അശ്വതി: സാമ്പത്തികനേട്ടം ഉണ്ടാകും. സർക്കാർ നിയമനത്തിനായി കാത്തിരിക്കുന്ന ഉദ്യോഗാർത്ഥികൾക്ക് ഉത്തരവ് ലഭിക്കും. പിതൃസമ്പത്ത് അനുഭവയോഗത്തിൽ വന്നുചേരും. സന്താനങ്ങളുമായി അഭിപ്രായവ്യത്യാസം ഉണ്ടാകും. പൊതുപ്രവർത്തകർക്ക് അംഗീകാരങ്ങൾ ലഭിക്കും. ചൊവ്വാഴ്ച ദിവസം അനുകൂലം.
ഭരണി: സാമ്പത്തിക അഭിവൃദ്ധി കൈവരും. വിവാഹകാര്യത്തിൽ തീരുമാനം എടുക്കും. സഹോദരാദി ഗുണം പ്രതീക്ഷിക്കാം. തൊഴിൽമുഖേന ആദായം വർദ്ധിക്കും. ദമ്പതികൾ തമ്മിലുള്ള കലഹങ്ങൾക്ക് പരിഹാരമുണ്ടാകും. സന്താനഗുണം പ്രതീക്ഷിക്കാം. ആഗ്രഹസാഫല്യം ഉണ്ടാകും.
കാർത്തിക: കർമ്മപുഷ്ടിക്ക് സാദ്ധ്യത. ഗൃഹാന്തരീക്ഷം പൊതുവേ സംതൃപ്തമായിരിക്കും. ബന്ധുക്കളുമായി ഒത്തുപോകാൻ ശ്രമിക്കുക. ഗൃഹത്തിൽ മംഗളകർമ്മങ്ങൾ നടക്കും. സാമ്പത്തിക ഇടപാടിൽ സൂക്ഷിക്കുക. അപ്രതീക്ഷിതമായി ദൂരയാത്രകൾ ആവശ്യമായി വരും.യാത്രകൾ മുഖേന പ്രതീക്ഷിച്ച ഗുണം ലഭിക്കില്ല.
രോഹിണി: വിശേഷവസ്ത്രാഭരണാധികൾ ലഭിക്കും. കൃഷിക്കാർക്ക് സാമ്പത്തികനേട്ടം ഉണ്ടാകും. വിദ്യാർത്ഥികൾക്ക് അദ്ധ്വാനഭാരം വർദ്ധിക്കും. പ്രമോഷന് ശ്രമിക്കുന്നവർക്ക് മേലുദ്യോഗസ്ഥരിൽ നിന്നും അനുകൂല നീക്കുപോക്ക് ഉണ്ടാകും. വിവാഹ കാര്യത്തിൽ തീരുമാനം എടുക്കും. പ്രേമവിവാഹത്തിന് ആഗ്രഹിക്കുന്നവർക്ക് അനുകൂലസമയം. അധികം ധനചെലവ് നേരിടും.
മകയിരം: സാമ്പത്തികനേട്ടം ഉണ്ടാകും. ദാമ്പത്യജീവിതം സന്തോഷപ്രദമായിരിക്കും. കർമ്മരംഗത്ത് ഉയർച്ച അനുഭവപ്പെടും. ആരോഗ്യപരമായി നല്ല കാലമല്ല. ഗൃഹത്തിൽ ബന്ധുസമാഗമം പ്രതീക്ഷിക്കാം. കേസുകളിൽ വിജയിക്കും.
തിരുവാതിര: കലാരംഗത്ത് പ്രവർത്തിക്കുന്നവർക്ക് സാമ്പത്തിക അഭിവൃദ്ധിയും സൽകീർത്തിയും പുതിയ അവസരങ്ങളും ലഭിക്കും. ഗൃഹത്തിൽ ബന്ധുസമാഗമം പ്രതീക്ഷിക്കാം. മനസിന് സന്തോഷവും സമാധാനവും ലഭിക്കും. യാത്രകൾ ആവശ്യമായി വരും. ഗൃഹത്തിൽ മംഗളകർമ്മങ്ങൾ നടക്കും. ജീവിതത്തിൽ പുരോഗതി.
പുണർതം: മനസിന് സന്തോഷം ലഭിക്കും. ഗൃഹനിർമ്മാണത്തിന് ആഗ്രഹിക്കുന്നവർക്ക് അനുകൂല സമയം. സഹോദരാദി ഗുണം പ്രതീക്ഷിക്കാം. സന്താനഗുണം ഉണ്ടാകും. തൊഴിൽ മുഖേന ആദായം വർദ്ധിക്കും. പിതൃഗുണം ലഭിക്കും. ഉന്നത കുടുംബത്തിൽ നിന്നും വിവാഹാലോചനകൾ വന്നെത്തും. ഗൃഹത്തിൽ സന്തോഷമുണ്ടാകും.
പൂയം: വിദേശയാത്രയ്ക്ക് അനുകൂലം. സന്താനങ്ങളാൽ ഭാഗ്യവും ധനലാഭവും ഉണ്ടാകും. സാമ്പത്തികനേട്ടം പ്രതീക്ഷിക്കാം. മേലധികാരികളുടെ പ്രീതി സമ്പാദിക്കും. കർമ്മരംഗത്ത് നേട്ടം ഉണ്ടാകും. സൽകീർത്തി ഉണ്ടാകും. ആരോഗ്യകാര്യങ്ങളിൽ പ്രത്യേകം ശ്രദ്ധിക്കണം. അപ്രതീക്ഷിതഭാഗ്യലബ്ധി.
ആയില്യം: അപ്രതീക്ഷിതമായി പുതിയ സ്ഥാനമാനങ്ങൾ ലഭിക്കും. സാമ്പത്തിക ഇടപാടിൽ സൂക്ഷിക്കുക. വിവാഹകാര്യത്തിൽ അനുകൂല തീരുമാനം ഉണ്ടാകും. സഹോദരസ്ഥാനീയരുമായി അഭിപ്രായവ്യത്യാസത്തിന് സാദ്ധ്യത. ആരോഗ്യപരമായി വളരെയധികം ശ്രദ്ധിക്കുക. സഹോദരങ്ങളുമായി അഭിപ്രായ വ്യത്യാസം ഉണ്ടാകും. പൂർവിക സ്വത്ത് ലഭിക്കും.
മകം: മനഃസന്തോഷം ഉണ്ടാകും. സഹോദരസ്ഥാനീയരിൽ നിന്നും ഗുണാനുഭവങ്ങൾ പ്രതീക്ഷിക്കാം. ആഡംബര വസ്തുക്കളിൽ താത്പര്യം വർദ്ധിക്കും. സിനിമാ, സീരിയൽ രംഗത്ത് പ്രവർത്തിക്കുന്നവർക്ക് പുതിയ അവസരങ്ങൾ ലഭിക്കും. മാതൃഗുണം പ്രതീക്ഷിക്കാം. വ്യാഴാഴ്ച ദിവസം അനുകൂലം.
പൂരം: പുതിയ തൊഴിൽ സാദ്ധ്യത ഉണ്ടാകും. സന്താനങ്ങളാൽ മനഃസന്തോഷം ലഭിക്കും. പലവിധത്തിൽ സാമ്പത്തികനേട്ടം ഉണ്ടാകും. സ്ഥലമോ വീടോ വാങ്ങാൻ ഉദ്ദേശിക്കുന്നവർക്ക് അനുകൂല സമയം. വിദ്യാർത്ഥികൾ പാഠ്യവിഷയങ്ങളിൽ ശ്രദ്ധിക്കുക. വിവാഹാലോചനകൾ വന്നെത്തും. ഗൃഹത്തിൽ മംഗളകർമ്മങ്ങൾ നടക്കും.
ഉത്രം: കർമ്മഗുണം പ്രതീക്ഷിക്കാം. സാമൂഹിക,സാഹിത്യ രംഗത്തുള്ളവർക്ക് അംഗീകാരവും പ്രശസ്തിയും ലഭിക്കും. കലാരംഗത്ത് പ്രവർത്തിക്കുന്നവർക്ക് സത്കീർത്തിയും പുതിയ അവസരങ്ങളും ലഭിക്കും. സന്താനഗുണം ഉണ്ടാകും. വിലപിടിപ്പുള്ള ഗൃഹോപകരണങ്ങൾ വാങ്ങിക്കും.
അത്തം: സന്താനങ്ങളാൽ കീർത്തി വർദ്ധിക്കും. യാത്രകൾ മുഖേന പ്രതീക്ഷിച്ചതിനെക്കാൾ ഗുണം ലഭിക്കും. ഗൃഹനിർമ്മാണത്തിന് അനുകൂല സമയം. അംഗീകാരവും പ്രശസ്തിയും ഉണ്ടാകും. ദാമ്പത്യജീവിതം സന്തോഷപ്രദമായിരിക്കും. വാഹനസംബന്ധമായി ചെലവുകൾ വർദ്ധിക്കും. ജീവിതത്തിൽ പുരോഗതിയുണ്ടാകും.
ചിത്തിര: പരീക്ഷാദികളിൽ വിജയസാദ്ധ്യത. സഹോദരന്റെ വിവാഹത്തിന് തീരുമാനമുണ്ടാകും. ആരോഗ്യപരമായി ബുദ്ധിമുട്ടുകൾ ഉണ്ടാകും. കലാരംഗത്ത് പുതിയ അവസരങ്ങൾ ലഭിക്കും. വാഹനത്തിൽ സൂക്ഷിക്കണം. നൂതനഗൃഹലാഭത്തിന് സാദ്ധ്യത. സന്താനഗുണം പ്രതീക്ഷിക്കാം. ഗൃഹനിർമ്മാണം പുരോഗമിക്കും.
ചോതി: കർമ്മരംഗത്ത് പുതിയ ഉത്തരവാദിത്തങ്ങൾ ഉണ്ടാകും. പൊതു പ്രവർത്തകർക്ക് അംഗീകാരങ്ങൾ ലഭിക്കും. മാതൃഗുണം ഉണ്ടാകും. നൂതന വസ്ത്രാഭരണാദികൾ സമ്മാനമായി ലഭിക്കും. സഹോദരസ്ഥാനീയർ ഗൃഹത്തിൽ സന്ദർശിക്കും. ദൂരയാത്രകൾ ആവശ്യമായി വരും. ശനിയാഴ്ച അനുകൂല ദിവസം.
വിശാഖം: മനസിന് സന്തോഷം തരുന്ന സന്ദേശങ്ങൾ ലഭിക്കും. വിദ്യാർത്ഥികൾ പഠനകാര്യത്തിൽ അലസത പ്രകടമാക്കും. യാത്രകൾ ഉല്ലാസപ്രദമാകും. തൊഴിലവസരങ്ങൾ ലഭിക്കും. ഗൃഹനിർമ്മാണത്തിന് അനുകൂല സമയം. കേസുകളിൽ വിജയിക്കും.
അനിഴം: സാമ്പത്തികനേട്ടത്തിന് സാദ്ധ്യത. വിവാഹകാര്യത്തിൽ തീരുമാനം എടുക്കും. വാഹന വ്യവസായികൾക്ക് അനുകൂല സമയം. ദൃശ്യ, മാദ്ധ്യമ പ്രവർത്തനരംഗത്തുള്ളവർക്ക് അംഗീകാരങ്ങൾ ലഭിക്കും. ദാമ്പത്യജീവിതം സന്തോഷപ്രദമായിരിക്കും. കലാരംഗത്ത് പ്രവർത്തിക്കുന്നവർക്ക് പ്രശസ്തി വർദ്ധിക്കും.
കേട്ട: മംഗളകർമ്മങ്ങൾ നടക്കും. തൊഴിൽ മുഖേന ആദായംവർദ്ധിക്കും. കലാരംഗത്ത് അപകീർത്തിക്ക് സാദ്ധ്യത. ശാരീരിക അസ്വാസ്ഥ്യങ്ങൾ അനുഭവപ്പെടും. വിവാഹ കാര്യത്തിൽ തീരുമാനം എടുക്കും. സന്താനങ്ങളാൽ മനഃസന്തോഷം വർദ്ധിക്കും.
മൂലം: സാമ്പത്തികനേട്ടം പ്രതീക്ഷിക്കാം. ഭൂമിസംബന്ധമായി അഭിപ്രായ വ്യത്യസം ഉണ്ടാകും. ബുദ്ധിപരമായി പല സന്ദർഭങ്ങളും കൈകാര്യം ചെയ്യാൻ ശ്രമിക്കണം. മാദ്ധ്യമ രംഗത്തു പ്രവർത്തിക്കുന്നവർക്ക് അംഗീകാരങ്ങൾ ലഭിക്കും. വെള്ളിയാഴ്ച ദിവസം അനുകൂലം.
പൂരാടം: നൂതന ഗൃഹലാഭത്തിനു സാദ്ധ്യത. കലാപരമായി ബന്ധപ്പെട്ട് പ്രവർത്തിക്കുന്നവർക്ക് സാമ്പത്തികനേട്ടം പ്രതീക്ഷിക്കാം. ഗൃഹാന്തരീക്ഷം അസംതൃപ്തമായിരിക്കും. മനസിന് സന്തോഷവും സമാധാനവും ലഭിക്കും. ഗൃഹത്തിൽ മംഗളകർമ്മങ്ങൾ നടക്കും. കർമ്മ രംഗത്ത് അഭിവൃദ്ധി ഉണ്ടാകും. വ്യാഴാഴ്ച ദിവസം അനുകൂലം.
ഉത്രാടം: പുണ്യസ്ഥലങ്ങൾ സന്ദർശിക്കാനിടവരും. സർക്കാർ ജീവനക്കാർക്ക് പ്രൊമോഷന് സാദ്ധ്യത. സന്താനങ്ങൾ മുഖേന മനഃസന്തോഷം വർദ്ധിക്കും. സന്താനങ്ങളെ കുറിച്ച് മനോവിഷമം ഉണ്ടാകും. വിദ്യാർത്ഥികൾ പഠനകാര്യത്തിൽ അലസത പ്രകടമാക്കും.
തിരുവോണം: സാമ്പത്തിക ലാഭം പ്രതീക്ഷിക്കാം. മാതൃഗുണം ഉണ്ടാകും. സർക്കാരിൽ നിന്നും ആനുകൂല്യങ്ങൾ ലഭിക്കും. സഹോദരങ്ങളിൽ നിന്നും മനഃക്ളേശത്തിനു സാദ്ധ്യത. ദമ്പതികൾ തമ്മിൽ ഐക്യതയോടെ കഴിയും. വിദ്യാർത്ഥികൾക്ക് അനുകൂല സമയം. സാഹിത്യ രംഗത്തുള്ളവർക്ക് പ്രശസ്തി ലഭിക്കും. ഗൃഹനവീകരണ പ്രവർത്തനങ്ങളിൽ ഏർപ്പെടും.
അവിട്ടം: വിദ്യാർത്ഥികൾക്ക് അനുകൂല സമയം. ജീവിതപങ്കാളിയുടെ ജോലിയിലുള്ള ഉയർച്ച മാനസിക സംതൃപ്തി ഉണ്ടാക്കും. പ്രയാസമെന്നുതോന്നിയ പല സംഗതികളും സാധിക്കും. തമ്മിൽ അകന്നു നിന്നിരുന്ന സഹോദരങ്ങൾ യോജിക്കും. പല കാര്യങ്ങളിലും മദ്ധ്യസ്ഥത വഹിക്കാനിടവരും. വിവാദപരമായ കാര്യങ്ങളിൽ ഏർപ്പെടാതിരിക്കുക. യാത്രകൾ ഉല്ലാസപ്രദമാകും.
ചതയം: സന്താനങ്ങളാൽ കീർത്തി വർദ്ധിക്കും. കർമ്മരംഗത്ത് പുരോഗതിയുണ്ടാകും. ദമ്പതികൾ തമ്മിൽ അഭിപ്രായ വ്യത്യാസം ഉണ്ടാകും. വിവാഹ കാര്യത്തിൽ തീരുമാനം എടുക്കും. സഹോദര സ്ഥാനീയരിൽ നിന്നും സഹായസഹകരണങ്ങൾ ലഭിക്കും. ധനപരമായി നേട്ടങ്ങൾ ഉണ്ടാകും.
പൂരുരുട്ടാതി: പിതൃഗുണം ലഭിക്കും. കലാരംഗത്ത് പ്രവർത്തിക്കുന്നവർക്ക് പ്രശസ്തി വർദ്ധിക്കും. വാഹന സംബന്ധമായി ചെലവുകൾ കൂടും. പൊതു പ്രവർത്തകർക്ക് അംഗീകാരങ്ങൾ ലഭിക്കും. അവിവാഹിതർക്ക് ഉന്നത കുടുംബത്തിൽ നിന്നും വിവാഹാലോചനകൾ വന്നെത്തും.
ഉത്രട്ടാതി: മനഃസന്തോഷം വർദ്ധിക്കും. സഹോദരഗുണം ഉണ്ടാകും, മാതാവിൽ നിന്നും സഹായസഹകരണങ്ങൾ ലഭിക്കും. കൂട്ടുബിസിനസിൽ ഏർപ്പെട്ടവർക്ക് അവിചാരിതമായി ധനലാഭം ഉണ്ടാകും. ഗൃഹനിർമ്മാണത്തിന് അനുകൂലം. ദാമ്പത്യജീവിതം സന്തോഷപ്രദമായിരിക്കും.
രേവതി: ഭൂമിസംബന്ധമായ ക്രയവിക്രയങ്ങൾക്ക് അനുകൂല സമയം. മനസിൽ ആഗ്രഹിക്കുന്ന കാര്യങ്ങൾ ഭംഗിയായി നിറവേറും. സർക്കാർ സംബന്ധമായ കാര്യങ്ങൾക്ക് അനുകൂല വിധി ഉണ്ടാകും. സാമ്പത്തികനേട്ടം ഉണ്ടാകും. സഹോദരസ്ഥാനീയരുമായി അഭിപ്രായവ്യത്യാസത്തിന് സാദ്ധ്യത. ചൊവ്വാഴ്ച ദിവസം അനുകൂലം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |