പൊന്നാനി: മത്സ്യത്തൊഴിലാളികൾക്ക് പൊന്നാനിയിൽ സർക്കാർ 12കോടി രൂപ ചെലവിട്ട് നിർമ്മിച്ച ഫ്ലാറ്റിലെ അപാകതയും അഴിമതിയും അന്വേഷിക്കണമെന്ന് ആവശ്യപെട്ട് യൂത്ത് കോൺഗ്രസ് പൊന്നാനി നിയോജക മണ്ഡലം കമ്മിറ്റിയുടെ നേതൃത്വത്തിൽ ഹാർബർ എൻജിനിയർ ഓഫീസിലേക്ക് മാർച്ച് നടത്തി. പൊന്നാനി മരക്കടവത് നിന്ന് 11മണിയോട് കൂടി ആരംഭിച്ച പ്രധിഷേധ മാർച്ച് ഹാർബർ എൻജിനിയർ ഓഫീസ് ഭാഗത്ത് പൊലീസ് തടഞ്ഞു. പ്രവർത്തകരും പൊലീസും തമ്മിൽ നേരിയ ഉന്തും തള്ളുമുണ്ടായി.
പ്രതിഷേധസമരം യു.ഡി.ഫ് ജില്ലാ ചെയർമാൻ അജയ്മോഹൻ ഉദ്ഘാടനം ചെയ്തു. യൂത്ത് കോൺഗ്രസ് അസംബ്ലി പ്രസിഡന്റ് വിനു എരമംഗലം അദ്ധ്യക്ഷത വഹിച്ചു.
നിയോജക മണ്ഡലം വൈസ് പ്രസിഡന്റ് അഡ്വ. സുജീർ, കെ.എസ്.യു സംസ്ഥാന ജനറൽ സെക്രട്ടറി റംഷാദ് പി, ബ്ലോക്ക് കോൺഗ്രസ് പ്രസിഡന്റമാരായ മുസ്തഫ വടമുക്ക്, അനന്തകൃഷ്ണൻ മാസ്റ്റർ, കെ.എസ്.യു ജില്ലാ സെക്രട്ടറി ഹകീം പെരുമുക്ക്, യൂത്ത് കോൺഗ്രസ് പൊന്നാനി അസംബ്ലി വൈസ് പ്രസിഡന്റ് ഗോപകുമാർ, യൂത്ത് കോൺഗ്രസ് പൊന്നാനി മണ്ഡലം പ്രസിഡന്റ് ദർവേശ് എന്നിവർ പ്രസംഗിച്ചു.
അഴിമതി കണ്ടെത്തി ഉത്തരവാദിത്തപെട്ട ഉദ്യോഗസ്ഥർക്കെതിരെ നടപടി സ്വീകരിച്ചില്ലെങ്കിൽ ശക്തമായ സമരത്തിനിറങ്ങുമെന്ന് യൂത്ത് കോൺഗ്രസ് നേതാക്കൾ പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |