അശ്വതി: അനാവശ്യകാര്യങ്ങളിൽ ഇടപെട്ട് കഷ്ടനഷ്ടങ്ങളിൽ ചെന്നുപെടാതിരിക്കാൻ ശ്രദ്ധിക്കണം. പുതിയ വ്യാപാരത്തിൽ പണം മുടക്കും. തൊഴിലിൽ ചില പ്രശ്നങ്ങൾ ഉത്ഭവിക്കും.

ഭരണി: ഭരണകാര്യങ്ങളിൽ ഏതുകാര്യവും ആലോചിച്ചു മാത്രം ഇടപെടും. ജീവിതരീതിയിൽ ചില മാറ്റങ്ങൾ വരുത്തും. സാമ്പത്തികനിലയും അഭിമാനവും നിലനിറുത്തുന്നതിന് പരിശ്രമിക്കും.

കാർത്തിക: കാരണം കാണിക്കാതെയും പറയാതെയും എതിരാളികളെ നിഷ്‌ക്രിയരാക്കാനുള്ള നീക്കം പരാജയപ്പെടും. ഉദ്യോഗത്തിൽ ഉയർന്ന സ്ഥാനത്തേക്ക് നിയമിക്കപ്പെടും.

രോഹിണി: രോമാഞ്ചം അനുഭവപ്പെടുന്ന സംഭവങ്ങളുണ്ടാകും. വ്യവഹാരങ്ങളിൽ അനുകൂലമായ വിധി ലഭിക്കും. കലാസാഹിത്യ പ്രവർത്തനങ്ങൾ മൂലം വരുമാനവും ബഹുമാനവും പ്രശസ്തിയും വർദ്ധിക്കും.

മകയിരം: മക്കളുടെ കാര്യങ്ങളെക്കുറിച്ച് ആശങ്ക വർദ്ധിക്കും. വാഹനാപകടങ്ങൾക്ക് സാദ്ധ്യതയുണ്ടെങ്കിൽ അതിൽ നിന്ന് അത്ഭുതകരമാംവിധം രക്ഷപ്പെടും. തൊഴിൽ രംഗത്ത് ശോഭിക്കും.

തിരുവാതിര: തീരുമാനങ്ങളിൽ ഉടമസ്ഥൻ ഉറച്ചുനില്ക്കുന്നതുമൂലം അന്യരുടെ സൂത്രങ്ങൾ വിലപ്പോകാതെയാകും. സന്താനങ്ങളുടെ ജോലികാര്യങ്ങൾക്ക് ഫലമുണ്ടാവും.

പുണർതം: പുതിയ കൂട്ടുകെട്ടുകൾമൂലം ജോലി സുഗമമാകാനിടയുണ്ട്. വാഹനങ്ങൾ വാങ്ങണമെന്ന ആഗ്രഹം സഫലമാകും. ഗൃഹം മോടിപിടിപ്പിക്കും.

പൂയം: പൂജയ്ക്കായും വഴിപാടുകൾക്കായും നല്ല തുക ചെലവഴിക്കുമെങ്കിലും ജീവിതനിലവാരം വർദ്ധിക്കും. ക്ഷേത്രങ്ങളുമായി ബന്ധപ്പെട്ടു പ്രവർത്തിക്കും.

ആയില്യം: അയൽക്കാരുമായി പിണങ്ങാൻ ഇടയുണ്ട്. പുസ്തകങ്ങൾക്കും വസ്ത്രങ്ങൾക്കുമായി നല്ല തുക ചെലവഴിക്കും. വിദേശനിർമ്മിത വസ്തുക്കൾ പാരിതോഷികമായി ലഭിക്കും.

മകം: മധുരിക്കുന്ന ഓർമ്മകൾ അയവിറക്കി രസിക്കും. ജോലിയിൽ ആത്മാർത്ഥതയും സമർപ്പണഭാവവും കുറയും. സഹപ്രവർത്തകരെ ഗൗനിക്കാതെ വയ്യ.

പൂരം: പുരാതന ധനം ലഭിക്കും. കൂട്ടുകച്ചവടം ചെയ്ത് സാമ്പത്തിക നഷ്ടം വരും. കുടുംബത്തിൽ സന്താനസൗഭാഗ്യമുണ്ടാകും.

ഉത്രം: ഉത്തരവാദിത്വം വർദ്ധിച്ച ജോലിയിൽ പ്രവേശിക്കും. വിദേശ രാജ്യങ്ങൾ സന്ദർശിക്കും. യോഗ പരിശീലിക്കും.

അത്തം: അത്താണി പോലെ വിശ്രമകേന്ദ്രം നിർമ്മിക്കും. വിരുന്നുകാരുടെ ആഗമനം.

ചിത്തിര: ചിരകാലാഭിലാഷം പൂവണിയും. ഭരണകാര്യങ്ങളിൽ ശോഭിക്കും. തസ്കര ഭീതി, രോഗഭിതി എന്നിവയ്ക്ക് ലക്ഷണമുണ്ട്.

ചോതി: ചോരാതിഭയം, അഗ്നിമൂലം അപകടങ്ങൾ, പ്രണയസാഫല്യം എന്നിവ അനുഭവപ്പെടും. മറവിമൂലം സാമ്പത്തിക നഷ്ടം.

വിശാഖം: വിശേഷ സ്ഥാനമാനലബ്ധി, അന്യദേശവാസം, പുണ്യദേവാലയങ്ങൾ സന്ദർശിക്കൽ, പാചകം, ധ്യാനം എന്നിവ പരിശീലിക്കും.

അനിഴം: അനാവശ്യ ചിന്തകൾ മൂലം ഉറക്കം നഷ്ടപ്പെടും. എഴുത്തുകുത്തുകൾ മൂലം ഗുണാനുഭവം. സന്താനങ്ങൾ മത്സരപരീക്ഷകളിൽ നല്ല പ്രകടനം കാഴ്ചവയ്ക്കും.

തൃക്കേട്ട: തൃപ്പടിമേൽ പട്ടുകോണം, മഞ്ഞലാവുമുണ്ട്, നല്ലെണ്ണ, മധുരനാരങ്ങഎന്നിവ പ്രാർത്ഥിച്ച് വയ്ക്കുക. വിനോദസഞ്ചാരം നടത്തും. അപ്രതീക്ഷിത ധനം.

മൂലം: മൂർത്തികൾക്കായി വഴിപാടും പൂജയും നടത്തും. സന്താനങ്ങളുടെ വിദ്യാഭ്യാസാവശ്യങ്ങൾക്കായി നല്ല തുക ചെലവഴിക്കും. ദിനചര്യകളിൽ കാര്യമായ വ്യതിയാനം.

പൂരാടം: പുരാതന ധനം ലഭിക്കൽ, സത്‌സംഗം, വിശേഷ സ്ഥാനലബ്ധി, പ്രവർത്തനവിജയം എന്നിവയ്ക്ക് ലക്ഷണമുണ്ട്.

ഉത്രാടം: ഉത്രാടം നക്ഷത്രക്കാർ തൊടുന്നതെല്ലാം കുറുന്തോടി നടന്ന് പോകൽ, ധർമ്മദൈവപ്രീതി, ആജ്ഞാശക്തി, ഗൃഹപരിഷ്കാരം, അപകടങ്ങളിൽ നിന്ന് രക്ഷപ്പെടും.

തിരുവോണം: തിരക്കഥയെഴുതിയ ഉടനെ പ്രശസ്തിയിലെത്തും. പുണ്യദേവാലയ ദർശനം, സർക്കാരിൽ നിന്ന് ആനുകൂല്യം ലഭിക്കും.

അവിട്ടം: അവിശ്വസിക്കാൻ പാടുള്ളതല്ലായെങ്കിലും ചില സംശയങ്ങൾ മനസിലിട്ട് നോക്കൽ, വിദ്വൽസദസുകളിൽ സാന്നിദ്ധ്യം വഹിക്കൽ, നവീന വസ്‌ത്രാഭരണലബ്ധി എന്നിവ ഫലമാകുന്നു.

ചതയം: ചന്തമേറുന്ന വീട് നഷ്ടപ്പെടാൻ സാദ്ധ്യത, വിലപ്പെട്ട പ്രമാണങ്ങളിലൊപ്പുവയ്ക്കൽ. വിരുന്നു സത്കാരം നടത്തും.

പൂരുരുട്ടാതി: പൂർത്തീകരിക്കാൻ കഴിയാത്ത വീടിനെക്കുറിച്ച് ഓർമ്മകൾ ഓടിനടക്കും. ഗൃഹനിർമ്മാണം ഉടനെ പുനരാരംഭിക്കും. സന്താനങ്ങളുടെ ഉയർച്ചയിൽ അഭിമാനം കൊള്ളും.

ഉത്രട്ടാതി: ഉദര നിമിത്തം ബഹുവിധ വിളകൾ നന്നായി കൃഷിചെയ്തെടുക്കുന്ന പ്രവൃത്തികളിലേർപ്പെടും. വിദ്വൽസദസുകളിലും സാംസ്കാരിക ചടങ്ങുകളിലും പങ്കെടുത്ത് സദസ്യരുടെ ആദരവും ബഹുമാനവും പിടിച്ചുപറ്റും.

രേവതി: രേഖാചിത്രം, പൂത്തിരി ആഘോഷം, വിശേഷ സ്ഥാനലബ്ധി, വിനോദയാത്ര നീട്ടിവയ്ക്കൽ, പരീക്ഷാദികളിൽ സമുന്നത വിജയം എന്നിവ അനുഭവപ്പെടും.