SignIn
Kerala Kaumudi Online
Friday, 30 September 2022 3.13 PM IST

ശമ്പളം നൽകാൻ പണമില്ല; സർക്കാരിനോട് 65  കോടി രൂപ  ആവശ്യപ്പെട്ട് കെ എസ് ആർ ടി സി, തലവേദനയായി കോടതി ഉത്തരവും

ksrtc

തിരുവനന്തപുരം: ജീവനക്കാർക്ക് ശമ്പളം നൽകുന്നതിനായി 65 കോടി രൂപ സർക്കാരിനോട് ആവശ്യപ്പെട്ട് കെ എസ് ആർ ടി സി. ജൂലായ് മാസത്തെ ശമ്പളം നൽകാനാണ് സർക്കാരിനോട് പണം ചോദിച്ചിരിക്കുന്നത്.

ജൂലായ് മാസത്ത ശമ്പളം ഇതുവരെ കൊടുത്തുതീർക്കാനായിട്ടില്ല. അതിനായി ഇനിയും 26 കോടി രൂപയാണ് വേണ്ടിവരുന്നത്. കെ എസ് ആർ ടി സി ജീവനക്കാർക്ക് അഞ്ചാം തീയതിക്കുള്ളിൽ ശമ്പളം നൽകണമെന്ന് കഴിഞ്ഞ ജൂണിൽ കോടതി ഉത്തരവിട്ടിരുന്നു. ജീവനക്കാരുടെ ശമ്പളം നൽകുന്നതിന് മുൻഗണന നൽകണമെന്നും കോടതി വാക്കാൽ പറഞ്ഞിരുന്നു.

ഒരു മാസത്തെ ശമ്പളം നൽകുന്നതിന് 79 കോടി രൂപയാണ് കെ എസ് ആർ ടി സിയ്ക്ക് വേണ്ടത്. എട്ട് കോടിയെങ്കിലും ഒരുമാസം വരുമാനം ലഭിക്കുകയാണെങ്കിൽ കാര്യങ്ങൾ പ്രശ്നമില്ലാതെ മുന്നോട്ടുപോകുമെന്ന് കെ എസ് ആർ ടി സി കോടതിയെ അറിയിച്ചിരുന്നു. ഏകദേശം 180 കോടി രൂപയാണ് ഒരുമാസത്തെ കെ എസ് ആർ ടി സിയുടെ വരുമാനം. എന്നാൽ ഓവർ ഡ്രാഫ്റ്റ് എടുത്ത് ജീവനക്കാ‌ർക്ക് ശമ്പളം നൽകിയതിനാൽ ലഭിക്കുന്ന വരുമാനം മുഴുവനും തിരിച്ചടവിനായി പോകുന്നു. കഴിഞ്ഞ മാസങ്ങളിൽ അൻപത് കോടിയോളം രൂപ ശമ്പളം നൽകുന്നതിനായി സർക്കാർ കെ എസ് ആർ ടി സിയ്ക്ക് നൽകിയിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KSRTC, SALARY, HELP, GOVERNEMNT, 65 CRORES
KERALA KAUMUDI EPAPER
VIDEOS
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.