ന്യൂഡൽഹി: കൊവിഡിനെ തുടർന്ന് അന്താരാഷ്‌ട്ര വിമാന യാത്രയ്‌ക്ക് രണ്ടു വർഷമായി ഏർപ്പെടുത്തിയിരുന്ന നിയന്ത്രണം നീക്കി. മാർച്ച് 27മുതൽ വിമാന സർവീസുകൾ പഴയപടിയാവും. 2020 മാർച്ച് 23 മുതൽ നിറുത്തിവച്ച സർവീസുകളാണ് പുനഃസ്ഥാപിക്കുന്നത്. വേനൽക്കാല സർവീസുകളാണ് ആദ്യം തുടങ്ങുകയെന്ന് സിവിൽ വ്യോമയാന ഡയറക്‌ടറേറ്റ് അറിയിച്ചു.

32 വിദേശരാജ്യങ്ങളുമായി സഹകരിച്ച് 2020 ജൂലായിൽ തുടങ്ങിയ ചാർട്ടേഡ് എയർ ബബിൾ സംവിധാനത്തിലാണ് വിമാന സർവീസുകൾ നടന്നിരുന്നത്. ചരക്കു വിമാനങ്ങൾക്കും കേന്ദ്ര സർക്കാർ അനുമതി നൽകുന്ന പ്രത്യേക വിമാനങ്ങൾക്കും നിയന്ത്രണം ബാധകമായിരുന്നില്ല.