ശ്രീനഗർ: ടിക് ടോക് താരത്തെ ഭീകരർ വെടിവച്ചുകൊന്നു. ജമ്മു കാശ്മീരിലെ ബുദ്ഗാം ജില്ലയിൽ ഇന്നലെ വൈകിട്ട് ഏഴുമണിയോടെയാണ് സംഭവം നടന്നത്. പ്രശസ്ത ടിക് ടോക് ടെലിവിഷൻ താരം അമ്രീൻ ഭട്ട് (35) ആണ് ഭീകരരുടെ വെടിയേറ്റ് കൊല്ലപ്പെട്ടത്. ലഷ്കർ- ഇ- ത്വയിബ ആക്രമണത്തിന്റെ ഉത്തരവാദിത്തം ഏറ്റെടുത്തു.
അമ്രീൻ ഭട്ടിനെ വീട്ടിൽവച്ചാണ് കൊലപ്പെടുത്തിയത്. ആക്രമണത്തിൽ ഇവരുടെ പത്തുവയസുകാരനായ അനന്തരവൻ ഫർഹാൻ സുബൈറിനും ഗുരുതരമായി പരിക്കേറ്റു. അമ്രീനിനെ ഉടൻ തന്നെ ആശുപത്രിയിൽ എത്തിച്ചെങ്കിലും മരണപ്പെടുകയായിരുന്നു. സംഭവത്തിൽ പൊലീസ് അന്വേഷണം ആരംഭിച്ചു.
ജമ്മു കാശ്മീരിൽ ഈ ആഴ്ച റിപ്പോർട്ട് ചെയ്യപ്പെടുന്ന രണ്ടാമത്തെ ഭീകരാക്രമണമാണിത്. ചൊവ്വാഴ്ച മകളെ ട്യൂഷന് കൊണ്ടുവിടാൻ പോയ പൊലീസുകാരൻ ഭീകരരുടെ വെടിയേറ്റ് വീരമൃത്യു വരിച്ചിരുന്നു. സൈഫുള്ള ഖ്വാദ്രിയാണ് ശ്രീനഗറിൽ കൊല്ലപ്പെട്ടത്. ആക്രണത്തിൽ സൈഫുള്ളയുടെ മകൾക്കും ഗുരുതരമായി പരിക്കേറ്റിരുന്നു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |