അശ്വതി : ആശ്രമം സന്ദർശിക്കുകയും ആത്മീയ പരിപാടികളിൽ സംബന്ധിക്കുകയും ചെയ്യും. കലാസാഹിത്യ പ്രവർത്തനംമൂലം ഗുണാനുഭവം, മിഷ്ടാനഭോജനം എന്നിവ ഫലം.

ഭരണി : ഭഗീരഥ പ്രയത്‌നം ചെയ്ത് പഠിച്ച് നല്ല നിലയിൽ ജോലി സമ്പാദിക്കും. വിദേശ യാത്രമൂലം സാമ്പത്തിക പുരോഗതി പ്രതീക്ഷിക്കാം. ഗുരുഭക്തി വർദ്ധിക്കും.

കാർത്തിക : കാരുണ്യ പ്രവർത്തനങ്ങൾ തൽക്കാലം നിറുത്തിവയ്ക്കാനിടയുണ്ട്. ഉന്നത വ്യക്തികളുമായുള്ള പരിചയംമൂലം ഗുണാനുഭവം, അധികാരവർദ്ധിക്കൽ, വഴിപാടുകൾക്കും ഒൗഷധങ്ങൾക്കുമായി ധനവ്യയം എന്നിവ ഫലം.

രോഹിണി : രോഗപ്രതിരോധ ശക്തികൂട്ടുവാനുള്ള ആരോഗ്യമാർഗങ്ങൾ പരിശീലിക്കും. ചെയ്തുപോയ കാര്യങ്ങളെക്കുറിച്ചോർത്ത് മനോവിഷമം അനുഭവപ്പെടും. നവീന വസ്ത്ര രത്‌നാഭരണ ലബ്ധി.

മകയിരം : മടി കാരണം സന്താനങ്ങൾ പരീക്ഷാദികളിൽ ശ്രദ്ധിക്കാത്തതുമൂലം മനോവിഷമം അനുഭവപ്പെടാനിടയുണ്ട്. പന്തുകളി മുതലായവയിൽ അമിത താത്പര്യം.

തിരുവാതിര : തിരുത്താനാവാത്ത അബദ്ധങ്ങളിൽ ചെന്നു ചാടാതിരിക്കാൻ ശ്രദ്ധിക്കണം. ആത്മസുഹൃത്തുക്കളുടെ സഹായം. സർക്കാരിൽനിന്ന് ആനുകൂല്യംലബ്ധി എന്നിവ അനുഭവപ്പെടും.

പുണർതം : പുണ്യ ദേവാലയങ്ങൾ സന്ദർശിക്കുകയും യഥാശക്തി വഴിപാടുകൾ ചെയ്യുകയും ചെയ്യും. ലഹരിപദാർത്ഥങ്ങളിൽ വൈമുഖ്യം. ശത്രുശല്യം. രാജ ബഹുമാനം.

പൂയം : പൂർത്തീകരിക്കാതെ കിടക്കുന്ന പദ്ധതികൾ പൂർത്തീകരിക്കാനുള്ള ശ്രമം ആത്മാർത്ഥമായി ചെയ്യും. ദേവാലയ സന്ദർശനം. ബന്ധുക്കൾ ശത്രുക്കളെപോലെ പെരുമാറൽ എന്നിവയ്ക്ക് സാധ്യതയുണ്ട്.

ആയില്യം : ആയുസ് കൂടുമെന്ന് ഉറപ്പിൽ കുടുംബത്തിൽ ഹോമാദികൾ നടത്തും. അപ്രതീക്ഷിതമായി ധനം വന്നുചേരും. എഴുത്തുകുത്തുകൾ മൂലം ഗുണാനുഭവം എന്നിവ ഉണ്ടാകും.

മകം : മഹാന്മാക്കളെ അവിചാരിതമായി കണ്ടെന്നുവരാനിടയുണ്ട്. കുടുംബ സ്വത്ത് ഭാഗം വയ്ക്കാൻ ആലോചന.

പൂരം : പൂജാദികാര്യങ്ങൾക്കായി ഗൃഹത്തിൽ പൂജാസാമഗ്രികൾ വാങ്ങിക്കും. ദുരിതങ്ങളിൽനിന്ന് ആശ്വാസലബ്ധി.

കടംകൊടുത്ത സംഖ്യ കൃത്യസമയത്ത് തിരികെ ലഭിക്കാതിരിക്കൽ.

ഉത്രം ഉദ്ദിഷ്ട കാര്യസിദ്ധി. ബന്ധുജന സമാഗമം, മൃഗങ്ങളിൽനിന്നും കീടങ്ങളിൽനിന്നും ശല്യം. വിദേശീയ ധനലബ്ധി.

അത്തം : അന്തിമ തീരുമാനം നല്ലതായി വരുന്നതിനാൽ അത് ആഘോഷിക്കും. വാഹനാപകടങ്ങളിൽനിന്ന് അത്ഭുതകരമാംവിധം രക്ഷപ്പെടും. മറവി മൂലം ധനനഷ്ടം.

ചിത്തിര : ചിത്രങ്ങൾകൊണ്ട് ഗൃഹത്തിലെ പ്രധാന മുറികൾ അലങ്കരിക്കും. പുതിയ കൂട്ടുകെട്ട് മൂലം വ്യാപാരങ്ങളിൽ പുരോഗതി വർദ്ധിക്കും.

ചോതി: ചോദിക്കാതെ അകത്തുകടന്നവരെ പുറത്തേക്ക് തന്നെ തിരിച്ചുവിടും.വിദ്യുച്ഛക്തി, വാഹനം, ആയുധങ്ങൾ, വാതകം, രാസപദാർത്ഥങ്ങൾ എന്നിവ കൈകാര്യം ചെയ്യുമ്പോൾ ജാഗ്രത പാലിക്കേണ്ടതാണ്.

വിശാഖം :വിവിധ പരിപാടികളിൽ സംബന്ധിക്കും. കലാസാഹിത്യ പ്രവർത്തനങ്ങൾകൊണ്ട് വരുമാനവും ബഹുമാനവും വർദ്ധിക്കും. വിദേശഗമനം, യോഗ പരിശീലനം.

അനിഴം : അന്യരുടെ വാക്കുകൾ കേട്ട് അബദ്ധത്തിൽ ചെന്നു ചാടാതിരിക്കുക. സന്താനങ്ങൾക്ക് വിദ്യാപുരോഗതി. പ്രധാനപ്പെട്ട പ്രമാണങ്ങളിൽ ഒപ്പുവയ്ക്കും. ആശുപത്രി സന്ദർശിക്കും.

തൃക്കേട്ട : തൃപ്തികരമല്ലാത്ത ജോലിയിൽ നിന്ന് പിൻമാറാനിടയുണ്ട്. വിദേശ യാത്ര, ധനവ്യയം, ഭൃത്യജനങ്ങളിൽനിന്ന് മോശമായ അനുഭവം.

മൂലം : മുതിർന്നവരുടെ വാക്കുകൾ കേട്ട് പ്രവർത്തിക്കുന്നത് നന്നായിരിക്കും. സന്തുഷ്ട ദാമ്പത്യം. വിലപ്പെട്ട പ്രമാണങ്ങളിൽ ഒപ്പുവയ്ക്കൽ. കലാമത്സര പരിപാടികളിൽ വിജയം.

പൂരാടം : ആദ്ധ്യാത്മിക പരിപാടികളിൽ സജീവപ്രവർത്തനം. സന്താനങ്ങളുടെ അഭ്യുന്നതിക്കായി അശ്രാന്ത പരിശ്രമം, ഉദ്യോഗക്കയറ്റം.

ഉത്രാടം : ഉദ്ദിഷ്ടകാര്യസിദ്ധി, ഉന്നത വ്യക്തികളുമായി സൗഹാർദ്ദം, വിരുന്നുസൽക്കാരങ്ങളിൽ പങ്കെടുക്കും. ലഹരിപദാർത്ഥങ്ങളോട് വിരക്തി അനുഭവപ്പെടും.

തിരുവോണം : തിമിര ശസ്ത്രക്രിയയ്ക്ക് തയ്യാറാകും. ലഭിക്കുമെന്ന് കരുതിയിരുന്ന അംഗീകാരം ലഭിക്കാതിരിക്കൽ, ഭൃത്യ ജനങ്ങളിൽനിന്ന് സഹായ സഹകരണം, മേലധികാരികളിൽനിന്ന് സത്യമറിയാതെ ശിക്ഷ നടപ്പാക്കൽ എന്നിവ പ്രതീക്ഷിക്കാം.

അവിട്ടം : അവിചാരിതമായി പല സ്രോതസുകളിൽനിന്ന് ധനം വന്നുചേരും. പാരിതോഷിക ലബ്ധി. വിദേശീയ ധനം ലഭിക്കൽ, കുടുംബത്തിൽ വിരുന്നുകാരുടെ ശല്യം.

ചതയം : ചങ്ങാതികളിൽ നിന്ന് അപ്രതീക്ഷിതമായി ധനസഹായം ലഭിക്കും. അപവാദ ശ്രവണത്തിനെതിരായി സത്യാവസ്ഥ പുറത്തുകൊണ്ടുവന്ന് പൊതുജനങ്ങളുടെ തെറ്റിദ്ധാരണ അകറ്റൽ.

പൂരൂരുട്ടാതി : പൂർവ്വ പരിചയം കാര്യങ്ങളുടെ സുഗമമായ പ്രവർത്തങ്ങൾക്ക് സഹായകമാകും. ഭാഗ്യക്കുറിയോ ചിട്ടിയോ ലഭിക്കൽ, പൊതുവേദികളിൽ ശോഭിക്കൽ.

ഉതൃട്ടാതി : ഉത്തമ വ്യക്തികളിൽ നിന്ന് സഹായം സ്വീകരിക്കുമെങ്കിലും അബദ്ധങ്ങളിൽ ചെന്നുചാടാതിരിക്കാൻ പ്രത്യേകം ശ്രദ്ധിക്കണം. യോഗ, പാചകം, സംഗീതം എന്നിവ പരിശീലനം.

രേവതി : സുഖചികിത്സ വഴിയെ നടത്തും. രഹസ്യ വിദ്യകൾ അഭ്യസിക്കൽ. കുട്ടികളിൽനിന്ന് സ്നേഹം ലഭിക്കൽ, സാഹിത്യ പ്രവർത്തനംമൂലം ഗുണാനുഭവം.