ന്യൂഡൽഹി : പാൻഡോര പേപ്പർ കള്ളപ്പണ വെളിപ്പെടുത്തലുകളിൽ കേന്ദ്രസർക്കാർ അന്വേഷണം പ്രഖ്യാപിച്ചു. കേന്ദ്ര പ്രത്യക്ഷ നികുതി ബോർഡ് ചെയർമാന്റെ നേതൃത്വത്തിലായിരിക്കും അന്വേഷണം. റിസർവ് ബാങ്ക്, ഇഡി, ഫിനാൻഷ്യൽ ഇൻറലിജൻസ് യൂണിറ്റ് പ്രതിനിധികളും അന്വേഷണ സംഘത്തിൽ ഉണ്ടാകും
മാദ്ധ്യമപ്രവർത്തകരുടെ അന്താരാഷ്ട്ര കൂട്ടായ്മ നടത്തിയ അന്വേഷണത്തിലാണ് ഇന്ത്യയുള്പ്പെടെ 91 രാജ്യങ്ങളിലെ പ്രമുഖരുടെ കള്ളപ്പണ നിക്ഷേപ വിവരങ്ങൾ പുറത്തുന്നുവന്നത്. ഇന്ത്യയിലെ വ്യവസായികള്, രാഷ്ട്രീയക്കാർ തുടങ്ങിയവരെല്ലാം പട്ടികയിലുണ്ട് . ക്രിക്കറ്റ് താരവും മുൻ രാജ്യസഭ എം.പിയുമായ സച്ചിന് ടെൻഡുല്ക്കർ, ഭാര്യ അഞ്ജലി, ഭാര്യാപിതാവ് ആനന്ദ് മേത്ത എന്നിവര് ബ്രിട്ടീഷ് വിര്ജിൻ ഐലൻഡിൽ നിക്ഷേപം നടത്തിയെന്ന് പാൻഡോര പേപ്പർ വെളിപ്പെടുത്തുന്നു. അനില് അംബാനി 18 കമ്പനികളിൽ കള്ളപ്പണം നിക്ഷേപിച്ചെന്നും പാൻഡോര പേപ്പറിലുണ്ട് . നീരവ് മോദി ഇന്ത്യ വിടുന്നതിന് മുന്പ് ഒരു മാസം മുൻപ് സഹോദരി പൂർവി മോദി ഒരു ട്രസ്റ്റ് രൂപികരിച്ച് കള്ളപ്പണം നിക്ഷേപിച്ചതായും റിപ്പോര്ട്ടുണ്ട്. ഗൗതം അദാനിയുടെ സഹോദരൻ വിനോദ് അദാനി, സിനിമാ താരം ജാക്കി ഷ്റോഫ്, പാകിസ്ഥാൻ പ്രധാനമന്ത്രി ഇമ്രാന്ഖാനുമായി അടുപ്പമുള്ളവർ, റഷ്യന് പ്രസിഡന്റ് പുടിൻ, ജോർദാൻ രാജാവ്, മുൻ ബ്രിട്ടീഷ് പ്രധാനമന്ത്രി ടോണി ബ്ലെയർ തുടങ്ങിയവരുടെ നിക്ഷേപങ്ങളെ കുറിച്ചും പാൻഡോര പേപ്പറില് വെളിപ്പെടുത്തലുണ്ട്
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |