ശ്രീനഗർ: കാശ്മീരിൽ അവന്തിപോരയിൽ നടന്ന ഏറ്റുമുട്ടലിൽ രണ്ട് ലഷ്കർ ഇ തൊയ്ബ ഭീകരരെ വധിച്ച് സുരക്ഷാ സേന. ടിവി അവതാരക അമ്രീൻ ഭട്ടിന്റെ കൊലപാതകത്തിൽ പങ്കുളളവരെയാണ് സുരക്ഷാസേന വധിച്ചത്. അവന്തിപോര മേഖലയിലെ പുൽവാമ ജില്ലയിലാണ് ഏറ്റുമുട്ടൽ നടന്നതെന്ന് കാശ്മീർ പൊലീസ് അറിയിച്ചു.
ഷാഹിദ് മുഷ്താഖ് ഭട്ട്, ഫർഹാൻ ഹബീബ് എന്നീ ഭീകരരാണ് ഇന്ന് കൊല്ലപ്പെട്ടത്. സ്ഥലത്തുനിന്നും ഒരു എകെ 47 തോക്കും, പിസ്റ്റളും തിരകളും കണ്ടെത്തിയിട്ടുണ്ട്. സമൂഹമാദ്ധ്യമങ്ങളിലെ താരവും ടിവി അവതാരകയുമായ അമ്രീൻ ഭട്ട് ബുഡ്ഗാം ജില്ലയിലെ ചഡൂരയിൽ അവരുടെ വീട്ടിൽവച്ചാണ് കൊല്ലപ്പെട്ടത്. സംഭവത്തിൽ അമ്രീന്റെ ബന്ധുവായ 10 വയസുകാരനും പരിക്കേറ്റു.
അതിനിടെ ശ്രീനഗറിലെ സൗർ മേഖലയിൽ മറ്റൊരു ഏറ്റുമുട്ടലിൽ രണ്ട് ലഷ്കർ ഭീകരരെ പൊലീസ് വധിച്ചു. ഇവരിൽനിന്നും ആയുധങ്ങളും സ്ഫോടകവസ്തുക്കളും പിടിച്ചെടുത്തു.
J&K | 2 encounters last night- 2 LeT terrorists killed in Sour,Srinagar; recovered 1 AK-47 &a pistol. In Awantipora encounter,2 LeT terrorists killed in connection with TV artist Amreen Bhat's murder. Total 10 terrorists- 7 LeT, 3 JeM killed in last 3 days:Vijay Kumar,IGP Kashmir pic.twitter.com/UqrtgB7AUa
— ANI (@ANI) May 27, 2022
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |