തിരുവമ്പാടി: നവംബർ 1 ,2 ,3 തീയതികളിൽ തിരുവമ്പാടിയിൽ നടക്കുന്ന മുക്കം ഉപജില്ലാ സ്കൂൾ കലോത്സവത്തിന് സംഘാടക സമിതി രൂപീകരിച്ചു. 5000 ത്തോളം കലാപ്രതിഭകൾ മാറ്റുരയ്‌ക്കും. സംഘാടക സമിതി രൂപീകരണ യോഗം തിരുവമ്പാടി പഞ്ചായത്ത് പ്രസിഡന്റ് മേഴ്സി പുളിക്കാട്ട് ഉദ്ഘാടനം ചെയ്തു. ഫാ. തോമസ് നാഗപറമ്പിൽ അദ്ധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് കെ.എ അബ്ദുറഹ്‌മാൻ, ജില്ലാപഞ്ചായത്ത് അംഗം ബോസ് ജേക്കബ്, കെ.എം. മുഹമ്മദാലി, രാമചന്ദ്രൻ, അപ്പു, ബാബു പൈക്കാട്ടിൽ, ഡേവിഡ്,അബ്രഹാം മാനുവൽ, മുക്കം ഉപജില്ലാ വിദ്യാഭ്യാസ ഓഫീസർ പി. ഓംകാരനാഥൻ, ഡോ. പി. എം. മത്തായി, അഗസ്റ്റിൻ മഠത്തിപറമ്പിൽ എന്നിവർ പ്രസംഗിച്ചു. ഭാരവാഹികൾ: മേഴ്സി പുളിക്കാട്ട് (ചെയർപേഴ്സൺ) കെ.എ. അബ്ദുറഹ്‌മാൻ (വൈസ് ചെയർമാൻ) അഗസ്റ്റിൻ മഠത്തിൽപറമ്പിൽ (ജനറൽ കൺവീനർ) പി. ഓംകാരനാഥൻ (ട്രഷറർ) വിപിൻ.എം.സെബാസ്റ്റ്യൻ ,സജി തോമസ്, സിസ്റ്റർ സാങ്റ്റ (കൺവീനർമാർ).