കൊല്ലം: കവിയും പത്രപ്രവർത്തകനുമായിരുന്ന ചാത്തന്നൂർ മോഹൻ അനുസ്മരണവും അവാർഡ് സമർപ്പണവും 15ന് നടക്കും. വൈകിട്ട് 3.30ന് കൊല്ലം പ്രസ് ക്ളബ് ഹാളിൽ നടക്കുന്ന അനുസ്മരണം പെരുമ്പടവം ശ്രീധരൻ ഉദ്ഘാടനം ചെയ്യും. വി.ഷിനിലാലിന്റെ സമ്പർക്കക്രാന്തി എന്ന നോവലിനാണ് അവാർഡ് .
ചലച്ചിത്ര സംവിധായകനും നിരൂപകനുമായ വിജയകൃഷ്ണൻ കൃതി പരിചയപ്പെടുത്തും. തിരക്കഥാകൃത്ത് ആർ.ശരത്ത്, എഴുത്തുകാരൻ പി.കെ.ശ്രീനിവാസൻ എന്നിവർ സംസാരിക്കും. മോഹന്റെ ജീവിതസഖി
ഡി. ജയകുമാരി മോഹനെക്കുറിച്ചെഴുതിയ പുസ്തകവും കവിതാസമാഹാരവും ആർ.ശരത്ത്, പി.കെ.ശ്രീനിവാസൻ എന്നിവർ പ്രകാശിപ്പിക്കും.