കാഞ്ഞങ്ങാട്: വ്യവസായവൽക്കരണത്തിന്റെയും സാമ്പത്തിക വളർച്ചയുടെയും കാലത്ത് ഭാഷയുടെയും സംസ്കാരത്തിന്റെയും സംരക്ഷണം സാമൂഹികമായ ഉത്തരവാദിത്തമാണെന്ന് കേന്ദ്ര സർവകലാശാലയുടെ വൈസ് ചാൻസിലർ പ്രൊഫ. വെങ്കടേശ്വരലു പറഞ്ഞു. നാട്യരത്നം കണ്ണൻ പട്ടാളി കഥകളി ട്രസ്റ്റും കേന്ദ്ര സർവകലാശാലാ മലയാള വിഭാഗവും സംയുക്തമായി സംഘടിപ്പിച്ച തുളു : നാട്, ഭാഷ, സംസ്കാരം എന്ന വിഷയത്തിലുള്ള ദ്വിദിന വെബിനാർ ഉദ്ഘാടനം ചെയ്യുകയായിരുന്നു അദ്ദേഹം. മലയാള വിഭാഗം തലവൻ ഡോ.വി.രാജീവ് അദ്ധ്യക്ഷനായിരുന്നു. കണ്ണൂർ സർവകലാശാല പ്രൊ - വൈസ് ചാൻസിലർ ഡോ.എ. സാബു മുഖ്യാതിഥിയായി. ഡോ.വി. ബാലകൃഷ്ണൻ ആമുഖഭാഷണം നടത്തി. സദനം ബാലകൃഷ്ണൻ ആശാൻ 2021ലെ പുരസ്കാര പ്രഖ്യാപനം നടത്തി. ഡോ.രാധാകൃഷ്ണ ബെള്ളൂർ മുഖ്യപ്രഭാഷണം നടത്തി. ഡോ.എ.എം.ശ്രീധരൻ സ്വാഗതവും ഉദയഭാനു നന്ദിയും പറഞ്ഞു.
ഉച്ചയ്ക്കു ശേഷം ഡോ.വി.ജയരാജന്റെ അദ്ധ്യക്ഷതയിൽ തുളു : പാഡ് ദണെ എന്ന വിഷയത്തിൽ
ഡോ.രാജേഷ് ബജ്ജംഗള പ്രഭാഷണം നടത്തി.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |