കണ്ണില്ലാത്ത ക്രൂരത; കൊച്ചിയിൽ നായക്കുട്ടിയുടെ മുഖത്തേക്ക് രാസലായനി ഒഴിച്ചു, കാഴ്ച നഷ്ടപ്പെട്ടു

കൊച്ചി: മൂന്ന് മാസം പ്രായം മാത്രമുളള നായക്കുട്ടിയുടെ മുഖത്തേക്ക് രാസലായനി ഒഴിച്ച് ആക്രമണം. എറണാകുളം പുത്തൻകുരിശ് സ്വദേശി നയനയുടെ വളർത്തുനായ പൂപ്പിക്കാണ് ദുരവസ്ഥ ഉണ്ടായത്. കഴിഞ്ഞ തിങ്കളാഴ്ചയായിരുന്നു സംഭവം. നായക്കുട്ടിയുടെ ഒരു കണ്ണിന്റെ കാഴ്ച പൂർണമായും നഷ്ടപ്പെട്ടു. ആന്തരികാവയവങ്ങൾക്ക് പൊളളലേ​റ്റിട്ടുമുണ്ട്.

സംഭവത്തിൽ പുത്തൻകുരിശ് പൊലീസിൽ പരാതി നൽകിയിട്ടുണ്ടെന്ന് നയന മാദ്ധ്യമങ്ങളോട് പറഞ്ഞു. ചില അയൽവാസികളെ സംശയമുളളതായും നയനയുടെ കുടുംബം ആരോപിക്കുന്നുണ്ട്. നയനയുടെ അമ്മ പുറത്ത് പോയ സമയത്താണ് ആക്രമണം നടന്നത്.