്ധപ്പെട്ട കാര്യങ്ങൾ പ്രഖ്യാപിക്കും''

--ബിലാൽ കരിമി

താലിബാൻ സാംസ്‌കാരിക കമ്മിഷൻ അംഗം

താലിബാൻ യു.എസിന് ഭീഷണി: ബൈഡൻ

അഫ്ഗാനിൽ താലിബാൻ അധികാരത്തിലേറുന്നത് യു.എസിനും സഖ്യരാജ്യങ്ങൾക്കും ഭീഷണിയാണെന്ന് പ്രസിഡന്റ് ജോ ബൈഡൻ. ഭീകരതയ്‌ക്കെതിരെ 2001ൽ എടുത്ത നടപടികൾ ഇന്ന് പറ്റില്ല. ഇത് പുതിയ ലോകമാണ്. ഐസിസിന് രൂക്ഷമായ ഭാഷയിൽ മുന്നറിയിപ്പ് നൽകിയ ബൈഡൻ,​ അമേരിക്കയെ വേദനിപ്പിച്ചവരെ മറക്കില്ലെന്നും ഭീകര വിരുദ്ധ പോരാട്ടം തുടരുമെന്നും പറഞ്ഞു.

അതേസമയം,​ അമേരിക്കയുമായി നയതന്ത്രബന്ധം സ്ഥാപിക്കുമെന്നും ഉടൻ വിമാനത്താവളം തുറക്കുമെന്നും ആവശ്യമെങ്കിൽ തുർക്കിയുടേയോ ഖത്തറിന്റെയോ സഹായം തേടുമെന്നും താലിബാൻ വക്താവ് പറഞ്ഞു. അമേരിക്കൻ എംബസിയുടെ പ്രവർത്തനം പുനരാരംഭിക്കാൻ താൽപര്യമുണ്ടെന്നും താലിബാൻ അറിയിച്ചു.

ഇ​ന്ത്യ​യു​മാ​യി​ ​ച​ർ​ച്ച​ ​ന​ട​ത്തി​യ​ ​ഭീ​ക​ര​നെ
പ​രി​ശീ​ലി​പ്പി​ച്ച​ത് ​ഇ​ന്ത്യ​ൻ​ ​സൈ​ന്യം

ഖ​ത്ത​റി​ലെ​ ​ഇ​ന്ത്യ​ൻ​ ​സ്ഥാ​ന​പ​തി​ ​ദീ​പ​ക് ​മി​ത്ത​ലു​മാ​യി​ ​ദോ​ഹ​യി​ൽ​ ​വ​ച്ച് ​കൂ​ടി​ക്കാ​ഴ്ച​ ​ന​ട​ത്തി​യ​ ​പ്ര​മു​ഖ​ ​താ​ലി​ബാ​ൻ​ ​നേ​താ​വ് ​ഷേ​ർ​ ​മു​ഹ​മ്മ​ദ് ​അ​ബ്ബാ​സ് ​സ്റ്റാ​നെ​ക്‌​സാ​യി​ക്ക് ​ഇ​ന്ത്യ​ൻ​ ​സൈ​ന്യം​ ​പ​രി​ശീ​ല​നം​ ​ന​ൽ​കി​യി​രു​ന്നു.
1979​ ​മു​ത​ൽ​ 1982​ ​വ​രെ​യാ​ണ് ​സ്റ്റാ​നെ​ക്‌​സാ​യി​ ​പ​രി​ശീ​ല​നം​ ​നേ​ടി​യ​ത്.
അ​ഫ്ഗാ​നി​ൽ​ ​നി​ന്നും​ ​പൊ​ളി​റ്റി​ക്ക​ൽ​ ​സ​യ​ൻ​സ​സി​ൽ​ ​ബി​രു​ദം​ ​നേ​ടി​യ​ ​സ്റ്റാ​നെ​ക്‌​സാ​യി​ ​വി​ദേ​ശ​പ​ഠ​ന​ത്തി​നു​ള്ള​ ​സ്കോ​ള​ർ​ഷി​പ്പ് ​നേ​ടി​യാ​ണ് ​ഇ​ന്ത്യ​യി​ലെ​ത്തി​യ​ത്.​ ​ഐ.​എം.​എ​യു​ടെ​ ​ഭ​ഗ​ത് ​ബ​റ്റാ​ലി​യ​ന്റെ​ ​കെ​റെ​ൻ​ ​ക​മ്പ​നി​യി​ൽ​ ​ചേ​ർ​ന്ന് ​പ​രി​ശീ​ല​നം​ ​നേ​ടി.​ ​നൗ​ഗാ​വി​ലെ​ ​ആ​ർ​മി​ ​കേ​ഡ​റ്റ് ​കോ​ളേ​ജി​ൽ​ ​മൂ​ന്ന് ​വ​ർ​ഷം​ ​ജ​വാ​നാ​യും​ ​തു​ട​ർ​ന്ന് ​ഡെ​റാ​ഡൂ​ണി​ലെ​ ​ഇ​ന്ത്യ​ൻ​ ​മി​ലി​ട്ട​റി​ ​അ​ക്കാ​‌​ഡ​മി​യി​ൽ​ ​ഓ​ഫീ​സ​റാ​യും​ ​സേ​വ​നം​ ​അ​നു​ഷ്ഠി​ച്ചു.
എ​ന്നാ​ൽ​ ​അ​ഫ്ഗാ​നി​ൽ​ ​സോ​വി​യ​റ്റ് ​യൂ​ണി​യ​ൻ​ ​അ​ധി​നി​വേ​ശം​ ​ന​ട​ത്തി​യ​ ​സ​മ​യ​ത്ത് ​സ്റ്റാ​നെ​ക്‌​സാ​യി​ ​പാ​കി​സ്ഥാ​നി​ലേ​ക്കും​ ​പി​ന്നീ​ട് ​അ​ഫ്ഗാ​നി​ലേ​ക്കും​ ​പോ​യി.​ 1996​ ​ൽ​ ​താ​ലി​ബാ​നി​ലേ​ക്ക് ​തി​രി​ഞ്ഞു.
ഇം​ഗ്ലീ​ഷ് ​ന​ന്നാ​യി​ ​കൈ​കാ​ര്യം​ ​ചെ​യ്യു​ന്ന​ ​ചു​രു​ക്കം​ ​താ​ലി​ബാ​ൻ​ ​നേ​താ​ക്ക​ളി​ൽ​ ​ഒ​രാ​ളാ​യ​ ​സ്റ്റാ​നെ​ക്സാ​യി​ ​ദോ​ഹ​യി​ലെ​ ​താ​ലി​ബാ​ൻ​ ​രാ​ഷ്ട്രീ​യ​ ​കാ​ര്യാ​ല​യ​ത്തി​ന്റെ​ ​മേ​ധാ​വി​യാ​ണ്.