SignIn
Kerala Kaumudi Online
Friday, 22 October 2021 5.46 PM IST

ഉറവ/ കഥ

ee

മു​തു​കു​ളം​ ​പ​ഞ്ചാ​യ​ത്ത് ​പ്ര​സി​ഡ​ന്റ് ​അ​നു​ശ്രീ​ ​ഡ​യ​റി​ ​തു​റ​ന്ന് ​അ​ടു​ത്ത​ ​ദി​വ​സ​ത്തെ​ ​പ​രി​പാ​ടി​ക​ളി​ലൂ​ടെ​ ​ഒ​ന്ന് ​ക​ണ്ണോ​ടി​ച്ചു.​ ​രാ​വി​ലെ​ ​പ​ത്തു​മ​ണി​ക്ക് ​വീ​യ​പു​രം​ ​ജി.​യു.​പി​ ​സ്‌​കൂ​ളി​ൽ​ ​'കി​ളി​നോ​ട്ട"​ത്തി​ന്റെ​ ​ഉ​ദ്ഘാ​ട​നം.​ ​പ​ന്ത്ര​ണ്ടി​ന് ​ആ​റാം​ ​വാ​ർ​ഡ് ​കു​ടു​ബ​ശ്രീ​ ​യൂ​ണി​റ്റ് ​വ​ക​ ​മാ​സ്‌​ക്ക് ​വി​ത​ര​ണം.​ ​അ​ഞ്ചി​ന് ​പ​ഞ്ചാ​യ​ത്തു​ ​ക​മ്യൂ​ണി​റ്റി​ ​ഹാ​ളി​ൽ​ ​കൊ​വി​ഡ് ​അ​വ​ലോ​ക​ന​ ​യോ​ഗം.

കി​ളി​നോ​ട്ടം​ ​പ​രി​പാ​ടി​ ​ഡ​യ​റി​യി​ൽ​ ​കു​റി​പ്പി​ച്ച​ത് ​ആ​രാ​ണെ​ന്ന് ​എ​ത്ര​ ​ആ​ലോ​ചി​ച്ചി​ട്ടും​ ​പ്ര​സി​ഡ​ന്റി​ന് ​ഓ​ർ​മ്മ​ ​വ​ന്നി​ല്ല.​ ​സാ​ബു​ ​മെ​മ്പ​റെ​യും​ ​ശ്രീ​ക​ല​ ​മെ​മ്പ​റെ​യും​ ​വി​ളി​ച്ചു.​ ​വി​ശ്വ​ഭാ​ര​തി​ ​വാ​യ​ന​ശാ​ല​യു​ടെ​ ​സെ​ക്ര​ട്ട​റി​ ​വി​ജ​യ​ൻ​ ​നാ​യ​രെ​ ​വി​ളി​ച്ചു.​ ​പ​ഞ്ചാ​യ​ത്തി​ലെ​ ​പ്ര​ധാ​ന​ ​കു​ടും​ബ​ശ്രീ​ ​പ്ര​വ​ർ​ത്ത​ക​രെ​ ​വി​ളി​ച്ചു.​ ​അ​വ​രാ​രു​മ​ല്ല,​ ​അ​ങ്ങ​നെ​ ​ഒ​രു​ ​പ​രി​പാ​ടി​യെ​ക്കു​റി​ച്ച് ​അ​വ​ർ​ക്കൊ​ന്നും​ ​അ​റി​യി​ല്ല.​ ​ഒ​ടു​വി​ൽ​ ​വീ​യ​പു​രം​ ​സ്‌​കൂ​ൾ​ ​ഹെ​ഡ്മാ​സ്റ്റ​ർ​ ​വി​ജ​യ​ൻ​ ​സാ​റി​ന്റെ​ ​മൊ​ബൈ​ൽ​ ​ന​മ്പ​ർ​ ​കു​ത്തി​നോ​ക്കി.​ ​ഫോ​ൺ​ ​സ്വി​ച്ച്‌​ഡോ​ഫ്.
കി​ളി​നോ​ട്ട​മെ​ങ്കി​ൽ​ ​കി​ളി​നോ​ട്ടം.​ ​പൊ​തു​വെ​ ​സ്ത്രീ​ക​ളെ​ ​സം​ബ​ന്ധി​ക്കു​ന്ന​ ​വി​ഷ​യ​മാ​യ​തു​കൊ​ണ്ട് ​ക​ത്തി​ക്ക​യ​റാം.​ ​ക​ട​ലാ​സെ​ടു​ത്ത് ​പോ​യി​ന്റു​ക​ൾ​ ​കു​ത്തി​ക്കു​റി​ച്ചു.​ ​ഒ​രു​ ​മ​ജ​ ​കി​ട്ടാ​ൻ​ ​കോ​ളേ​ജി​ൽ​ ​പ​ഠി​ക്കു​മ്പോ​ൾ​ ​പി​ന്നി​ൽ​ ​നി​ന്ന് ​തോ​ണ്ടി​യ​ ​കി​ളി​യു​ടെ​ ​ക​ര​ണ​ത്തു​ ​പൊ​ഹ​ച്ച​ ​ക​ഥ​ ​കൂ​ടി​ ​പ​റ​യ​ണം.​ ​എ​ല്ലാം​ ​ഒ​ന്ന​ടു​ക്കി​പ്പെ​റു​ക്കി​ ​ര​ണ്ടു​പ്രാ​വ​ശ്യം​ ​നി​ല​ക്ക​ണ്ണാ​ടി​യു​ടെ​ ​മു​ന്നി​ൽ​നി​ന്ന് ​റി​ഹേ​ഴ്ൽ​ ​ന​ട​ത്തി​ ​സ്വ​യം​ ​തൃ​പ്‌​തി​പ്പെ​ട്ടു.​ ​ഉ​റ​ക്ക​ച്ച​ട​വു​ള്ള​ ​ക​ണ്ണു​ക​ളാ​ൽ​ ​ചു​വ​ർ​ ​ക്ലോ​ക്കി​ലെ​ ​സ​മ​യം​ ​അ​ള​ന്നു,​ ​പ​തി​നൊ​ന്ന് ​പ​ത്ത്.
അ​ച്‌​ഛ​ന്റെ​ ​മു​തു​കി​ൽ​ ​കാ​ലു​യ​ർ​ത്തി​വ​ച്ച് ​വ​ശം​ ​തി​രി​ഞ്ഞു​ ​കി​ട​ക്കു​ക​യാ​ണ് ​സി​താ​ര.​ ​തി​ര​ക്കി​നി​ട​യി​ൽ​ ​മോ​ളു​ടെ​ ​കാ​ര്യ​ങ്ങ​ൾ​ ​നേ​രാം​വ​ണ്ണം​ ​നോ​ക്കാ​ൻ​ ​സ​മ​യം​ ​കി​ട്ടാ​റി​ല്ലെ​ന്ന് ​തെ​ല്ലൊ​രു​ ​കു​റ്റ​ബോ​ധ​ത്തോ​ടെ​ ​അ​നു​ശ്രീ​ ​ഓ​ർ​ത്തു.​ ​മ​ക​ളെ​ ​ഉ​ണ​ർ​ത്താ​തെ​ ​സാ​വ​ധാ​നം​ ​അ​ട​ർ​ത്തി​ ​മാ​റ്റി,​ ​ഇ​രു​വ​ർ​ക്കും​ ​ഇ​ട​യി​ലേ​ക്ക് ​ശ​രീ​ര​ത്തെ​ ​ഒ​തു​ക്കി​യെ​ടു​ത്തു.
വീ​യ​പു​രം​ ​സ്‌​കൂ​ളി​ന്റെ​ ​വ​ട​ക്കേ​ ​കെ​ട്ടി​ട​ത്തി​ലാ​ണ് ​കി​ളി​ ​നോ​ട്ടം​ ​പ​രി​പാ​ടി.​ ​കൊ​വി​ഡ് ​പ്രോ​ട്ടോ​ക്കോ​ൾ​ ​പാ​ലി​ച്ചു​ള്ള​ ​യോ​ഗ​ത്തി​ൽ​ ​വേ​മ്പ​നാ​ട് ​പ​രി​സ്ഥി​തി​ ​സം​ഘ​ട​ന​യു​ടെ​ ​പ്ര​സി​ഡ​ന്റ് ​ജേ​ക്ക​ബ് ​ഇ​ടു​ക്കു​ള​യെ​യും​ ​സെ​ക്ര​ട്ട​റി​ ​മോ​ഹ​ൻ​ ​കു​മാ​റി​നെ​യും​ ​കൂ​ടാ​തെ​ ​എ​ണ്ണി​ ​ഇ​രു​പ​ത്തി​യ​ച്ചു​ ​പേ​ർ​ ​മാ​ത്രം.​ ​എ​ല്ലാ​വരു​ടെ​യും​ ​മു​ഖ​ത്ത് ​മാ​സ്‌​ക്കു​ണ്ട്....​ ​സാ​മൂ​ഹ്യ​ ​അ​ക​ലം​ ​പാ​ലി​ച്ചാ​ണി​രി​ക്കു​ന്ന​ത്......
ഹാ​ളി​നു​ള്ളി​ലെ​ ​സാ​നി​റ്റൈ​സ​റി​ന്റെ​ ​തു​ള​ച്ചു​ക​യ​റു​ന്ന​ ​ഗ​ന്ധം​ ​മോ​ർ​ച്ച​റി​ ​വ​രാ​ന്ത​യി​ൽ​ ​അ​പ്പ​ന്റെ​ ​ശ​വ​മെ​ടു​ക്കാ​ൻ​ ​നി​ന്ന​ ​പ​ഴ​യോ​രോ​ർ​മ​യി​ലേ​ക്ക് ​ഇ​ടു​ക്കു​ള​യെ​ ​കൊ​ണ്ടു​പോ​യി.​ ​സാ​ഹ​ച​ര്യ​ങ്ങ​ൾ​ ​എ​ത്ര​വേ​ഗ​മാ​ണ് ​മാ​റി​മ​റി​ഞ്ഞ​ത്!​ ​ഒ​രു​ ​വാ​ക്കു​പോ​ലും​ ​പ​ര​സ്‌​പ​രം​ ​ഉ​രി​യാ​ടാ​തെ​ ​ഭീ​തി​യോ​ടെ​ ​അ​ക​ലം​ ​പാ​ലി​ച്ചി​രി​ക്കു​ന്ന​വ​ർ​!​ ​ഇ​ടു​ക്കു​ള​യി​ൽ​ ​നി​ന്ന് ​ഒ​രു​ ​നി​ശ്വാ​സ​മു​തി​ർ​ന്നു.​ ​ക​ണ്ണ​ട​യൂ​രി​ ​ഷ​ർ​ട്ടി​ന്റെ​ ​കോ​ന്ത​ല​യാ​ൽ​ ​ചി​ല്ലു​തു​ട​ച്ച് ​തി​രി​കെ​ ​മു​ഖ​ത്തു​വെ​ച്ചു.​ ​മാ​സ്‌​ക്കു​ള്ള​തു​കൊ​ണ്ട് ​ഉ​ച്‌​ഛ്വാ​സ​വാ​യു​ ​ത​ട്ടി​ ​കാ​ഴ്‌​ച​ ​മ​ങ്ങു​മ്പോ​ഴൊ​ക്കെ​ ​അ​ടി​ക്ക​ടി​ ​തു​ട​ക്കേ​ണ്ടി​ ​വ​രു​ന്നു.​ ​ഇ​തി​പ്പോ​ൾ​ ​ആ​റാ​മ​ത്തെ​ ​പ്രാ​വ​ശ്യ​മാ​ണ് ​തു​ട​യ്‌​ക്ക​ലും​ ​വ​യ്‌​ക്ക​ലും.
നാ​ലാ​മ​ത്തെ​ ​ബെ​ഞ്ചി​ലി​രു​ന്ന​ ​സു​ഷ​മ​ ​നേ​രം​ ​പോ​കു​ന്ന​തി​ലെ​ ​അ​സ്വ​സ്ഥ​ത​ ​ഒ​രു​ ​ഞെ​ളി​ ​പി​രി​യാ​ൽ​ ​പ്ര​ക​ട​മാ​ക്കി.​ ​അ​തി​ന്റെ​ ​പൊ​രു​ൾ​ ​ഇ​ടു​ക്കു​ള​ക്ക് ​മ​ന​സ്സി​ലാ​യി.​ ​നേ​രം​ ​പ​ത്ത​ര​ ​ക​ഴി​ഞ്ഞ​ച്ചാ​യാ,​ ​ഇ​നി​യും​ ​പ​ഞ്ചാ​യ​ത്ത് ​പ്ര​സി​ഡ​ന്റി​നെ ​ ​നോ​ക്കി​യി​രി​ക്ക​ണോ?​ ​വീ​ട്ടി​ൽ​ ​പ​ണി​യി​ല്ലാ​ഞ്ഞ​ല്ല​ ​ഞാ​നൊ​ക്കെ​ ​ഇ​ങ്ങ​നെ​ ​കെ​ട്ടി​യൊ​രു​ങ്ങി​ ​വ​ന്നി​രി​ക്കു​ന്ന​ത്.
സു​ഷ​മ​യി​ലേ​ക്ക് ​അ​നു​ന​യ​ത്തി​ന്റെ​ ​ഒ​രു​ ​ചി​രി​ ​നീ​ട്ടി​യി​ട്ടു​ ​ഇ​ടു​ക്കു​ള.​ ​മാ​സ്‌​ക്കി​ൽ​ ​പൊ​തി​ഞ്ഞ​ ​സ്‌​മേ​രം​ ​അ​വ​ളി​ലേ​ക്കെ​ത്തി​ല്ല​ ​എ​ന്നോ​ർ​ത്ത​തും​ ​ഇ​ടം​ ​ക​ണ്ണി​റു​ക്കി.
അ​തി​ന്റെ​ ​അ​ർ​ത്ഥം​ ​സു​ഷ​മ​ ​ഇ​ങ്ങ​നെ​ ​വ്യാ​ഖ്യാ​നി​ച്ചു,​ ​
'​'​എ​ന്റെ​ ​സു​ഷ​മേ​ ​നീയൊ​ന്നു​ ​ക്ഷ​മി​ക്ക്,​ ​ഞാ​ൻ​ ​ര​ണ്ടു​ ​പ്രാ​വ​ശ്യം​ ​പ​ഞ്ചാ​യ​ത്ത് ​പ്ര​സി​ഡ​ന്റി​നെ​ ​വി​ളി​ക്കു​ന്ന​ത് ​നീ​യും​ ​ക​ണ്ട​ത​ല്ലേ​?​ ​ഇ​പ്പ​ഴി​ങ്ങെ​ത്തും.​ ​നീ​യി​ല്ലാ​തെ​ ​ന​മ്മു​ക്കെ​ന്ത് ​യോ​ഗം​?​""
വാ​ട്സാ​പ് ​തു​റ​ന്ന​ ​സു​ഷ​മ​ ​സ്‌​ക്രീ​നി​ൽ​ ​വേ​ഗ​വി​ര​ൽ​ ​ച​ലി​പ്പി​ച്ചു.​ ​ഇ​ടു​ക്കു​ള​യു​ടെ​ ​ച​ങ്കി​നു​ ​നേ​രെ​ ​മൊ​ബൈ​ലു​യ​ർ​ത്തി​ ​ആ​ദ്യ​ ​അ​മ്പ് ​തൊ​ടു​ത്തു.
'​'​ഇ​ച്ചാ​യാ​ ​കാ​ശി​ന് ​അ​ത്യാ​വ​ശ്യ​മു​ണ്ട്,​ ​ഒ​രു​ ​അ​യ്യാ​യി​രം​ ​രൂ​പ​ ​ക​ട​മാ​യി​ ​ത​രാ​മോ​?​""
'​'​നീ​ ​ര​ണ്ടു​മാ​സം​ ​മു​മ്പ് ​മേ​ടി​ച്ച​ ​ര​ണ്ടാ​യി​രം​ ​ഇ​തു​വ​രെ​ ​ത​ന്നി​ട്ടി​ല്ല,​ ​അ​തി​നു​ ​മു​മ്പ് ​ആ​യി​ര​വും​ ​ഒ​ര​ഞ്ഞൂ​റും.​ ​എ​ല്ലാം​ ​കൂ​ടി​ ​ചേ​ർ​ത്ത് ​ഞാ​ന​ങ്ങു​ ​ത​രും.​""
ത​ല​മു​ടി​യ​ഴി​ച്ചി​ട്ട് ​മ​ദാ​ല​സ​യാ​യി​ ​നി​ൽ​ക്കു​ന്ന​ ​ ഫോ​ട്ടോ​യ്‌​ക്കൊ​പ്പം​ ​ഇ​മോ​ജി​യി​ൽ​ ​നി​ന്ന് ​പൊ​ക്കി​യ​ ​സ്‌​മൈ​ലി​യും​ ​മൂ​ന്ന് ​ല​വ് ​ചി​ഹ്ന​വും​ ​ചേ​ർ​ത്ത​വ​ൾ​ ​പാ​ഴ്സ​ൽ​ ​ചെ​യ്‌​തു.
ഫോ​ട്ടോ​ ​വ​ലു​താ​ക്കി​ ​ഭാ​ഗ​ങ്ങ​ള​ട​യാ​ള​പ്പെ​ടു​ത്തി​യ​ ​ഇ​ടു​ക്കു​ള​യു​ടെ​ ​ക​ൺ​ട്രോ​ൾ​ ​ഫ്യൂ​സ് ​അ​ടി​ച്ചു​പോ​യി.​ ​അ​യാ​ൾ​ ​പ​ച്ച​മ​ല​യാ​ള​ത്തി​ൽ​ ​ക​വി​ ​വെ​ണ്മ​ണി​യാ​യി.
'​'​ത​രും​ ​ത​രും​ ​എ​ന്നു​ ​പ​റ​ഞ്ഞ് ​നാ​ളേ​റെ​യാ​യ് ​പ​റ്റി​ക്കു​ന്നു,​ ​കാ​ശും​ ​ത​രു​ന്നി​ല്ല,​ ​ത​രാ​ന്ന് ​പ​റ​ഞ്ഞ​തൊ​ട്ടു​ ​ത​രു​ന്നു​മി​ല്ല.​""
'​'​ഈ​ ​അ​ച്ചാ​യ​ന്റെ​ ​ഒ​രാ​ക്രാ​ന്തം,​ ​കാ​ശും​ ​കൊ​ണ്ട് ​ഇ​ന്നു​വൈ​കി​ട്ട് ​വീ​ട്ടി​ലോ​ട്ടു​ ​വാ.​ ​അ​ങ്ങേ​രു​ ​ഞ​ങ്ങ​ടെ​ ​പൊ​ളി​ക്കാ​നി​ട്ടി​രി​ക്കു​ന്ന​ ​കു​ടും​ബ​വീ​ട്ടി​ൽ​ ​ക്വാ​റ​ന്റൈ​നി​ലാ.​""
സു​ഷ​മ​യു​ടെ​ ​പു​ഷ്‌​പ​സാ​യ​ക​മേ​റ്റ് ​നി​ലം​പ​രി​ചാ​യ​ ​ഇ​ടു​ക്കു​ള​ ​അ​വ​ളു​ടെ​ ​താ​ഴ്‌​ത്തി​ക്കു​ത്തി​യ​ ​പ​ച്ച​സാ​രി​ക്ക് ​ചു​റ്റു​പാ​ടു​ള്ള​ ​പ​രി​സ്ഥി​തി​ ​ലോ​ല​പ്ര​ദേ​ശ​ങ്ങ​ളി​ൽ​ ​ഉ​ത്തേ​ജി​ത​നാ​യി.​ ​ഇ​പ്പോ​ൾ​ ​പ​ച്ച​യ്‌​ക്ക് ​തി​ന്നു​ക​ള​യും​ ​എ​ന്ന​ ​മ​ട്ടി​ൽ​ ​അ​യാ​ളു​ടെ​ ​ആ​ർ​ത്തി​നോ​ട്ടം​ ​അ​വ​ളു​ടെ​ ​പൊ​ക്കി​ൾ​ ​ചു​ഴി​ക്ക് ​ചു​റ്റും​ ​ക​രി​വ​ണ്ടി​നെ​ ​പോ​ലെ​ ​പ​റ​ന്നു​ ​ക​ളി​ച്ചു.​ ​നാ​ണ​ത്താ​ൽ​ ​കു​നി​ഞ്ഞു​പോ​യ​ ​സു​ഷ​മ​ക്ക് ​മാ​റി​ലേ​ക്കി​റ​ങ്ങി​ ​കി​ട​ന്ന​ ​കെ​ട്ടു​താ​ലി​യി​ൽ​ ​ക​ണ്ണു​ട​ക്കി.​ ​ഉ​ട​ന​ടി​ ​സാ​ബു​വ​ണ്ണ​ന്റെ​ ​പി​രി​ച്ചു​ ​കേ​റ്റി​യ​ ​മീ​ശ​ ​ഓ​ർ​മ​ ​വ​ന്നു.​ ​വൈ​ക്ല​ബ്യം​ ​മൂ​ടി​ ​മാ​ല​യി​ൽ​ ​വി​ര​ൽ​ ​ക​ട​ത്തി​ ​താ​ലി​ ​ഇ​റ​ക്കി​വെ​ട്ടി​യ​ ​ബ്ലൗ​സി​നു​ള്ളി​ലേ​ക്ക് ​ഒ​ളി​പ്പി​ച്ചു.
ഇ​ടു​ക്കു​ള​ ​മ​റു​കു​റി​ക്ക് ​ വി​റ​വി​ര​ൽ​ ​തൊ​ടു​ക​യാ​യി​രു​ന്നു.​ ​ആ​ ​നേ​രം​ ​പ​ഞ്ചാ​യ​ത്തു​ ​പ്ര​സി​ഡ​ന്റ് ​വൈ​കി​യി​ല്ല​ല്ലോ​ ​എ​ന്ന​ ​ചോ​ദ്യം​ ​വീ​ശി​യെ​റി​ഞ്ഞ് ​സ്റ്റേ​ജി​ലേ​ക്ക് ​ഓ​ടി​ക്കേ​റി.​ ​ചു​വ​ന്ന​ ​ചു​രി​ദാ​റി​നു​ ​മാ​ച്ചു​ചെ​യ്യു​ന്ന​ ​ചു​വ​ന്ന​ ​മാ​സ്‌​ക് ​ധ​രി​ച്ചെ​ത്തി​യ​ ​പ്ര​സി​ഡ​ന്റി​നെ​ ​ഇ​ടു​ക്കു​ള​ ​കൈ​യു​യ​ർ​ത്തി​ ​അ​ഭി​വാ​ദ്യം​ ​ചെ​യ്തു.​ ​സെ​ക്ര​ട്ട​റി​ക്കും​ ​ത​നി​ക്കും​ ​മ​ദ്ധ്യേ​ ​ഒ​രു​ ​മീ​റ്റ​ർ​ ​അ​ക​ലം​ ​പാ​ലി​ച്ചി​ട്ടി​രി​ക്കു​ന്ന​ ​ഇ​രി​പ്പി​ട​ത്തി​ലേ​ക്ക് ​ക്ഷ​ണി​ച്ചു.
അ​ഞ്ചാം​ ​ക്ലാ​സ്സ് ​വി​ദ്യാ​ർ​ത്ഥി​ ​സൗ​മ്യ​ ​ര​മേ​ശ​ന്റെ​ ​അ​ഖി​ലാ​ണ്ഡ​ ​മ​ണ്ഡ​ല​ത്തി​ന് ​ശേ​ഷം​ ​ഇ​ടു​ക്കു​ള​ ​മൈ​ക്രോ​ഫോ​ണി​ന​ടു​ത്തേ​ക്ക് ​നീ​ങ്ങി.
'​'​സു​ഹൃ​ത്തു​ക്ക​ളേ,​ ​കാ​ൽ​ ​നൂ​റ്റാ​ണ്ടാ​യി​ ​വേ​മ്പ​നാ​ട് ​പ​രി​സ്ഥി​തി​ ​സം​ഘ​ട​ന​ ​ന​ട​ത്തി​വ​രാ​റു​ള്ള​ ​നീ​ർ​പ​ക്ഷി​ ​സ​ർ​വെ​ ​എ​ന്ത് ​ത്യാ​ഗ​ങ്ങ​ൾ​ ​സ​ഹി​ച്ചും​ ​വി​ജ​യ​പ്ര​ദ​മാ​ക്കാ​ൻ​ ​മു​ന്നി​ട്ടി​റ​ങ്ങി​യ​ ​ഓ​രോ​രു​ത്ത​രോ​ടു​മു​ള്ള​ ​ക​ട​പ്പാ​ട് ​നി​സ്സീ​മ​വും​ ​നി​ർ​വ്യാ​ജ​വു​മാ​ണ്...​""
അ​പ്പോ​ഴാ​ണ് ​കാ​ര്യ​ങ്ങ​ളു​ടെ​ ​കി​ട​പ്പ് ​അ​നു​ശ്രീ​ക്ക് ​ക​ത്തി​യ​ത്.​ ​പ​രി​സ്ഥി​തി​ ​സം​ഘ​ട​ന​യു​ടെ​ ​പ​ക്ഷി​ ​സ​ർ​വെ​ ​ആ​ണ്.​ ​താ​ൻ​ ​ഉ​റ​ക്ക​മി​ള​ച്ചി​രു​ന്നു​ ​പ​ഠി​ച്ചു​ ​വെ​ച്ച​ ​കി​ളി​യ​ല്ല​ ​ഈ​ ​കി​ളി!
'​'.....​ഉ​ദ്ഘാ​ട​ന​ത്തി​ന് ​ശേ​ഷം​ ​പ​ക്ഷി​ ​സ​ർ​വെ​യു​ടെ​ ​അ​നു​ഭ​വ​ങ്ങ​ൾ​ ​പ​ങ്കു​വ​യ്‌​ക്കാ​ൻ​ ​ഗ്രൂ​പ്പ് ​ലീ​ഡേ​ഴ്സി​ന് ​അ​വ​സ​ര​മു​ണ്ട്.​ ​ഇ​ന്ന​ത്തെ​ ​പ്ര​ത്യേ​ക​ ​സാ​ഹ​ച​ര്യം​ ​ക​ണ​ക്കി​ലെ​ടു​ത്ത് ​നി​ല​വി​ലു​ള്ള​ ​ഭ​ര​ണ​ ​സ​മി​തി​യു​ടെ​ ​കാ​ലാ​വ​ധി​ ​ഒ​രു​ ​വ​ർ​ഷം​ ​കൂ​ടി​ ​പൊ​തു​യോ​ഗം​ ​നീ​ട്ടി​ത്ത​രും​ ​എ​ന്നാ​ണ് ​എ​ന്റെ​ ​പ്ര​തീ​ക്ഷ.​ ​കി​ളി​നോ​ട്ടം​ ​ഉ​ദ്ഘാ​നം​ ​ചെ​യ്യാ​ൻ​ ​പ​ഞ്ചാ​യ​ത്ത് ​പ്ര​സി​ഡ​ന്റ് ​അ​നു​ശ്രീ​യെ​ ​ക്ഷ​ണി​ക്കു​ന്നു.​""
മൈ​ക്കി​ന് ​മു​ന്നി​ലെ​ത്തും​ ​വ​രെ​ ​എ​ന്തു​പ​റ​യ​ണം​ ​എ​ന്ന് ​അ​നു​ശ്രീ​ക്ക് ​ഒ​രു​ ​രൂ​പ​വും​ ​ഉ​ണ്ടാ​യി​രു​ന്നി​ല്ല.
പ​ണ്ട് ​സ്‌​കൂ​ളി​ൽ​ ​പ​ഠി​ക്കു​ന്ന​ ​കാ​ല​ത്ത് ​ഒ​രു​ ​ത​ത്ത​യെ​ ​വ​ള​ർ​ത്തി​യ​ ​ക​ഥ.....​ ​അ​ടു​ത്ത​ ​വീ​ട്ടി​ലെ​ ​കു​ന്ന​ൻ​ ​പ​ഞ്ച​വ​ർ​ണ്ണ​നെ​ ​പി​ടി​ച്ചു​ ​തി​ന്ന​ത്.....​ ​കൊ​റോ​ണ​ ​കാ​ര​ണം​ ​ബ​ലി​ ​പ​ല​രും​ ​വീ​ട്ടി​ലി​ട്ട​തു​കൊ​ണ്ട് ​കാ​ക്ക​ക​ൾ​ ​പി​ണ്ഡം​ ​ക​ണ്ട് ​പ​ക​ച്ച​ത്....
പ്ര​സം​ഗം​ ​നീ​ണ്ടു​വ​ള​ർ​ന്ന് ​കോ​ഴി​ക​ളി​ലെ​ത്തി.​ ​കോ​ഴി​ക​ൾ​ ​ഒ​രു​ ​കാ​ല​ത്ത് ​പ​ക്ഷി​ക​ളെ​പോ​ലെ​ ​പ​റ​ക്കു​മാ​യി​രു​ന്നെ​ന്നും​ ​മ​നു​ഷ്യ​രോ​ടി​ണ​ങ്ങി​യ​ ​ശേ​ഷ​മാ​വാം​ ​പ​റ​ക്കാ​നു​ള്ള​ ​ക​ഴി​വ് ​ന​ഷ്‌​ട​മാ​യ​തെ​ന്നും​ ​സി​ദ്ധാ​ന്തി​ച്ചു.​ ​പ്ര​സം​ഗം​ ​ക​ഴി​ഞ്ഞ് ​ഇ​രി​പ്പി​ട​ത്തി​ലേ​ക്ക് ​മ​ട​ങ്ങു​മ്പോ​ൾ​ ​അ​നു​ശ്രീ​യു​ടെ​ ​ഫോ​ൺ​ ​ശ​ബ്‌​ദി​ച്ചു.​ ​പ​ഞ്ചാ​യ​ത്ത് ​സെ​ക്ര​ട്ട​റി​ ​രാം​ദാ​സ് ​ആ​ണ് ​മ​റു​ത​ല​യ്‌​ക്ക​ൽ.
അ​വ​ൾ​ ​ഫോ​ണി​ൽ​ ​ചെ​വി​ചേ​ർ​ത്ത് ​ഹാ​ളി​നു​ ​വെ​ളി​യി​ലേ​ക്കി​റ​ങ്ങി.
'​'​പ്ര​സി​ഡ​ന്റേ...​ ​സം​ഗ​തി​ ​അ​ല്പം​ ​വ​ശ​പെ​ശ​കാ.​ ​ന​മ്മു​ടെ​ ​സാ​ബു​മെ​മ്പ​ർ​ ​കു​റ​ച്ചു​ ​സ്ത്രീ​ക​ളെ​ ​കൂ​ട്ടി​ ​പൊ​തു​ശ്‌​മ​ശാ​ന​ത്തി​ലേ​ക്കു​ള്ള​ ​വ​ഴി​ ​ഉ​പ​രോ​ധി​ക്കു​ന്നു.​ ​സു​ജാ​ത​ ​ന​ഴ്സി​ന്റെ​ ​ശ​വം​ ​അ​വി​ടെ​ ​അ​ട​ക്കാ​ൻ​ ​സ​മ്മ​തി​ക്കി​ല്ല​ന്ന്.​ ​പു​ക​യ​ടി​ച്ചാ​ൽ​ ​കൊ​റോ​ണ​ ​വ​രു​മെ​ന്നു​പ​റ​ഞ്ഞ് ​ചു​റ്റു​മു​ള്ള​ ​താ​മ​സ​ക്കാ​രെ​ ​ഇ​ള​ക്കി​വി​ട്ടു​ള്ള​ ​ക​ളി​യാ​ണ്.​ ​അ​ത്യാ​വ​ശ്യ​മാ​യി​ ​ഒ​ന്നു​വ​ന്ന് ​സം​സാ​രി​ക്ക​ണം.​ ​ചാ​ന​ലു​കാ​രൊ​ക്കെ​ ​വ​ന്നി​ട്ടു​ണ്ട്.​""
'​'​നാ​സി​മി​ന്റേം​ ​അ​ക്ഷ​രേ​ടേം​ ​കോ​വി​ഡ് ​റി​സ​ൾ​ട്ട് ​വ​ന്നോ​?​""
'​'​അ​വ​ർ​ക്ക് ​നെ​ഗ​റ്റീ​വാ​ണ്.​""
സ്‌​കൂ​ട്ട​ർ​ ​ഓ​ടി​ക്കു​മ്പോ​ൾ​ ​സു​ജാ​ത​യെ​ ​ഓ​ർ​ത്തെ​ടു​ക്കു​ക​യാ​യി​രു​ന്നു​ ​അ​നു​ശ്രീ...
പ്ര​ണ​യ​പ്പെ​ട്ട​ ​പു​രു​ഷ​നൊ​പ്പം​ ​ഒ​ളി​ച്ചോ​ട്ടം..​ ​ര​ജി​സ്റ്റ​ർ​ ​മ​ര്യേ​ജ്.​ സി​നി​മാ​ക്ക​ഥ​ ​പോ​ലെ​ ​എ​രി​വും​ ​പു​ളി​വു​മു​ണ്ട് ​അ​വ​ളു​ടെ​ ​ജീ​വി​ത​ത്തി​ന്.​ ​നാ​സി​മി​ന് ​സ്വ​യം​ ​തൊ​ഴി​ൽ​ ​ചെ​യ്യാ​ൻ​ ​ലോ​ൺ​ ​കി​ട്ടു​മോ​ ​എ​ന്ന​ന്വേ​ഷി​ച്ച് ​പ​ഞ്ചാ​യ​ത്ത് ​ഓ​ഫീ​സി​ലും​ ​ഒ​രി​ക്ക​ൽ​ ​സു​ജാ​ത​ ​വ​ന്നി​രു​ന്നു.​ ​അ​നു​ശ്രീ​ ​കു​ടും​ബ​കാ​ര്യ​ങ്ങ​ൾ​ ​ചി​ക​ഞ്ഞെ​ങ്കി​ലും​ ​എ​ന്റെ​ ​ചേ​ച്ചി​ ​അ​തൊ​ക്കെ​ ​കാ​ണ്ഡം​ ​കാ​ണ്ഡ​മാ​യി​ ​കി​ട​ക്ക​ല്ലേ,​ ​ഒ​രി​ക്ക​ൽ​ ​പ​റ​യാ​മെ​ന്നു​പ​റ​ഞ്ഞ് ​അ​വ​ളൊ​ഴി​ഞ്ഞു​മാ​റി.
വാ​ട​ക​വീ​ടി​ന്റെ​ ​തു​രു​മ്പി​ച്ച​ ​ഗേ​റ്റി​ന് ​മു​ൻ​പി​ൽ​ ​അ​നു​ശ്രീ​ ​സ്‌​കൂ​ട്ട​ർ​ ​നി​ർ​ത്തി. ഒ​രു​ ​പാ​ളി​ ​തു​റ​ന്ന​പ്പോ​ൾ​ ​ഗേ​റ്റ് ​ക​ര​ഞ്ഞു.​ ​അ​ങ്ങി​ങ്ങ് ​കു​രി​ച്ചി​ൽ​ ​കു​ത്തി​യ​ ​മു​റ്റം​ ​ക​രി​യി​ല​ക​ൾ​ ​മൂ​ടി​ ​വി​റ​ങ്ങ​ലി​ച്ചു​ ​കി​ട​ന്നു.
മേ​ശ​പ്പു​റ​ത്തി​രി​ക്കു​ന്ന​ ​ഗ്ലാ​സ് ​ബൗ​ളി​ൽ​ ​വ​ട്ടം​ ​ചു​റ്റു​ന്ന​ ​സാ​ലി​വാ​ല​ൻ​ ​മ​ത്സ്യ​ങ്ങ​ൾ​ക്ക് ​തീ​റ്റ​ ​കൊ​ടു​ക്കു​കാ​രു​ന്നു​ ​അ​ക്ഷ​ര.​ ​അ​വ​ളു​ടെ​ ​പെ​റ്റി​ക്കോ​ട്ടി​ൽ​ ​ഇ​ഴ​യി​ട്ട​ ​കൈ​ത്തു​ന്ന​ലു​ക​ളെ​ ​ദാ​രി​ദ്ര്യ​ത്തി​ന്റെ​ ​ ഇ​രു​ണ്ട​ ​ഭൂ​ഖ​ണ്ഡ​ങ്ങ​ളെ​ന്ന് ​അ​നു​ശ്രീ​ ​വാ​യി​ച്ചെ​ടു​ത്തു.
'​'​മോ​ള് ​വ​ല്ലോം​ ​ക​ഴി​ച്ചോ​?​""
'​'​വെ​ള്ളം​ ​കു​ടി​ച്ചാ​രു​ന്നു​ ​ആ​ന്റി.​""
അ​നു​ശ്രീ​ ​അ​ടു​ക്ക​ള​യി​ലേ​ക്ക് ​ന​ട​ന്നു.​ ​സു​ജാ​ത​യു​ടെ​ ​ഒ​ച്ച​യ​ന​ക്ക​ങ്ങ​ൾ​ ​നി​ല​ച്ച് ​മാ​റാ​ല​ ​കെ​ട്ടി​യ​ ​അ​ടു​ക്ക​ള​ ​മു​ഖം​ ​പൊ​ത്തി​ക്ക​ര​ഞ്ഞു.​ ​ചി​രി​മ​ങ്ങി​ ​ചി​ത​റി​പ്പോ​യ​ ​പാ​ത്ര​ങ്ങ​ളി​ള​കി.​ ​ഉ​ത്ത​ര​ക്കൂ​ട്ടി​ൽ​ ​ഇ​ര​യു​ടെ​ ​അ​ക്ഷാം​ശ​വും​ ​രേ​ഖാം​ശ​വ​വും​ ​അ​ള​ന്ന് ​എ​ട്ടു​കാ​ലി​ ​വ​ല​യെ​റി​ഞ്ഞു.
ഫ്രി​ഡ്‌​ജ് ​തു​റ​ന്ന് ​എ​ന്തെ​ങ്കി​ലും​ ​ചൂ​ടാ​ക്കി​ ​കൊ​ടു​ക്കാ​നു​ണ്ടാ​കു​മോ​ന്ന് ​പ​ര​തി.​ ​കു​റ​ച്ചു​ ​മ​ല​ക്ക​റി​ക​ളും​ ​ഒ​രു​ ​ഹോ​ർ​ലി​ക്സ് ​കു​പ്പി​യി​ൽ​ ​പാ​തി​ ​ക​ടു​മാ​ങ്ങാ​ ​അ​ച്ചാ​റും​ ​ചു​രു​ട്ടി​ ​വ​ച്ചി​രി​ക്കു​ന്ന​ ​പ്ലാ​സ്റ്റി​ക് ​ക​വ​റു​ക​ളു​മ​ല്ലാ​തെ​ ​ഒ​ന്നു​മി​ല്ല.
ഫ്രീ​സ​റി​നു​ള്ളി​ൽ​ ​ഒ​രു​ ​ക​വ​ർ​ ​പാ​ലി​രി​പ്പു​ണ്ട്.​ ​തെ​ര​ക്കൊ​ള്ളി​ച്ച​പ്പോ​ൾ​ ​പൊ​ട്ടി​ച്ച​ ​പാ​യ്‌​ക്ക​റ്റി​നു​ള്ളി​ൽ​ ​നാ​ല​ഞ്ചു​ ​ബ്ര​ഡ് ​കി​ട്ടി.​ ​ഗ്യാ​സ് ​സ്റ്റൗ​ ​ക​ത്തി​ച്ചു.​ ​ദോ​ശ​ക്ക​ല്ലി​ൽ​ ​എ​ണ്ണ​ ​പു​ര​ട്ടി​ ​ബ്ര​ഡ് ​റോ​സ്റ്റു​ ​ചെ​യ്‌​തു.​ ​പാ​ല് ​കാ​ച്ചി​ ​അ​ക്ഷ​ര​യ്‌​ക്കു​ള്ള​തു​ ​മാ​റ്റി​വ​ച്ച് ​ബാ​ക്കി​ ​തേ​യി​ല​യി​ട്ടു.
മോ​ൾ​ക്ക് ​ക​ഴി​ക്കാ​ൻ​ ​കൊ​ടു​ത്തി​ട്ട് ​അ​നു​ശ്രീ​ ​നാ​സി​മി​ന്റെ​ ​മു​റി​യി​ലേ​ക്ക് ​ചെ​ന്നു.​ ​ക​ട്ടി​ലി​ൽ​ ​ച​ട​ഞ്ഞി​രി​ക്കു​ക​യാ​യി​രു​ന്നു​ ​നാ​സിം.​ ​അ​നു​ശ്രീ​ ​നീ​ട്ടി​യ​ ​ചാ​യ​ക്ക​പ്പ് ​വാ​ങ്ങി​ ​നി​ല​ത്തു​ ​വ​ച്ച​ത​ല്ലാ​തെ​ ​മു​ഖ​ത്തേ​ക്ക് ​നോ​ക്കി​യി​ല്ല.​ ​കു​നി​ഞ്ഞ​ ​ശി​ര​സ്സ് ​പൊ​ന്തി​ച്ചു​മി​ല്ല.​ ​അ​നേ​ക​ ​കാ​ലം​ ​മു​ൻ​പ് ​ഉ​റ​ഞ്ഞ​ ​ലാ​വ​പോ​ലെ​ ​മൗ​നം​ ​പു​ത​ച്ച് ​അ​യാ​ളി​രു​ന്നു.
'​'​അ​വ​സാ​ന​മാ​യി​ ​ഒ​ന്ന് ​കാ​ണ​ണ​മെന്നു​ണ്ട്.​""
ഒ​രു​വേ​ള​ ​നാ​സി​മി​ൽ​ ​വാ​ക്കി​ന്റെ​ ​ശി​ര​സ്സ് ​പൊ​ട്ടി,
'​'​പ​രി​ശീ​ല​നം​ ​കി​ട്ടി​യ​ ​സ​ന്ന​ദ്ധ​ ​പ്ര​വ​ർ​ത്ത​ക​രാ​യി​രി​ക്കും​ ​അ​ന്ത്യ​ക​ർ​മ്മ​ങ്ങ​ൾ​ ​ചെ​യ്യു​ക.​ ​ഞാ​ൻ​ ​ക​ള​ക്ട​റെ​ ​വി​ളി​ച്ചു​ ​നോ​ക്കാം.​ ​കി​റ്റ് ​ധ​രി​ച്ച് ​പെ​ർ​മി​ഷ​ൻ​ ​ചോ​ദി​ക്കാം,​ ​ഒ​ന്നും​ ​പ​റ്റി​യി​ല്ലെ​ങ്കി​ൽ​ ​അ​വ​ർ​ക്ക് ​എ​ന്റെ​ ​ഫോ​ൺ​ ​കൊ​ടു​ത്തി​ട്ട് ​അ​തി​ലൂ​ടെ​ ​കാ​ണി​ക്കാം.​""
ചി​ല്ല് ​ഭ​ര​ണി​യും​ ​നീ​ട്ടി​പ്പി​ടി​ച്ച് ​അ​ക്ഷ​ര​മു​റി​യി​ലെ​ക്കോ​ടി​ ​വ​ന്നു.​ ​മു​ന്ന് ​സാ​ലി​വാ​ല​ൻ​ ​ഗ​പ്പി​ ​മ​ത്സ്യ​ങ്ങ​ളി​ലൊ​ന്ന് ​വെ​ള്ള​ത്തി​ന് ​മു​ക​ളി​ൽ​ ​ച​ത്തു​ ​പൊ​ങ്ങി​ക്കി​ട​ക്കു​ന്ന​ത് ​നാ​സി​മി​നെ​ ​കാ​ണി​ച്ചു.
ബൗ​ൾ​ ​മാ​റോ​ട​ടു​ക്കി​ ​മീ​നി​ന്റെ​ ​വാ​ലി​ൽ​ ​പി​ടി​ച്ചു​പൊ​ക്കി​ ​അ​വ​ൾ​ ​പ​റ​ഞ്ഞു.
'​'​ഒ​ന്ന് ​ശ​ത്തു​പോ​യി.​""
നാ​സി​മി​ൽ​ ​വി​കാ​ര​ച്ച​ര​ട് ​പൊ​ട്ടി​യെ​ക്കാ​വു​ന്ന​ ​ആ​ ​നി​മി​ഷ​ത്തെ​ ​ഒ​റ്റ​ ​ചോ​ദ്യം​ ​കൊ​ണ്ട് ​അ​നു​ശ്രീ​ ​മ​റ​ച്ചു,
'​'​ബ​ന്ധു​ക്ക​ളെ​ ​ആ​രെ​യെ​ങ്കി​ലും​ ​വി​വ​രം​ ​അ​റീ​ക്കാ​നു​ണ്ടോ​?​""
'​'​അ​റീ​ച്ചി​രു​ന്നു,​ ​ആ​രെ​യും​ ​പ്ര​തീ​ക്ഷി​ക്ക​ണ്ട.​""
പ​ഞ്ചാ​യ​ത്ത് ​സെ​ക്ര​ട്ട​റി​യു​ടെ​ ​വി​ളി​ ​വീ​ണ്ടു​മെ​ത്തി.
'​'​പ്ര​സി​ഡ​ന്റേ...​ ​ഇ​തി​പ്പോ​ ​ക​ള​ക്ട​ർ​ ​വ​രു​ന്ന​തി​നു​ ​മു​മ്പ് ​പ്ര​ശ്‌​നം​ ​പ​രി​ഹ​രി​ച്ചി​ല്ലെ​ങ്കി​ൽ​ ​നാ​ണ​ക്കേ​ടാ.​ ​നാ​ലു​മ​ണി​ക്ക​ല്ലേ​ ​ക്രി​മേ​ഷ​ൻ​ ​നി​ശ്ച​യി​ച്ചി​രി​ക്കു​ന​ത്.​ ​ഇ​ന്ന് ​ന​ട​ന്നി​ല്ലെ​ങ്കി​ൽ​ ​മോ​ർ​ച്ച​റി​യി​ലേ​ക്ക് ​മാ​റ്റേ​ണ്ടി​ ​വ​രും.​ ​എ​നി​ക്ക് ​പ്ര​തീ​ക്ഷ​യി​ല്ല.​""
'​അ​ഞ്ചു​മി​നി​ട്ടി​നു​ള്ളി​ൽ​ ​ഞാ​നെ​ത്തും.​""
അ​നു​ശ്രീ​ ​ഫോ​ൺ​ ​ക​ട്ടു​ചെ​യ്തു.
'​'​ഞാ​ന​റി​ഞ്ഞു,​ ​സാ​ബു​മെ​മ്പ​ർ​ ​പ്ര​ശ്‌​നം​ ​ഉ​ണ്ടാ​ക്കി​യെ​ന്ന്.​ ​സ്വ​ന്ത​മാ​യി​ ​ഒ​രു​തു​ണ്ട് ​ഭു​മി​യും​ ​ചോ​രാ​ത്തൊ​രു​ ​കൂ​ര​യും​ ​അ​വ​ടെ​ ​സ്വ​പ്‌​ന​മാ​യി​രു​ന്നു,​ ​ക​ഴി​ഞ്ഞി​ല്ല.​""
ഇ​ടി​വെ​ട്ടി​പ്പെ​യ്‌​ത​ ​മ​ഴ​യ​ത്ത് ​അ​വ​രു​ടെ​ ​കി​ട​പ്പ​റ​ ​സം​ഭാ​ഷ​ണ​ങ്ങ​ൾ​ക്ക് ​ചെ​വി​യോ​ർ​ത്തി​ട്ടു​ള്ള​ ​ചു​വ​ര് ​വി​തു​മ്പി.
സെ​ൽ​ഫ് ​സ്റ്റാ​ർ​ട്ട​ർ​ ​ഉ​ണ്ടെ​ങ്കി​ലും​ ​സാ​ബു​ ​മെ​മ്പ​റോ​ടു​ള്ള​ ​ദേ​ഷ്യം​ ​സ​ഹി​ക്കാ​ൻ​ ​പ​റ്റാ​തെ​ ​അ​നു​ശ്രീ​ ​കി​ക്ക​റി​ൽ​ ​ആ​ഞ്ഞു​ ​ച​വു​ട്ടി.​ ​ഒ​രി​ക്ക​ൽ​ ​മെ​മ്പ​റെ​ ​പൂ​ട്ടാ​നൊ​ര​വ​സ​രം​ ​കി​ട്ടി​യ​താ​ണ്.​ ​അ​രു​ണ​യു​ടെ​ ​ഭാ​വി​യെ​ ​ഓ​ർ​ത്ത് ​അ​ന്ന​ത് ​ഒ​തു​ക്കി.
വ​ഴി​യ​രി​കി​ലെ​ ​മ​ഹാ​ഗ​ണി​ ​മ​ര​ത്തി​ന്റെ​ ​ത​ണ​ലി​ലേ​ക്ക് ​വ​ണ്ടി​ ​ഒ​തു​ക്കി​ ​നി​ർ​ത്തി​ ​അ​നു​ശ്രീ​ ​പ​രി​സ​രം​ ​വീ​ക്ഷി​ച്ചു.​ ​പൊ​തു​‌​ശ്‌​മ​ശാ​ന​ത്തി​ലേ​ക്കു​ള്ള​ ​വ​ഴി​ ​ക​ല്ല​ൻ​മു​ള​ക​ളും​ ​കാ​റ്റാ​ടി​ക്ക​ഴ​ക​ളും​ ​കു​റു​കെ​ ​കെ​ട്ടി​ ​ത​ട​ഞ്ഞി​രി​ക്കു​ന്നു.
വ​ഴി​യി​ൽ​ ​കു​ത്തി​യി​രു​ന്ന് ​മു​ദ്രാ​വാ​ക്യം​ ​വി​ളി​ക്കു​ക​യാ​ണ് ​സാ​ബു​മെ​മ്പ​ർ.​ ​അ​ല​റി​യ​ല​റി​ ​തൊ​ണ്ട​യി​ട​റി​ ​പൂ​വ​ൻ​ ​കോ​ഴി​യു​ടെ​ ​കാ​ഹ​ളം​ ​പോ​ലെ​യാ​യി​ട്ടു​ണ്ട് ​ശ​ബ്‌​ദം.​ ​ഏ​റ്റു​വി​ളി​ക്കാ​ൻ​ ​പ​ത്തു​പ​തി​ന​ഞ്ചു​ ​സ്ത്രീ​ക​ളും.​ ​അ​നു​ശ്രീ​യെ​ ​ക​ണ്ട​പ്പോ​ൾ​ ​മു​ദ്രാ​വാ​ക്യം​ ​വി​ളി​ ​ഒ​ന്നൂ​ടെ​ ​ഉ​ച്ച​ത്തി​ലാ​യി.​ ​ചാ​ന​ലു​കാ​രു​ടെ​ ​കാ​മ​റ​നോ​ട്ട​ത്തി​നു​ ​മു​ൻ​പി​ൽ​ ​വ​ല്ലാ​ത​ങ്ങ് ​ആ​വേ​ശം​ ​കൊ​ള്ളു​ക​യാ​ണ് ​അ​യാ​ൾ.​ ​നാ​ല​ഞ്ച് ​പോ​ലീ​സു​കാ​രും​ ​കു​റ​ച്ചു​ ​നാ​ട്ടു​കാ​രും​ ​കാ​ഴ്‌​ച​ക്കാ​രാ​യി​ ​ചു​റ്റി​നു​മു​ണ്ട്.
'​'​ഞ​ങ്ങ​ൾ​ ​ആ​വു​ന്ന​ത് ​പ​റ​ഞ്ഞു​നോ​ക്കി​ ​അ​നു,​ ​മെ​മ്പ​ർ​ ​വ​ഴ​ങ്ങു​ന്നി​ല്ല.​ ​മൂ​ന്നു​ ​മ​ണി​ക്കാ​ണ് ​അ​ട​ക്കം​ ​നി​ശ്ച​യി​ച്ചി​രി​ക്കു​ന്ന​ത്.​ ​ര​ണ്ടു​ ​മ​ണി​ക​ഴി​ഞ്ഞ് ​ഹോ​സ്‌​പി​റ്റ​ലി​ൽ​ ​നി​ന്ന് ​ആം​ബു​ല​ൻ​സ് ​വ​രും.​ ​സെ​ൻ​സി​റ്റീ​വ് ​ഇ​ഷ്യു​ ​ആ​യ​തു​കൊ​ണ്ട് ​പ്ര​കോ​പ​നം​ ​പാ​ടി​ല്ലെ​ന്നും​ ​ക​ഴി​വ​തും​ ​അ​നു​ന​യ​ത്തി​ന്റ​ ​മാ​ർ​ഗം​ ​സ്വീ​ക​രി​ക്ക​ണ​മെ​ന്നും​ ​ക​ള​ക്ട​റു​ടെ​ ​നി​ർ​ദേ​ശ​മു​ണ്ട്.​""
വി​ല്ലേ​ജ് ​ഓ​ഫി​സ​ർ​ ​ഇ​ന്ദി​ര​ ​സി​റ്റു​വേ​ഷ​ന്റെ​ ​ഗൗ​ര​വം​ ​ബോ​ധ്യ​പ്പെ​ടു​ത്തി..
ഇ​തി​നി​ടെ​ ​ചാ​ന​ൽ​ ​റി​പ്പോ​ർ​ട്ട​ർ​ ​മൈ​ക്ക് ​നീ​ട്ടി​ ​പ്ര​സി​ഡ​ന്റി​ന്റെ​ ​അ​ഭി​പ്രാ​യം​ ​ആ​രാ​ഞ്ഞു.
'​'​ഒ​രു​ ​പ്ര​ശ്‌​ന​വും​ ​ഇ​ല്ല.​ ​നി​ശ്‌​ച​യി​ച്ച​ ​സ​മ​യ​ത്ത് ​ത​ന്നെ​ ​സം​സ്‌​ക​രി​ക്കും.​""
പ്ര​സി​ഡ​ണ്ട് ​സാ​ബു​മെ​മ്പ​റെ​ ​വി​ളി​ച്ച് ​മാ​റ്റി​നി​ർ​ത്തി.
'​'​ഇ​ത് ​രാ​ഷ്ട്രീ​യം​ ​ക​ളി​ക്ക​ണ്ട​ ​സ​മ​യ​മ​ല്ല.​ ​കൊ​വി​ഡ് ​രോ​ഗി​ക​ളെ​ ​പ​രി​ച​രി​ക്കു​ന്ന​തി​നി​ട​യി​ലാ​ണ് ​സു​ജാ​ത​ക്ക് ​രോ​ഗം​ ​വ​ന്ന​ത്.​ ​ഞാ​ൻ​ ​അ​വ​രു​ടെ​ ​വീ​ട്ടി​ൽ​ ​പോ​യി​രു​ന്നു.​ ​അ​മ്മ​ ​മ​രി​ച്ച​ത​റി​യാ​തെ​ ​ഓ​ടി​ച്ചാ​ടി​ ​ന​ട​ക്കു​ന്ന​ ​കു​ട്ടി​യെ....​ ​ഹൃ​ദ​യം​ ​പൊ​ട്ടി​ ​നി​ൽ​ക്കു​ന്ന​ ​ഭ​ർ​ത്താ​വി​നെ.....​ ​ഒ​ക്കെ​ ​ക​ണ്ടു.​ ​മ​രി​ച്ച​വ​രെ​യെ​ങ്കി​ലും​ ​വെ​റു​തെ​ ​വി​ടൂ...​""
'​'​എ​ന്നാ​ ​വ​ർ​ത്ത​മാ​ന​മാ​ ​പ്ര​സി​ഡ​ന്റേ​യി​ത്?​ ​എ​ന്റെ​ ​വാ​ർ​ഡി​ലെ​ ​വോ​ട്ട​ർ​മാ​രു​ടെ​ ​ആ​രോ​ഗ്യം​ ​നോ​ക്കേ​ണ്ട​ത് ​എ​ന്റെ​ ​ക​ട​മ​യ​ല്ലേ​?​ ​വേ​റെ​ ​എ​വി​ടെ​ങ്കി​ലും​ ​കൊ​ണ്ടു​പോ​യി​ ​ക​ത്തി​ക്കു​ന്ന​തി​ൽ​ ​എ​നി​ക്ക് ​ഒ​രു​ ​വി​രോ​ധ​വു​മി​ല്ല.​""
സാ​ബു​മെ​മ്പ​റി​ന്റെ​ ​ഒ​ച്ച​യു​യ​ർ​ന്നു​ .
'​'​ ​പു​ക​യ​ടി​ച്ചാ​ൽ​ ​കൊ​വി​ഡ് ​പ​ക​രു​മെ​ന്ന് ​ആ​രാ​ ​പ​റ​ഞ്ഞ​ത്?​""
'​'​പു​ക​യ​ടി​ച്ചാ​ൽ​ ​കൊ​വി​ഡ് ​പ​ക​രി​ല്ലെ​ന്ന് ​ആ​രാ​ ​പ​റ​ഞ്ഞ​ത്?​ ​ആ​കാ​ശം​ ​ഇ​ടി​ഞ്ഞു​ ​വീ​ണാ​ലും​ ​എ​ന്റെ​ ​കൊ​ക്കി​ന് ​ജീ​വ​നൊ​ണ്ടെ​ങ്കി​ൽ​ ​ഒ​രു​ ​കോ​വി​ഡ് ​രോ​ഗി​യെ​ ​ഇ​വി​ടെ​ ​ക​ത്തി​ക്കാ​ന​നു​വ​ദി​ക്കി​ല്ല.​ ​ഈ​ ​ചു​റ്റു​വ​ട്ട​ത്തു​ള്ള​ ​പ​ത്തി​രു​പ​തു​ ​വീ​ട്ടു​കാ​രു​ടെ​ ​പി​ന്തു​ണ​ ​എ​നി​ക്കു​ണ്ട്.​ ​അ​വ​രു​ടെ​ ​വീ​ട്ടി​ൽ​ ​രോ​ഗി​ക​ളു​ണ്ട്...​ ​പ്രാ​യ​മാ​യ​വ​രു​ണ്ട്...​ ​കു​ട്ടി​ക​ളു​ണ്ട്...​ ​അ​ല്ലെ​ങ്കി​ൽ​ ​ത​ന്നെ​ ​ഈ​ ​പ​ഞ്ചാ​യ​ത്തി​ൽ​ ​ഒ​രു​ ​പൊ​തു​ശ്‌​മ​ശാ​നം​ ​എ​ന്തി​നാ​ണ്?​ ​എ​ന്റെ​ ​എ​തി​ർ​പ്പി​ന് ​നി​ങ്ങ​ൾ​ ​പു​ല്ലു​വി​ല​ ​ക​ൽ​പ്പി​ച്ചോ​?​"​"​ശ്വാ​സ​ഗ​തി​യി​ലെ​ ​ആ​രോ​ഹ​ണാ​വ​രോ​ഹ​ണ​ത്തി​ൽ​ ​നെ​ഞ്ചു​യ​ർ​ന്നും​ ​താ​ണും​ ​നേ​താ​വി​ന്റെ​ ​ക​ഴു​ത്തി​ലെ​ ​ഏ​ല​സൊ​ന്നി​ള​കി.
'​'​അ​തൊ​ക്കെ​ ​ന​മ്മ​ൾ​ ​പ​ല​ ​പ്രാ​വ​ശ്യം​ ​ച​ർ​ച്ച​ ​ചെ​യ്‌​ത​ത​ല്ലേ​?​ ​ഇ​പ്പോ​ഴാ​ണ് ​ശ​രി​ക്കും​ ​ബോ​ദ്ധ്യ​പ്പെ​ട്ട​ത്.​ ​ഇ​വി​ടെ​ ​ഒ​രു​ ​പൊ​തു​ശ്‌​മ​ശാ​ന​ത്തി​ന്റെ​ ​ആ​വ​ശ്യം​ ​ഉ​ണ്ടാ​യി​രു​ന്നു.​""
ഇ​ട​യി​ലേ​ക്ക് ​നീ​ണ്ടു​വ​ന്ന​ ​റി​പ്പോ​ർ​ട്ട​റു​ടെ​ ​മൈ​ക്ക് ​അ​നു​ശ്രീ​ ​ത​ട്ടി​ ​മാ​റ്റി.
സാ​ബു​മെ​മ്പ​ർ​ ​അ​ര​യും​ ​ത​ല​യും​ ​മു​റു​ക്കി​യാ​ണെ​ന്ന് ​പ്ര​സി​ഡ​ന്റി​ന് ​മ​ന​സ്സി​ലാ​യി.​ ​ചാ​ന​ലു​കാ​രു​ടെ​ ​മു​ൻ​പി​ൽ​ ​ഒ​രു​ ​പ​രാ​ജ​യം​ ​അ​യാ​ൾ​ ​ആ​ഗ്ര​ഹി​ക്കു​ന്നി​ല്ല.
'​'​ഒ​ന്ന് ​നി​ന്നേ...​""
ഒ​ന്നു​ര​ണ്ടു​ ​ചു​വ​ടു​ക​ൾ​ ​വ​ച്ച​ ​സാ​ബു​മെ​മ്പ​ർ​ ​വാ​ക്കു​ക​ളി​ലെ​ ​ആ​ജ്ഞാ​സ്വ​രം​ ​തി​രി​ച്ച​റി​ഞ്ഞു.
'​'​പ​ഴ​യ​ ​കേ​സ് ​ഓ​ർ​മ്മ​യൊ​ണ്ട​ല്ലോ,​ ​അ​ന്ന് ​അ​രു​ണ​ ​ത​ന്ന​ ​പ​രാ​തി​ ​ഇ​പ്പോ​ഴും​ ​ഞാ​ൻ​ ​സൂ​ക്ഷി​ച്ചു​ ​വ​ച്ചി​ട്ടു​ണ്ട്.​ ​അ​വ​ൾ​ക്ക​യ​ച്ച​ ​അ​ശ്ലീ​ല​ ​ഫോ​ട്ടോ​ക​ൾ​ ​അ​വ​ളെ​നി​ക്ക് ​ഫോ​ർ​വേ​ഡ് ​ചെ​യ്‌​ത​ത് ​ഞാ​ൻ​ ​ഡി​ലി​റ്റ് ​ചെ​യ്‌​തി​ട്ടി​ല്ല,​ ​ചാ​ന​ലു​കാ​ർ​ക്ക് ​ഇ​ന്ന​ത്തേ​ക്ക​തു​മ​തി.​''
അ​തൊ​ക്കെ​ ​അ​ന്നേ​ ​അ​രു​ണ​യെ​ക്കൊ​ണ്ട് ​ഡി​ലി​റ്റ് ​ചെ​യ്യി​ച്ചി​രു​ന്നെ​ങ്കി​ലും​ ​അ​ങ്ങ​നെ​ ​പ​റ​യാ​നാ​ണ് ​അ​നു​ശ്രീ​ക്ക് ​തോ​ന്നി​യ​ത്.
സാ​ബു​ ​മെ​മ്പ​ർ​ ​വി​ള​റി​ ​വെ​ള​ത്തു.​ ​ക​ണ്ണി​ൽ​ ​നി​ന്ന് ​പൊ​ന്നീ​ച്ച​ ​പ​റ​ന്നു.
'​'​പ്ര​സി​ഡ​ന്റേ​ ​ച​തി​ക്ക​രു​ത്,​ ​എ​ന്റെ​ ​രാ​ഷ്ട്രീ​യ​ഭാ​വി...​""
'​'​എ​ന്നാ​ൽ​ ​അ​വ​രോ​ട് ​എ​ണീ​റ്റു​ ​പോ​കാ​ൻ​ ​പ​റ,​ ​പി​ന്നെ​ ​റോ​ഡി​നു​ ​കു​റു​കെ​ ​കെ​ട്ടി​യി​രി​ക്കു​ന്ന​ ​ക​മ്പും​ ​കോ​ലു​മൊ​ക്കെ​ ​അ​ഴി​ച്ചു​ ​ക​ള​ഞ്ഞേ​ക്ക്.​""
റോ​ഡി​ൽ​ ​കു​ത്തി​യി​രി​ക്കു​ന്ന​ ​സ്ത്രീ​ക​ളോ​ടാ​യി​ ​സാ​ബു​ ​മെ​മ്പ​ർ​ ​ഉ​ച്ച​ത്തി​ൽ​ ​പ​റ​ഞ്ഞു.
'​'​പ്രി​യ​പ്പെ​ട്ട​വ​രേ,​ ​ന​മ്മ​ൾ​ ​ഈ​ ​ഉ​പ​രോ​ധ​സ​മ​രം​ ​ഇ​വി​ടെ​ ​അ​വ​സാ​നി​പ്പി​ക്കു​ക​യാ​ണ്.​ ​ലോ​കാ​രോ​ഗ്യ​സം​ഘ​ട​ന​യു​ടെ​ ​പു​തി​യ​ ​നി​ർ​ദ്ദേ​ശം​ ​വ​ന്നി​ട്ടു​ണ്ട്.​ ​പു​ക​യി​ൽ​ ​കൂ​ടി​ ​കൊ​റോ​ണ​ ​വൈ​റ​സ് ​പ​ക​രി​ല്ല.​ ​ഇ​നി​ ​ആ​ർ​ക്കെ​ങ്കി​ലും​ ​പേ​ടി​യു​ണ്ടെ​ങ്കി​ൽ​ ​അ​വ​ർ​ക്ക് ​മാ​സ്‌​‌​ക്ക് ​ധ​രി​ക്കാം.​ ​മ​രി​ച്ച​ ​സു​ജാ​ത​ ​കൊ​വി​ഡ് ​രോ​ഗി​ക​ളെ​ ​പ​രി​ച​രി​ച്ച​ ​ഒ​രു​ ​മാ​ലാ​ഖ​യാ​യി​രു​ന്നു.​ ​ആ​ ​കു​ടും​ബ​ത്തി​ന്റെ​ ​വേ​ദ​ന​ ​ക​ണ്ടി​ല്ലാ​ന്ന് ​ന​ടി​ക്കാ​ൻ​ ​ആ​വി​ല്ല.​ ​ഒ​ന്നു​മി​ല്ലേ​ലും​ ​ന​മ്മ​ളൊ​ക്കെ​ ​മ​നു​ഷ്യേ​ര​ല്ലേ​?​ ​എ​ല്ലാ​വ​രും​ ​സു​ജാ​ത​ ​ന​ഴ്സി​ന് ​ആ​ദ​രാ​ഞ്ജ​ലി​ക​ൾ​ ​അ​ർ​പ്പി​ച്ചു​കൊ​ണ്ട് ​അ​വ​ര​വ​രു​ടെ​ ​വീ​ടു​ക​ളി​ലേ​ക്ക്പി​രി​ഞ്ഞു​ ​പോ​ണ​മെ​ന്ന് ​അ​ഭ്യ​ർ​ഥി​ക്കു​ന്നു.​""
രംഗം​ ​ലൈ​വാ​യി​ ​കൊ​ഴു​ത്തു​വ​രു​മ്പോ​ൾ​ ​നാ​യ​ക​ൻ​ ​അ​പ്ര​തീ​ക്ഷി​ത​മാ​യി​ ​ക​ളം​ ​മാ​റി​ ​ച​വു​ട്ടി​യ​ത് ​ഒ​ ​ബി​ ​വാ​നും​ ​സ​ർ​വ​ ​സ​ജ്ജീ​ക​ര​ണ​ങ്ങ​ളു​മാ​യി​ ​റേ​റ്റിം​ഗ് ​ചാ​ർ​ട്ടി​ൽ​ ​കു​തി​ച്ചു​ക​യ​റ്റ​മു​ണ്ടാ​ക്കാ​ൻ​ ​പാ​ഞ്ഞെ​ത്തി​യ​ ​ചാ​ന​ലു​കാ​രെ​ ​ഞെ​ട്ടി​ച്ചു,
അ​നു​ശ്രീ​യെ​ ​പൊ​തി​ഞ്ഞു​നി​ന്ന​ ​റി​പ്പോ​ർ​ട്ട​റ​ൻ​മാ​രി​ൽ​ ​ഒ​രാ​ൾ​ ​ചോ​ദി​ച്ചു.
'​'​ഇ​ത്ര​ ​പെ​ട്ട​ന്ന് ​ഒ​രു​ ​കോം​പ്ര​മൈ​സ്?​ ​എ​ന്ത് ​വ​ജ്രാ​യു​ധ​മാ​ണ് ​താ​ങ്ക​ൾ​ ​പ്ര​യോ​ഗി​ച്ച​ത്?​""
'​'​വ​ജ്രാ​യു​ധ​മ​ല്ല,​ ​അ​രു​ണാ​സ്ത്രം,​ ​അ​തു​ര​ച്ചു​ ​മി​നു​ക്കി​യെ​ടു​ത്തു.​""
തി​ടു​ക്ക​പ്പെ​ട്ട​ ​അ​നു​ശ്രീ​ക്ക് ​മു​ന്നി​ൽ​ ​ആ​ൾ​ക്കൂ​ട്ടം​ ​വ​ഴി​മാ​റി​ക്കൊ​ടു​ത്തു.
പ​ഞ്ചാ​യ​ത്തി​ലെ​ ​കൊ​വി​ഡ് ​അ​വ​ലോ​ക​ന​ ​യോ​ഗം​ ​ക​ഴി​ഞ്ഞ് ​വീ​ടെ​ത്താ​ൻ​ ​വൈ​കി.​ ​വീ​ട് ​ഇ​രു​ട്ടു​പു​ത​ച്ച് ​ഉ​റ​ങ്ങു​ക​യാ​യി​രു​ന്നു.​ ​ശ്രീ​ക്കു​ട്ട​ൻ​ ​മു​ൻ​വാ​തി​ൽ​ ​അ​ക​ത്തു​നി​ന്ന് ​പൂ​ട്ടി​ ​സ്‌​പെ​യ​ർ​ ​താ​ക്കോ​ൽ​ ​തൂ​ണി​ന് ​മു​ക​ളി​ൽ​ ​വ​ച്ചി​രു​ന്നു.
അ​വ​ൾ​ ​വാ​തി​ൽ​ ​തു​റ​ന്ന് ​അ​ക​ത്തു​കേ​റി​ ​നേ​രെ​ ​ബാ​ത്റൂ​മി​ലേ​ക്ക് ​പോ​യി.​ ​അ​ട​ക്കി​പ്പി​ടി​ച്ച​ ​അ​മ​ർ​ഷ​വും​ ​വേ​ദ​ന​യും​ ​ഷ​വ​റി​ന്റെ​ ​സു​ഷി​രം​ ​വ​ഴി​ ​ചീ​റ്റി​ത്തെ​റി​ച്ചു.
സി​താ​ര​യെ​ ​ഉ​ണ​ർ​ത്താ​തെ​ ​മാ​റ്റി​ക്കി​ട​ത്തി​ ​അ​വ​രു​ടെ​ ​ഇ​ട​യി​ലേ​ക്ക് ​പ​തി​വു​പോ​ലെ​ ​നൂ​ഴ്ന്നു. ഉ​റ​ക്കം​ ​ന​ടി​ച്ചു​ ​കി​ട​ന്ന​ ​ശ്രീ​ക്കു​ട്ട​ന്റെ​ ​കൈ​ ​അ​പ്ര​തീ​ക്ഷി​ത​മാ​യി​ ​അ​വ​ളെ​ ​ചു​റ്റി​വ​രി​ഞ്ഞു.​ ​അ​വ​ൾ​ക്ക് ​ശ്വാ​സം​ ​വി​ങ്ങി.​ ​അ​ര​ക്കെ​ട്ടി​ലെ​ ​മു​റു​ക്കം​ ​ഉ​ട​ലാ​കെ​ ​അ​സ്വ​സ്ഥ​ത​യു​ടെ​ ​ശ​വം​ ​നാ​റി​പ്പൂ​ക്ക​ളെ​ ​വി​രി​യി​ച്ച​പ്പോ​ൾ​ ​ഒ​രി​ക്ക​ലും​ ​ഉ​ണ്ടാ​യി​ട്ടി​ല്ലാ​ത്ത​ ​രോ​ഷ​ത്തോ​ടെ​ ​അ​വ​ളാ​ ​കൈ​ ​ത​ട്ടി​മാ​റ്റി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KATHA
KERALA KAUMUDI EPAPER
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.