കടനാട് : പേമാരിയിലും ഇടിമിന്നലിലും കൃഷിക്കും വീടുകൾക്കും നാശനഷ്ടമുണ്ടായവർക്ക് അടിയന്തര സഹായം നൽകണമെന്ന് ജില്ലാ പഞ്ചായത്ത് മെമ്പർ രാജേഷ് വാളിപ്ലാക്കൽ ആവശ്യപ്പെട്ടു . കടനാട് പഞ്ചായത്തിലെ കാവുംകണ്ടംപറവയ്ക്കൽ ഭാഗത്ത് മണ്ണിടിച്ചിൽ നാശനഷ്ടമുണ്ടായ പ്രദേശങ്ങൾ സന്ദർശിക്കുകയായിരുന്നു അദ്ദേഹം. പഞ്ചായത്ത് പ്രസിഡന്റ് ഉഷ രാജു, വൈസ് പ്രസിഡന്റ് സെൻ സി. പുതുപ്പറമ്പിൽ, പഞ്ചായത്ത് അംഗങ്ങളായ ജയ്‌സൺ പുത്തൻ കണ്ടം, ജിജി തമ്പി , ബേബി ഉറുമ്പുകാട്ട്, മത്തച്ചൻ ഉറുമ്പുകാട്ട്, ജോസുകുട്ടി പീടികമലയിൽ തുടങ്ങിയവരും ഒപ്പമുണ്ടായിരുന്നു മണ്ണിടിച്ചിലിൽ കൈപ്പൻ പ്ലാക്കൽ ലീലയുടെ വീട് പൂർണമായി തകർന്നു. കിഴക്കേപറമ്പിൽ തോമസിന്റെ റബ്ബർ കൃഷി നശിച്ചു . ഇടിമിന്നലിൽ വീടിന് നാശനഷ്ടം സംഭവിച്ച ഭരണങ്ങാനം പഞ്ചായത്ത് ഉള്ളനാട് ഓടനാട്ട് ബിജു, ദുരിതാശ്വാസ ക്യാമ്പുകളായി പ്രവർത്തിക്കുന്ന മീനച്ചിൽ പഞ്ചായത്തിലെ വിളക്കുംമരുത് യു.പി സ്‌കൂൾ, ഭരണങ്ങാനം പഞ്ചായത്തിലെ അറവക്കുളം സാംസ്‌കാരികനിലയം, അളനാട് ഗവ.സ്‌കൂൾ തുടങ്ങിയവ ജില്ലാ പഞ്ചായത്ത് മെമ്പർ രാജേഷ് വാളിപ്ലാക്കൽ സന്ദർശിച്ചു .