​​​ചിലങ്ക നൃത്തോത്സവം 2021ൽ തിളങ്ങി നിജ പി എസ്. ഇന്നലെ വൈലോപ്പിള്ളി സംസ്‌കൃതി ഭവനിൽ കുച്ചിപ്പുടി അവതരിപ്പിക്കുമ്പോൾ എല്ലാവരുടെയും കണ്ണും കാതും ഹൃദയവും ഈ തിരുവനന്തപുരം സ്വദേശിനിയുടെ നേർക്കായിരുന്നു.

നിശാഗന്ധി ഫെസ്റ്റിവൽ ഉൾപ്പെടെ രാജ്യത്തിനകത്തും പുറത്തുമായി നിരവധി വേദികളിൽ തന്റെ നൃത്തസാന്നിദ്ധ്യം അറിയിച്ച കലാകാരിയാണ് നിജ പി എസ്. സർവകലാശാല വേദികളിൽ നിന്നും നിരവധി അംഗീകാരങ്ങൾ ഈ നർത്തകിയെ തേടിയെത്തിയിട്ടുണ്ട്.

ദൂരദർശൻ കേന്ദ്രയുടെ ഗ്രേഡഡ് കലാകാരിയായ നിജ, റിഗാറ്റ സംഗീത നാട്യ കലാകേന്ദ്രയുടെ ഡയറക്ടർ ഗിരിജ ചന്ദ്രന്റ കീഴിലാണ് കുച്ചുപ്പുടി അഭ്യസിക്കുന്നത്. വൈലോപ്പിള്ളി സംസ്‌കൃതി ഭവനും സാംസ്‌കാരിക വകുപ്പും ചേർന്ന് സെപ്തംബർ 23- 29 വരെയായിരുന്നു ചിലങ്ക നൃത്തോത്സവം 2021 സംഘടിപ്പിച്ചത്.