SignIn
Kerala Kaumudi Online
Friday, 07 October 2022 11.55 AM IST

കൊവിഡിനെ തോൽപ്പിച്ചു; ഇനി മാസ്‌ക് വേണ്ടെന്ന് കിം ജോംഗ് ഉൻ, എല്ലാ നിയന്ത്രണങ്ങളും പിൻവലിച്ചു

kim-jong-un

പ്യോംഗ്‌യാംഗ്: കൊവിഡിനെ തോൽപ്പിച്ചെന്ന ഏകാധിപതി കിം ജോംഗ് ഉന്നിന്റെ പ്രഖ്യാപനത്തിന് പിന്നാലെ മാസ്‌ക് ഉൾപ്പടെയുള്ള കൊവിഡ് നിയന്ത്രണങ്ങൾ പിൻവലിച്ച് ഉത്തരകൊറിയ. സാമൂഹിക അകലം, ആന്റി വൈറസ് നടപടികൾ എന്നിവ അതിർത്തി പ്രദേശങ്ങളിൽ ഒഴികെ ഒഴിവാക്കി.

ഉത്തരകൊറിയയിൽ കൊവിഡ് വ്യാപനത്തിന് കാരണം ദക്ഷിണ കൊറിയയുടെ തലസ്ഥാനമായ സിയോൾ ആണെന്ന ആരോപണത്തിന് പിന്നാലെയാണ് പുതിയ നടപടി. രാജ്യത്ത് നിലനിന്നിരുന്ന ആരോഗ്യപരമായ പ്രതിസന്ധിയെ പൂർണമായും ഉൻമൂലനം ചെയ്തുവെന്നും രാജ്യം വൈറസ് മുക്തമായെന്നും ഉത്തരകൊറിയ പ്രഖ്യാപിച്ചിരുന്നു. 2022 മേയിൽ ആദ്യ കൊവിഡ് കേസ് ഔദ്യോഗികമായി റിപ്പോർട്ട് ചെയ്തിരുന്നു. കഴിഞ്ഞയാഴ്ചയാണ് കൊവിഡിൽ നിന്ന് രാജ്യം മുക്തി നേടിയതായി അധികൃതർ വ്യക്തമാക്കിയത്.

2021ലെ വിലക്ക് ലംഘിച്ച് ദക്ഷിണ കൊറിയൻ സാമൂഹിക പ്രവ‌ർത്തകർ ലഘുലേഖകളും ഡോളറും മറ്റും അടങ്ങിയ ബലൂണുകൾ ഉത്തരകൊറിയൻ അതിർത്തികളിൽ പറത്തിവിട്ടിരുന്നു. ഇതാണ് ഉത്തരകൊറിയയിൽ കൊവിഡ് വ്യാപനത്തിന് കാരണമായതെന്ന് കിം ജോംഗ് ഉന്നിന്റെ സഹോദരി കിം യോ ജോംഗ് ആരോപിക്കുകയും സിയോളിനോട് പ്രതികാരം ചെയ്യുമെന്ന് മുന്നറിയിപ്പ് നൽകുകയും ചെയ്തിരുന്നു. കൊവിഡ് വ്യാപനത്തിന് പിന്നാലെ കിം ജോംഗ് ഉന്നിന് കടുത്ത പനി ബാധിച്ചുവെന്നും സഹോദരി വെളിപ്പെടുത്തി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, WORLD, WORLD NEWS, KIM JONG UN, MASK, COVID, RESTRICTIONS, LIFTED, DEFEATED
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.