തിരുവനന്തപുരം: സ്വകാര്യ സുരക്ഷാജീവനക്കാർക്ക് ആദരം അർപ്പിക്കാനായി ഡിസംബർ നാലിന് പ്രൈവറ്റ് സെക്യൂരിറ്റി ഡേ ആയി ആചരിക്കാൻ സ്റ്റേറ്റ് അസോസിയേഷൻ ഒഫ് പ്രൈവറ്റ് സെക്യൂരിറ്റി ഇൻഡസ്ട്രി (സാപ്‌സി ) തീരുമാനിച്ചു. സാപ്‌സിയും ദേശീയ സംഘടനയായ സെൻട്രൽ അസോസിയേഷൻ ഒഫ് പ്രൈവറ്റ് സെക്യൂരിറ്റി ഇൻഡസ്ട്രിയും(കാപ്‌സി) സംയുക്തമായാണ് ദിനാചരണം നടത്തുന്നത്. എല്ലാ വർഷവും ഡിസംബർ 4 ന് സംസ്ഥാനത്ത് പ്രൈവറ്റ് സെക്യൂരിറ്റി ഡേ ആചരിക്കുമെന്ന് സാപ്‌സി സംസ്ഥാന ഭാരവാഹികളായ ഹബീബ് റഹ്മാൻ, റെജി മാത്യു, മുരളീധരക്കുറുപ്പ്, ബൽറാം ജി. മേനോൻ, ശിവൻകുഞ്ഞ് എന്നിവർ അറിയിച്ചു.