SignIn
Kerala Kaumudi Online
Tuesday, 16 August 2022 7.14 PM IST

നിയമലംഘനങ്ങൾ നേരിട്ട് കാണാതെ വാഹനങ്ങള്‍ തടയരുത്, അനാവശ്യ  പരിശോധനകൾ  നിർത്തണം; പൊലീസിന് ഡി ജി പിയുടെ കർശന നിർദേശം

traffic-block

ബംഗളൂരു: ട്രാഫിക് പൊലീസിന്റെ അനാവശ്യ പരിശോധനകൾ നിർത്തണമെന്ന് കർണാടക ഡി.ജി.പി പ്രവീണ്‍ സൂദ്. ട്രാഫിക് പൊലീസിന്റെ നടപടിക്കെതിരേ വ്യാപക പ്രതിഷേധമുയര്‍ന്നതോടെയാണ് നടപടി. നിയമലംഘനം നേരിട്ട് കണ്ടാലല്ലാതെ രേഖകള്‍ പരിശോധിക്കാനായി വാഹനങ്ങള്‍ തടഞ്ഞുനിര്‍ത്തരുതെന്ന് ഡി.ജി.പി നിർദേശം നൽകി. ട്വിറ്ററിലൂടെയായിരുന്നു പ്രതികരണം.

പ്രവീണ്‍ സൂദ് ട്രാഫിക് എ.സി.പി.യായിരുന്നപ്പോള്‍ ഇത്തരം പരിശോധനകള്‍ നിര്‍ത്തണമെന്ന നിലപാട് സ്വീകരിച്ച വ്യക്തിയായിരുന്നെന്നും ഡി.ജി.പിയായപ്പോള്‍ പരിശോധന തിരിച്ചെത്തിയെന്നും ഒരാൾ ട്വീറ്റ് ചെയ്‌തിരുന്നു. ഇതിനുള്ള മറുപടിയായാണ് ഡി.ജി.പിയുടെ നിർദേശം.

traffic-block

ഗതാഗതനിയമം ലംഘിക്കുകയോ മദ്യപിച്ച് വാഹനമോടിക്കുകയോ ചെയ്താല്‍ മാത്രം വാഹനപരിശോധന മതിയെന്നും ഡി.ജി.പി കുറിച്ചു. ട്രാഫിക് ജോയിന്റ് കമ്മീഷണറെയും ബംഗളൂരു പൊലീസിനെയും അദ്ദേഹം ടാഗ് ചെയ്തിരുന്നു. ഡി.ജി.പിയുടെ നിർദേശത്തെ സ്വാഗതം ചെയ്‌തുകൊണ്ട് നിരവധിയാളുകൾ എത്തുകയാണ്.

ബംഗളൂരുവിൽ വാഹനങ്ങള്‍ തടഞ്ഞുനിര്‍ത്തിയുള്ള പരിശോധനകൾ വലിയ പ്രതിഷേധങ്ങൾക്ക് ഇടയാക്കിയിരുന്നു. റോഡരികില്‍ വാഹനങ്ങള്‍ തടഞ്ഞിടുന്നത് ഗതാഗതക്കുരുക്കിന് കാരണമായി എന്നുമാണ് ആരോപണം ഉയരുന്നത്. ട്രാഫിക് പൊലീസ് കൈക്കൂലി ആവശ്യപ്പെടുന്നുവെന്നും ആരോപണമുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, DGP, KARNADAKA, TRAFFIC BLOCK, CHECKING
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.