തഷ്കെന്റ് : ഷാങ്ങ്ഹായ് കോർപ്പറേഷൻ ഓർഗനൈസേഷൻ (എസ്.സി.ഒ) രാജ്യങ്ങളിലെ എട്ട് രാഷ്ട്രത്തലവൻമാരും പങ്കെടുക്കുന്ന22-ാമത് ഉച്ചകോടി ഇന്ന് ഉസ്ബെകിസ്ഥാനിലെ സമർഖണ്ഡിൽ ആരംഭിക്കും. നാളെയാണ് സമാപിക്കുന്ന ഉച്ചകോടിയിൽ 15 ലോകനേതാക്കൾ പങ്കെടുക്കും.

 എസ്.സി.ഒ - ഷാങ്ങ്ഹായ് കോർപ്പറേഷൻ ഓർഗനൈസേഷൻ

 യൂറേഷ്യൻ രാജ്യങ്ങളുടെ കൂട്ടായ്മ

 അംഗരാജ്യങ്ങൾ - നിലവിൽ 8, ഇറാൻ ഉടൻ അംഗമാകും

 രൂപീകരണം - 2001

 ആസ്ഥാനം - ബീജിംഗ്, ചൈന

 ഇന്ത്യ അംഗമായത്- 2017ൽ

 ഭൂമിശാസ്ത്രപരമായ വലിപ്പം, ജനസംഖ്യ, ജി.ഡി.പി എന്നിവയുടെ കാര്യത്തിൽ ലോകത്തെ വലിയ അന്താരാഷ്ട്ര കൂട്ടായ്മകളിൽ ഒന്ന്

 രാഷ്ട്രീയ, സാമ്പത്തിക, സുരക്ഷാ വിഷയങ്ങളിലെ ചർച്ച ലക്ഷ്യം

പങ്കെടുക്കുന്ന നേതാക്കൾ

 നരേന്ദ്ര മോദി (പ്രധാനമന്ത്രി, ഇന്ത്യ)

 വ്ലാഡിമിർ പുട്ടിൻ (പ്രസിഡന്റ്, റഷ്യ)

 ഷീ ജിൻപിംഗ് (പ്രസിഡന്റ്, ചൈന)

 ഷവ്‌കത്ത് മിർസിയോയേവ് (പ്രസിഡന്റ്, ഉസ്ബക്കിസ്ഥാൻ)

 ഷെഹ്‌ബാസ് ഷെരീഫ് (പ്രധാനമന്ത്രി, പാകിസ്ഥാൻ)

 കാസിം - ജോമാർട്ട് ടൊകയേവ് (പ്രസിഡന്റ്, കസഖ്സ്ഥാൻ)

 സദൈർ ജപറോവ് (പ്രസിഡന്റ്, കിർഗിസ്ഥാൻ)

 ഇമോമലി റഹ്‌മോൺ (പ്രസിഡന്റ്, തജികിസ്ഥാൻ)

നിരീക്ഷക രാജ്യങ്ങൾ

 അലക്സാണ്ടർ ലുകാഷെൻകോ (പ്രസിഡന്റ്, ബെലറൂസ്)

 ഇബ്രാഹിം റെയ്‌സി (പ്രസിഡന്റ്, ഇറാൻ)

 ഉഖ്‌നാഗിൻ ഖുറെൽസുഖ് (പ്രസിഡന്റ്, മംഗോളിയ)

അതിഥി രാജ്യങ്ങൾ

 റെസെപ് തയ്യിപ് എർഡോഗൻ (പ്രസിഡന്റ്, തുർക്കി)

 ഇൽഹം അലിയേവ് (പ്രസിഡന്റ്, അസർബൈജാൻ)

 നിക്കോൾ പാഷിന്യൻ (പ്രധാനമന്ത്രി, അർമേനിയ)

 സെർദർ ബെർഡിമുഹാമെഡോവ് (പ്രസിഡന്റ്, തുർക്ക്മെനിസ്ഥാൻ)

2022 ഉച്ചകോടിയുടെ പ്രത്യേകതകൾ

 2019 ജൂണിന് ശേഷമുള്ള നേരിട്ടുള്ള ആദ്യ എസ്.സി.ഒ ഉച്ചകോടി.

 2019ൽ ബ്രസീലിയയിൽ നടന്ന ബ്രിക്സ് ഉച്ചകോടിക്ക് ശേഷം ആദ്യമായി മോദിയും ഷീയും ഒരുമിച്ച് പങ്കെടുക്കുന്നു

 അതിർത്തി കടന്നുള്ള കുറ്റകൃത്യങ്ങൾ, തീവ്രവാദം, കുടിയേറ്റം, മനുഷ്യക്കടത്ത് തുടങ്ങിയ വിഷയങ്ങളും ഇന്ത്യ ചർച്ച ചെയ്യും

 റഷ്യയുമായുള്ള ഇന്ത്യയുടെ തന്ത്രപ്രധാന സാമ്പത്തിക, വാണിജ്യ ബന്ധം ദൃഢമാക്കാനുള്ള അവസരം

 ഇറാൻ പ്രസിഡന്റ് ഇബ്രാഹിം റെയ്‌സിയും മോദിയും തമ്മിൽ ആദ്യ ഉഭയകക്ഷി കൂടിക്കാഴ്ചയും പ്രതീക്ഷിക്കുന്നു

 പാശ്ചാത്യ ഉപരോധം നേരിടുന്ന റഷ്യയ്ക്ക് യൂറേഷ്യൻ പിന്തുണ ഉറപ്പാക്കുന്നതിൽ നിർണായകം

 എസ്.സി.ഒ അദ്ധ്യക്ഷത 2023 സെപ്തംബർ വരെ ഇന്ത്യ ഏറ്റെടുക്കും.

 അടുത്ത വർഷത്തെ ഉച്ചകോടി ന്യൂഡൽഹിയിൽ