പരപ്പനങ്ങാടി: മുൻ കേരള ഫുട്ബാൾ ടീമംഗവും ഫാറൂഖ് കോളേജ് ഫിസിക്കൽ എഡ്യുക്കേഷൻ ഡയറക്ടറുമായിരുന്ന പ്രൊഫ:സി.പി. അബൂബക്കർ (85) അന്തരിച്ചു. കാലിക്കറ്റ് സർവകലാശാല 1971-ൽ ആദ്യമായി അന്തർസർവകലാശാല ഫുട്ബാൾ കിരീടം നേടിയപ്പോൾ ടീം മാനേജരായിരുന്നു. ആദ്യവിജയത്തിന്റെ 50-ാം വാർഷികാഘോഷം ഇത്തവണ കാലിക്കറ്റ് സർവകലാശാലയിൽ സംഘടിപ്പിച്ചിരുന്നു.

ഭാര്യ:ബേബി ഖദീജ. മക്കൾ:അബ്ദുറഹീം,ഇഖ്ബാൽ,സൈനബ (സൈനു), മറിയം. മരുമക്കൾ:സി.പി അബ്ദുറഹ്മാൻ (ഡയറക്ടർ, പരപ്പനങ്ങാടി സർവീസ് ബാങ്ക്), റാഷിദ (മാളു), പരേതനായ ഇബ്രാഹീം ചാവക്കാട്. സഹോദരങ്ങൾ: ഉമ്മർകുഞ്ഞി , ആയിഷ ബീവി, ബീപാത്തു (പത്തീവി),പരേതരായ
സി.പി.കുഞ്ഞികോയാമുട്ടി, സി.പി.മുഹമ്മദ്, നഫീസ,ഖദീജ.